Author Archives: डिजिटल दैनिक

चैतदेखि २० वर्ष पुराना सवारी लिलाम गर्ने विभागको तयारी

Purana-Gadi
FacebookTwitterGoogle+PrintEmailShare

काठमाडौँ, फागुन १३ः यातायात व्यवस्था विभागले २० वर्ष नाघेका सार्वजनिक यातायात आगामी चैत १ गतेपछि पनि गुडेमा ‘सीज’ गरी लिलाम गर्ने तयारी गरेको छ ।

फागुन मसान्तसम्म २० वर्ष पुराना सार्वजनिक सवारीको ‘इञ्जिन नम्बर’ र ‘चेसीस नम्बर’ विभागमा बुझाउन सवारी धनीलाई अनुरोध गरिएको महानिर्देशक रुपनारायण भट्टराईले बताए । दुवै नम्बर बुझाउनेले कबाडीमा सवारीका पार्टपूर्जा बेच्न सक्नेछन् । “चैत १ गतेदेखि २० वर्ष पुराना सवारी सडकमा गुडे ‘सीज’ गरी सरकारले लिलाम गर्छ, यसैले फागुन मसान्तसम्म पुराना सवारी व्यवस्थापनको सबै काम सक्न व्यवसायीलाई अनुरोध गरिएको छ”, उनले भने ।Purana-Gadi

देशभर गुडिरहेका २० वर्ष पुराना सवारी साधनका कारण वायु प्रदूषण र सवारी दुर्घटनामा समेत बढ्न थालेपछि चैतदेखि हटाउने निर्णय गरिएको हो । विभागले सवारी तथा यातायात व्यवस्था नियमावली २०५४ संशोधन गरी चैतदेखि देशभरबाट २० वर्ष पुराना सवारी साधन हटाउन लागेको छ । विभागले गत वर्ष फागुनदेखि उपत्यकाबाट २० वर्ष पुराना सवारी साधन हटाएको थियो । उपत्यकाबाट २० वर्ष पुराना सवारी साधन हटाउन गरेको निर्णय पूर्णरुपमा कार्यान्वयन नहुँदा प्रदूषण बढेको यातायात क्षेत्रको विकृतिका विरुद्धमा अभियान सञ्चालन गरिरहनुभएका रामबहादुर थापाले सुनाए ।

विभागका महानिर्देशक भट्टराई विसं २०७३ फागुनदेखि उपत्यकाबाट २० वर्ष पुराना सवारी हटाउन गरेको निर्णय पूर्णरुपमा कार्यान्वयन हुन नसकेको स्वीकार्नु हुन्छ । नियमावली संशोधन गरेर गत वर्ष कात्तिकमा नेपाल राजपत्रमा सूचना प्रकाशित गरी २०७४ फागुन मसान्तसम्म देशभर रहेका २० वर्ष पुराना सवारी साधन हटाउने निर्णय गरिएको हो । गत वर्ष उपत्यकाबाट नहटेका २० वर्ष पुराना सवारी पनि फागुन मसान्तसम्म हटाइनुपर्ने विभागले जनाएको छ । विभागले २० वर्ष पुराना ट्याक्सी र विद्युतीय सवारी साधन भने गुड्न दिइने जनाएको छ ।

विद्युतीय टेम्पो हाल उपत्यकामा ६०० र उपत्यका बाहिर २०० छन् । ब्याट्रीबाट चल्ने सवारी साधन भने ३० वर्षसम्म चल्नसक्ने निर्णय मन्त्रिपरिषद्ले गरी गत असोजमै नेपाल राजपत्रमा सूचना प्रकाशित भइसकेको महानिर्देशक भट्टराईले बताए । हाल देशभर २० वर्ष पुराना सवारी साधन पाँच हजार ५०० गुडिरहेको विभागले जनाएको छ ।

४ हजार कर्मचारीले रोजे स्वेच्छिक अवकाश, एकमुष्ट ७ वर्षको निवृत्तिभरण दिईने

samanya-Prasaa-Mantralaya

काठमाडौं, फागुन १३ः निजामती सेवामा कार्यरत ३७ सय कर्मचारीले स्वेच्छिक अवकाश रोजेका छन् ।

