शिक्षा प्रणालीले विद्यार्थी र अभिभावकको विश्वास जित्न सक्नुपर्छ: मन्त्री पौडेल

शुक्रबार, फाल्गुन ६, २०७३ | ०४:०४:५१ pm मा प्रकाशित
FacebookTwitterGoogle+PrintEmailShare

काठमाडौँ, फागुन ६: शिक्षामन्त्री धनीराम पौडेलले नेपालको शिक्षा प्रणालीले विद्यार्थी र अभिभावकको विश्वास जित्न सक्नुपर्ने बताएका छन् ।

उच्च माध्यामिक विद्यालय सङ्घ हिसानको राष्ट्रिय भेलाको शुक्रबार यहाँ उद्घाटन गदै उनले उच्च शिक्षा अध्ययन गर्न विदेशमा विद्यार्थी गरिहेकाले हाम्रो शिक्षा प्रणालीले विद्यार्थी र अभिभावकको मन जित्नुपर्ने बताए । मन्त्री पौडेलले ‘गुणस्तरको हिसाबले हामी कमजोर नभए पनि विश्वास जित्न सकेनौ’ भन्दै ‘अब विश्वास जित्ने खालको शिक्षामा सुधार गर्नुपर्दछ बताए ।’ हामीले हाम्रा शिक्षा प्रणालीमा विद्यार्थीको विश्वास जित्न नसकेर हामी विदेशमा विद्यार्थी पठाउने बाध्य भएको बताउँदै उहाँले उच्च शिक्षाका समस्यालाई सम्बोधन गर्ने गरि शिक्षा नियमावली ल्याउन थालेको जानकारी गराए । मन्त्री पौडेलले नियमावलीको सन्र्दभमा अन्य मन्त्रालयसंग राय सुझाव सङ्कलन भइरहेको बताउँदै ‘‘सबै सरोकार पक्षलाई समेटेर चाडै नै नियमावली ल्याउछौ भने । व्यवस्थापिका संसद्का महिला, बालबालिका, जेष्ठ नागरिक तथा समाजकल्याण समितिका संयोजक रञ्जुकुमारी झाले निजी कलेजले गुणस्तरीय शिक्षालाई ध्यान दिनुपर्नेमा जोड दिए । मन्त्रालयका प्रवक्ता डा हरि लम्साल र राष्ट्रिय परीक्षा बोर्डका सदस्य सचिव डिल्ली रेग्मीले निजी कलेजका समस्या समाधान गर्न सरकार तयार रहेको भन्दै उच्च माध्यामिक नभएको अवस्थामा हिसानको नाम परिवर्तन गर्नुपर्ने बताए । हिसानका अध्यक्ष रमेश सिलवालले शिक्षा क्षेत्रमा निजी क्षेत्रको उल्लेखनीय योगदान भएको उल्लेख गदै राज्यले निजी क्षेत्रलाई समेट्नुपर्ने बताए । भेलामा देशभरिका एक सय प्रतिनिधि सहभागी भएका छन् ।
प्याब्सनको महाधिवेशन हुने
निजी तथा आवासीय विद्यालय अर्गनाइजेन प्याब्सनको १३ औँ राष्ट्रिय महाधिवेशन यही फागुन ९ र १० गते काठमाडौँमा हुँदैछ ।
‘गुणस्तरीय शिक्षामा निजी क्षेत्रको अपरिहार्यताः समृद्ध राष्ट्र निर्माणमा प्याब्सनको प्रतिवद्धता’ भन्ने मूल नारासहित हुने महाधिवेशनमा देशका ७२ जिल्ला शाखाबाट करिब दुई हजार प्रतिनिधि आउने महासचिव डिके ढङ्गानाले जानकारी दिए । करिब ६ हजार शिक्षण संस्था र करिब रु दुई खर्बको लगानी रहेको प्याब्सनको महाधिवेशनमा नयाँ नेतृत्वका लागि फागुन ८ गतेदेखि मनोनयन हुनेछ । भावी अध्यक्षमा टिका पुरी र विजय सम्बाहाम्फेको समूहले उम्मेदवारी दिने तयारी गरेको छ ।

प्रतिकृया