कुलमानको नयाँ निर्देशन, ‘समय प्रसारणलाईनको ठेक्का नसके क्षतिपुर्ती भराउने’

आइतवार, जेष्ठ ६, २०७५ | ०४:३०:०७ pm मा प्रकाशित
FacebookTwitterGoogle+PrintEmailShare

kulकाठमाडौं, जेठ ६ : समयमै प्रसारणलाइन निर्माण नभएका कारण जलविद्युत आयोजनाको विद्युत् खेर जाने अवस्था आयो भने अहिले विद्युत प्राधिकरणले त्यस्ता आयोजनालाई पेनाल्टी तिर्नुपर्छ ।

विद्युत् प्राधिकरणले त्यस्तो क्षतिपुर्ति बापतको रकम अब भने प्रसारणलाइन समयमै निर्माण सम्पन्न नगर्ने ठेकेदारबाट असुलेर जलविद्युत आयोजनाको प्रबर्द्धक कम्पनीलाई दिने भएको छ ।

सोलु करिडोर समयमै निर्माण नभएका कारण सोलु खोलामा निर्माण भएका आयोजनाहरुबाट विद्युत खेर जाने देखिएको छ । सोलु करिडोर प्रसारणलाइनमा विद्युत जोड्ने गरि अहिले सोलु खोलामा निजी क्षेत्रका २ हजार १७, ५ मेगावाटका ६ जलविद्युत आयोजना निर्माण भइरहेका छन् ।
यसमध्ये ८२ मेगावाटको तल्लो सोलु र २३, ५ मेगावाटको माथिल्लो सोलु आयोजनाको निर्माण सम्पन्न भई प्रसारण लाइन अभावमा विद्युत जोड्न नसकेमा प्राधिकरणले ४५ प्रतिशत हर्जाना ९पेनाल्टी० तिर्नु पर्ने व्यवस्था विद्युत खरिद सम्झौता ९पीपीए०मा छ ।

समयमै सोलु करिडोरको निर्माण अघि नबढाएपछि शुक्रबार विद्युत प्राधिकरणका कार्यकारी निर्देशक घिसिङ सहितको टोली तिंलामा निर्माणाधीन १३२र३३र११ केभी सव(स्टेसन र प्रसारण लाइनको स्थलगत निरीक्षण गर्न गएको थियो ।

निर्माण स्थलमा पुगेको घिसिङले भने ‘प्रसारणलाइन निर्माण समयमै सकिएन भने प्राधिकरणले जलविद्युत आयोजनालाई दिनुपर्ने क्षतीपुर्ति प्रसारणलाइन निर्माण कम्पनीबाटै उठाउने छ ।’

नेपाल सरकार तथा प्राधिकरणको लगानी र भारतीय एक्जिम बैकको सहुलीयतपूर्ण ऋणमा निर्माण भइरहेको आयोजनाको काम सन् २०१९ को मार्चमा सक्ने लक्ष्य राखिएको छ । तिंला-ओखलढुंगा-उदयपुर-मिर्चैया (सिराहा) ९० किलोमिटर प्रसारण लाइन आयोजनाले ३०३ टावर निर्माण गर्नु पर्छ । त्यसमध्ये हालसम्म ५० टावरको जग हालिएको छ भने पाँचवटा खडा गरिएको छ ।

ठेकेदार कम्पनी मोहन इनर्जीले डिसेम्बर २०१८ भित्रमा तिंलामा सब स्टेसन बनाइसक्ने प्रतिबद्धता जनाएको छ । ‘प्रसारण लाइनमा पर्ने वन क्षेत्रको जग्गा प्रयोग र रुख कटानमा देखिएको समस्या समाधान गरिदिन ऊर्जा र वन मन्त्रीलाई आग्रह गर्छु, तपाईहरु साइटमा काम गर्नुहोस्’ उनले भने ‘निर्माण प्रगतिको नियमित अनुगमन हुन्छ, समयमै काम सकिएन भने यसको जिम्मेवारी आयोजना प्रमुख र ठेकेदार कम्पनी लिनु पर्छ ।’

प्राधिकरणले सोलु करिडोर निर्माणमा केही ढिलाई हुने देखेपछि माथिल्लो सोलुको विद्युत जोड्नका लागि अस्थायी वैकल्पिक व्यवस्थाका रुपमा ओखलढुंगाबाट ३३ केभी प्रसारण लाइन निर्माण र तिंलामा ३३र११ केभीको सव(स्टेसन बनाइरहेको छ । यसको काम ६ महिनाभित्रमा सकिने प्राधिकरणका प्रवक्ता एवं व्यापार विभाग प्रमुख प्रवल अधिकारी बताउँछन् ।

साथै प्राधिकरणले ६ महिनाभित्र सोलुमा राष्ट्रिय प्रसारण लाइन पुर्‍याउने भएको छ । कार्यकारी निर्देशक घिसिङले ६ महिनाभित्र सोलुमा राष्ट्रिय प्रसारण लाइन पुर्‍याउने गरी काम भइरहेको जानकारी दिएका छन् ।

अहिले ओखलढुंगासम्म मात्रै राष्ट्रिय प्रसारण लाइन पुगेको छ । साथै प्राधिकरणले अहिले ओखलढुंगाबाट सोलुखुम्बुको सदरमुकाम सल्लेरीसम्म ३३ केभी प्रसारण लाइन तानिरहेको छ ।

प्रतिकृया