आइतबारसम्म काठमाडौंमा कार्यरत ७ सय र काठमाडौं बाहिरका ३ हजार ४९ कर्मचारीले स्वेच्छिक अवकाशका लागि आवेदन दिएको सामान्य प्रशासन मन्त्रालयले जनाएको हो । स्वेच्छिक अवकाश रोज्नेमा ३ सचिव र १३ सहसचिव पनि रहेका छन् । अहिलेसम्म ३७ सय ४८ कर्मचारीले आवेदन दिएको र आवेदन दिनेमा अवकाश पाउन लागेका र अधिकृतभन्दा तलका कर्मचारी रहेको मन्त्रालयले जनाएको छ ।samanya-Prasaa-Mantralaya

समायोजनमा जान नचाहने कर्मचारीलाई आइतबारसम्म निवेदन दिन आह्वान गरिएको थियो । २२ हजार कर्मचारी अवकाशयोग्य भनिए पनि ३७ सय कर्मचारीले मात्र आवेदन दिएको मन्त्रालयले जनाएको छ । बीस वर्षे सेवाअवधि पूरा गरी निवृत्तिभरण पाउने अवस्थामा रहेका र ५० वर्ष उमेर पुगेका कर्मचारीले अवकाश लिन पाउने व्यवस्था गरिएको थियो।

देशमा संघीयता लागु हुने भएपछि सरकारले कर्मचारीलाई पठाएको प्रदेशमा जान वा अवकाश रोज्ने विकल्प दिएको थियो। स्वेच्छिक अवकाश लिने कर्मचारीलाई सरकारले एकमुष्ट ७ वर्षको निवृत्तिभरण दिनेछ ।

सात वर्षको एकमुष्ट निवृत्तिभरण दिँदा एक जनाले पदअनुसार १८ लाखदेखि ४२ लाख रूपैयाँसम्म पाउनेछन् । देशभर झन्डै ८६ हजार निजामती कर्मचारी छन्।

प्रधानमन्त्री कप महिला क्रिकेटको उपाधि एपीएफले चुम्यो

01

कैलाली, फागुन १३ः धनगढीमा सम्पन्न प्रधानमन्त्री कप महिला राष्ट्रिय क्रिकेट प्रतियोगिताको उपाधि एपीएफ क्लबले हात पारेको छ ।

एपीएफले फाइनलमा पूर्वाञ्चललाइ ७ विकेटले पराजित गर्यो । धनगढीको फाप्ला क्रिकेट मैदानमा टस हारेर ब्याटिङ गरेको पूर्वाञ्चलले निर्धारीत २० ओभरमा पाँच विकेट गुमाउदै मात्र ६० रन बनायो । उसका लागि काजल श्रेष्ठले १८ र रोमा थापाले १२ रन बनाउनु बाहेक अन्य कसैले दोहोरो अंक छुन सकेनन् ।01

एपिएफका लागि कसिलो बलिङ गरेका रेखा रावल , करुणा भन्डारी, सीता राना मगर, रितु कनोजीया र अन्जली चन्दले १–१ विकेट लिए । जवाफमा ६१ रनको लक्ष्य एपीएफले १६ ओभर तीन वलमा तीन विकेट गुमाउदै पुरा गर्यो । एपीएफको जीतमा ज्योती पाण्डेले २२, सरिता मगरले अविजीत १५ रनको योगदान दिए ।

पूर्वाञ्चलका संगता राइ र शान्ति चौधरीले एक–एक विकेट लिए पनि जीतका लागि पार्याप्त भएन् । विजेता एपीएफले पाँच र उपविजेता पूर्वाञ्चलले दुई लाख पुरस्कार प्राप्त गरे । व्यक्तिगत विधातर्फ पूर्वाञ्चलका खेलाडीको वर्चश्व रह्यो ।

पूर्वाञ्चलकी कप्तान रुविना क्षेत्री प्रतियोगिताको उत्कृष्ट वलरसहित प्लेयर अफ द सिरिज घोषित भइन् । उत्कृष्ट ब्याट्स वुमन पनि पूर्वाञ्चलकै काजल श्रेष्ठ बनिन् । सुदूरपश्चिमाञ्चलकी लक्ष्मी साउद उदियमान खेलाडी बन्दा फेयर प्ले टिम पनि सुदूरपश्चिमाञ्चल नै चुनियो ।

लोला हान्नेलाई प्रहरीले सार्वजनिक अपराधदेखि ज्यान मार्ने उद्योगमा मुद्दा चलाउने

000

काठमाडौं, फागुन १३ः प्रहरीले होलीमा जबरजस्ती लोला हान्ने र रंग दल्नेलाई सार्वजनिक अपराधदेखि ज्यान मार्ने उद्योगमा मुद्दा चलाउने भएको छ।

महानरीय प्रहरी परिसरले काठमाडौंमा आइतबार पत्रकार सम्मेलन गर्दै होलीका नाममा जबरजस्ती लोला हान्ने तथा रंग दल्नेलाई कडा कारवाही गर्ने जनाएको हो ।

पत्रकार सम्मेलनमा एसएसपी पोखरेलले होलीका नाममा कुनै पनि व्यक्तिलाई जबरजस्ती गरेको भेटिए उनीहरूको गल्ती अनुसार सार्वजनिक अपराधदेखि ज्यान मार्ने उद्योगमा समेत मुद्दा लगाउने बताए ।

होलीका दिन काठमाडौंमा २ हजारभन्दा बढी प्रहरी परिचालन हुनेछन् । त्यसैगरी, विभिन्न स्थानमा सुरक्षा जाँच राखिने छ भने जबरजस्ती लोला हान्नेलाई पक्राउ गर्न सादा पोशाकका प्रहरी समेत खटाइने छ ।

डा.गोविन्द केसीविरुद्ध अख्तियारमा उजुरी

Govinda Kc Final

काठमाडौं, फागुन १३ः एमाले निकट युवा संघ नेपालका एक नेताले त्रिवि शिक्षण अस्पतालमा कार्यरत डा गोविन्द केसीविरुद्ध अख्तियारमा उजुरी दर्ता गरेका छन् ।

युवा संघ नेपालका श्रम तथा रोजगार विभाग सचिव विपिन ढकालले डा.केसीले अख्तियारको दुरुपयोग गरेकाले छानबीन गरी कारबाही गर्न माग गर्दै उजुरी दर्ता गरेका हुन् । ढकालले अख्तियारमा दर्ता गरेको उजुरीको दर्ता नम्बर १२३९६ रहेको छ ।

५ बुँदा समेटेर दर्ता भएको उजुरीमा डा.केसी सरकारी सेवामा कार्यरत रहँदा रहँदै पनि सेवाबाट विमुख भइ अस्पतालका सेवा नै प्रभावित हुनेरी आन्दोलन गरेको, शैक्षिक प्रमणपत्र तथा सेवा आवेदन लगायतका विभिन्न ठाउमा फरकफरक जन्म मिति राखेर लाभ लिएको, ऐन कानुनभन्दा माथि अफुलाई राखेर विधिको साशनकै बर्खिलाप गरेको लगायतका उजुरी छन् ।

५१ निकायका प्रमुखमा एक्ला प्रधानमन्त्री, प्रधानमन्त्रीलाई नै थाहा छैन कहाँ कहाँ प्रमुख छु

kp_oli_pm_Jf4DNpu99p

काठमाडौं, फागुन १३ः प्रधानमन्त्री केपी शर्मा ओलीको जिम्मेवारी केवल सरकार प्रमुखको रूपमा मात्रै छैन ।

सरकार बाहेक विभिन्न परिषद्, प्रतिष्ठान, कोष, विश्वविद्यालय र समितिहरूमा प्रधानमन्त्री नै अध्यक्ष तथा संरक्षक छन् ।प्रधानमन्त्री ओली ५१ निकायको अध्यक्ष तथा संरक्षक छन् । विगतका प्रधानमन्त्रीले बोक्दै आएको बोझको निरन्तरता वर्तमान प्रधानमन्त्रीको थाप्लोमा पनि छ ।

प्रधानमन्त्री नै अनभिज्ञ
दर्जनौँ निकायमा अध्यक्ष र संरक्षक रहेका प्रधानमन्त्री आफ्नो जिम्मेवारीबारे जानकार होलान् त ? पूर्वमुख्यसचिव राजेन्द्रकिशोर क्षेत्री विगतका अनुभवका आधारमा भन्छन्, ‘कतिवटा निकायको अध्यक्षता गर्छु भन्ने जानकारी प्रधानमन्त्रीलाई नै नहुने स्थिति छ ।’ क्षेत्रीको भनाइसँग प्रधानमन्त्री कार्यालयका बहालवाला एक सचिवको प्रतिक्रिया मेल खान्छ ।

उनले प्रधानमन्त्री अध्यक्ष वा संरक्षक रहने सरकारी निकाय कति छन् भन्ने यकिन तथ्यांक प्रधानमन्त्री कार्यालयसँग नरहेको स्विकारे । प्रधानमन्त्री कार्यालयका अनुसार विगतदेखिकै प्रधानमन्त्रीले निकै कम निकायलाई मात्रै समय दिने गरेका छन् । खासगरी सूचना प्रविधि उच्चस्तरीय आयोग, दिगो विकासका लागि राष्ट्रिय आयोग, पर्यटन परिषद्जस्ता दर्जनौँ निकाय प्रधानमन्त्रीले समय दिन नसक्दा प्रभावित हुने गरेका छन् ।

सहसचिव, सचिव र मन्त्रीअन्तर्गत रहने कतिपय निकायमा समेत प्रधानमन्त्रीले नै अध्यक्षता गर्ने अभ्यास छ । प्रधानमन्त्रीअन्तर्गत रहेरसमेत प्रभावकारी हुन नसकेको एउटा निकाय सतर्कता केन्द्र पनि हो । अचम्म त अझ के भने खारेज भएको कानुनका आधारमा गठित निकायसमेत प्रधानमन्त्रीकै अध्यक्षतामा राखिएको छ ।

प्रधानमन्त्रीले अध्यक्षता गर्ने निर्देशन विकेन्द्रीकरण कार्यान्वयन तथा अनुगमन समितिलाई निर्देशित गर्ने स्थानीय स्वायत्त शासन ऐन खारेज भइसकेको छ । – नयाँ पत्रिका दैनिकबाट

को को हुँदैछन् राष्ट्रपति र उपराष्ट्रपति

Sital-Niwas-Final

काठमाडौं, फागुन १३ः एमालेले आफ्ना भागमा परेको राष्ट्रपतिमा राष्ट्रपति विद्यादेवी भण्डारीलाई दोहोर्‍याउने वा नयाँ पठाउने निर्णय गरेको छैन ।

राष्ट्रपति चुनाव २९ फागुनमा हुँदैछ । प्रधानमन्त्री ओलीले राष्ट्रपतिमा भण्डारीलाई नै दोहोर्‍याउन चाहेका छन्। भण्डारीले पनि दोहोरिने प्रकट र अप्रकट चाहना राखेकी छन् । यो खबर हामीले आजको अन्नपूर्णबाट लिएका हौ। एमालेका वरिष्ठ नेता झलनाथ खनालले पनि राष्ट्रपतिमा इच्छा व्यक्त गरेका छन्।

उनले आफूलाई पार्टीले राष्ट्रपतिमा पठाए जान इच्छुक रहेको सार्वजनिक अभिव्यक्ति नै दिएका छन्। एमालेले राष्ट्रपति दोहोर्‍याए माओवादीले पनि उपराष्ट्रपति दोहोर्‍याउने तर एमालेले राष्ट्रपतिमा नयाँ नाम पठाए पार्टीले पनि अमिक सेरचनको नाम पठाउने तयारी गरेको एक माओवादी नेताले बताए।

एमाले उपमहासचिव घनश्याम भुषाल कसैलाई दोहोर्‍याउने/नदोहोर्‍याउने कुनै सहमति नभइसकेको बताउँछन्। उनले भित्री र बाहिरी दुवै रूपमा पार्टीगत सहमति नभएको बताए। ‘गुट अनुसारका इन्ट्रेस्ट मुखरित भइरहेका नाम हुन्, अहिले आइरहेका। पार्टीले त्यसरी छलफल गरेको पनि छैन, संस्थागत निर्णय हुन बाँकी नै छ।

छिटै निर्णय हुन्छ’, उनले भने। एमालेभित्र अर्थमा र माओवादीभित्र गृहमा धेरै नेता आकांक्षी देखिएका छन्। अर्थमा एमालेका ईश्वर पोखरेल, प्रदीप ज्ञवाली, विष्णु पौडेलदेखि सुरेन्द्र पाण्डेसम्मले रुची देखाएका छन्। माओवादीभित्र गृहमा रामबहादुर थापा, वर्षमान पुनदेखि जर्नादन शर्मासम्म आकांक्षी छन्।

​कांग्रेस केन्द्रीय कार्यसमिति बैठक आज बस्दै

28461324_10208602180892209_1459396813_o

काठमाडौं, फागुन १३ः नेपाली कांग्रेस केन्द्रिय कार्यसमितिको बैठक आइतबार बस्दैछ ।

केन्द्रीय कार्यालय ललितपुरको सानेपामा बिहान ९ बजेपछि बस्ने बैठकले संघीय संसदीय दलको परिमार्जित विधान पारित गर्ने कांग्रेस प्रवक्ता विश्वप्रकाश शर्माले जानकारी दिए । शनिबार बसेको सांसदहरुको बैठकले विधानको संशोधन प्रस्तावलाई पारित गरी अनुमोदनका लागि केन्द्रीय समितिमा पठाउन सिफारिस गर्ने निर्णय गरेको थियो ।

त्यसपछि संसदीय दलको नेता चयनको प्रक्रिया सुरु हुने बताइएको छ । दलको नेताका लागि सभापति शेरवहादुर देउवा, महामन्त्री सशांक कोइराला, नेता प्रकाशमान सिंह लगायतले तयारी गरेका छन् ।

महामन्त्री कोइरालाले सर्वसम्मत पाए मात्र संसदीय दलको नेता बन्ने बताए पनि दलको नेतामा देउवाले दावी नछोड्ने भएपछि देउवा र सिंहबीच प्रतिस्पर्धा हुने देखिएको हो ।

चर्चित भारतीय नायिका श्रीदेवीको निधन

1519518343shreedevi

काठमाडौं, फागुन १३ः वलिउड नायिका श्रीदेवीको हृदयघातका कारण मृत्यु भएको छ । ५४ वर्षीया उनी श्रीमान् बोनी कपुर र कान्छी छोरीसँग आइतबार विवाह कार्यक्रममा सहभागी हुन दुबई पुगेकी थिइन् ।

श्रीदेवीको अचानक मृत्युको खबरले बलिउड जगतका प्रसंशक स्तब्ध भएका छन् । श्रीदेवीको जन्म १३ अगस्ट १९६३ मा तमिलनाडुमा भएको थियो । हिन्दी सिनेमा जगतमा श्रीदेवीको निकै ठूलो योगदान छ । सन् १९६३ तमिलनाडुको शिवकाशीमा जन्मेकी श्रीदेवीले हिन्दीका साथै तेलुगु, तमिल, कन्नड र मलायमी फिल्ममा पनि काम गरेकी छिन् । सन् २०१२ का उनले इंगिलश–विंगलिशमार्फत बलिउडमा कमब्याक गरेकी थिइन् । 1519518343shreedevi

श्रीदेवीले चार वर्षको उमेरदेखि फिल्ममा काम गर्न सुरु गरेकी थिइन् । उनले सन् १९६७ मा एक बाल कलाकारको रुपमा फिल्म थनिवानमार्फत आफ्नो फिल्मी करियरको सुरुवात गरेकी थिइन् । श्रीदेवीले बलिउडमा प्रवेश सन् १९७८ को फिल्म सोलहवां सावनमार्फत गरेकी थिइन् तर उनले सन् १९८३ को फिल्म हिम्मतवालाबाट चर्चा बटुलेकी थिइन् । यस फिल्ममा उनीसँगै अभिनेता जितेन्द्रले काम गरे । उक्त फिल्म ब्लकबस्टर भयो ।

त्यसपछि श्रीदेवीले जितेन्द्रसँग थुप्रै फिल्ममा काम गरिन् । उनले सदमा, नागिन, निगाहें, मिस्टर इन्डिया, चालबाज, लम्हे, खुदा गावाह र जुदाइ फिल्ममा अभिनय गरिन् । उनले आफ्नो जीवनकालमा पाँचवटा फिल्मफेयर अवार्ड पाएकी छिन् । श्रीदेवीलाई सन् २०१३ मा पद्मश्रीबाट सम्मानित गरिएको थियो ।

श्रीदेवीले फिल्म निर्माता बोनी कपुरसँग सन् १९९६ मा विवाह गरेकी थिइन् । फिल्म मिस्टर इन्डिया ९सन् ९८७० को सुटिङको क्रममा उनीहरुबिच प्रेम झांगिएको थियो । उनका दुई छोरी जान्ह्वी र खुसी छन् ।

राष्ट्रपतिको कदमप्रति काँग्रेसको आपत्ती, यस्तो गर्यो निर्णय ?

28461324_10208602180892209_1459396813_o

काठमाडौँ, फागुन १२ः नेपाली कांग्रेसले आफ्नो नेतृत्वको सरकारले सिफारिस गरेका तीन जनालाई राष्ट्रियसभा सदस्यमा मनोनयन नगरेको प्रति आपत्ती प्रकट गरेको छ ।

कांग्रेसका प्रतिनिधिसभा र राष्ट्रियसभा सांसदको शनिबार सिंहदरबारमा बसेको बैठकले संविधान बमोजिम तत्कालीन देउवा सरकारको मन्त्री परिषदले सिफारिस गरी राष्ट्रपतिले अनुमोदन गर्ने तीन जना राष्ट्रिय सभा सदस्यको सिफारिसलाई राष्ट्रपतिले अनुमोदन नगरी असंवैधानिक तवरले अनुमोदन गरेको कार्यप्रति आपत्ती जनाएको हो ।

बैठकले नयाँ सरकारको असंवैधानिक प्रस्ताव ग्रहण गर्दै अनुमोदन गरेको घटनाप्रति आपत्ति व्यक्त गर्दै संविधानको रक्षक राष्ट्रपतिबाट संविधानको पूर्ण पालना गरी असंवैधानिक निर्णय तत्काल सच्चाउन माग समेत गरेको छ । पार्टी सभापति शेरबहादुर देउवा नेतृत्वको सरकारले सिफारिस गरेका गोपाल बस्नेत, कृष्णप्रसाद पौडेल र चाँदनी जोशीको नाम सिफारिस गरेको थियो ।28407283_10208602180852208_907332783_o

कांग्रेस नेतृत्वको सरकाले उनीलाई राष्ट्रियसभामा सिफारिस गरेको भए पनि प्रधानमन्त्री केपी शर्मा ओलीको त्यो सिफारिस फिर्ता लिँदै युवराज खतिवडा, रामनारायण बिडारी र विमला पौडेल राईलाई राष्ट्रियसभामा सिफारिस गरिएको थियो । यस्तै, बैठकले नेपाली काँग्रेसले संघीय संसदीय दलमा पेश भएको विधानलाई परिमार्जनसहित पारित गरेको छ । बैठकले नेता डा मीनेन्द्र रिजालले प्रस्तुत गरेको विधानको संशोधन प्रस्तावलाई पारित गरी अनुमोदनका लागि केन्द्रीय समितिमा पठाउन सिफारिस गर्ने निर्णय गरेको हो ।

परिमार्जित विधानलाई भोलि आइतबारदेखि शुरु हुने केन्द्रीय कार्यसमिति बैठकले अनुमोदन गरेपछि दलको नेता चयन प्रक्रिया शुरु हुने काँग्रेसका मुख्यसचिव कृष्णप्रसाद पौडेलले जानकारी दिए । बैठकले पार्टी सभापति शेरबहादुर देउवा नेतृत्वको तत्कालीन सरकारले तीनवटै तह स्थानीय, प्रदेशसभा र प्रतिनिधिसभा निर्वाचन शान्तिपूर्ण रुपमा सफलताका साथ सम्पन्न गरेकामा सभापति देउवालाई धन्यवाद ज्ञापन गरेको छ ।

press release 2074.11.12-1

1 2 3 1,205