Author Archives: डिजिटल दैनिक

तेक्वान्दो टोली बुल्गेरिया जाने, आइटिएफले प्रशिक्षक धमलालाई सम्मान गर्ने

FacebookTwitterGoogle+PrintEmailShare

काठमाडौं, भदौ ४: बुल्गेरियाको पालमोदिप सहरमा भदौ ७ देखि १३ सम्म सञ्चालन हुने १९औँ अन्तर्राष्ट्रिय तेक्वान्दो महासङ्घ (आइटिएफ) च्याम्पियनसिपमा सहभागी हुनजाने पाँच सदस्यीय तेक्वान्दो टोली शनिबार त्यसतर्फ प्रस्थान गर्ने भएको छ ।

त्रिपुरेश्वरमा शुक्रबार आयोजित एक कार्यक्रममा राष्ट्रिय खेलकुद परिषद् (राखेप) का सदस्यसचिव केशवकुमार विष्टले उक्त टोलीलाई बिदाइ गरे । सो अवसरमा विष्टले प्रतियोगितामा उत्कृष्ट प्रदर्शन गर्दै नेपाललाई विश्वसामु अगाडि बढाउन शुभकामना व्यक्त गरे ।

टोलीमा तीन खेलाडी र समान एक प्रशिक्षक तथा निर्णायक रहेका छन् । उक्त प्रतियोगितामा रुपसिंह मोक्तानले ५० केजी, भमबहादुर थापामगरले ६० केजी र थमबहादुर बहिकले ७५ केजी तौल समूहमा नेपालको तर्फबाट चुनौती पेस गर्नेछन् ।

प्रतियोगितामा अञ्जन धमलाले प्रशिक्षण गर्ने छन् भने आइटिएफ तेक्वान्दो नेपालका अध्यक्ष अञ्जुनाथ श्रेष्ठले निर्णायकको भूमिका निर्वाह गर्ने छन् ।

साथै सो प्रतियोगिताका दौरान आइटिएफले दुई/दुई वर्षमा गर्ने विशिष्ट सम्मान अन्तर्गत टोलीका प्रशिक्षक धमलालाई सम्मान गर्न लागेको सङ्घका अध्यक्ष श्रेष्ठले बताए । रासस

पुस्तक प्रदर्शनी सुरु: फल्याकमा धुलो राखी छेस्कोले अक्षरलेख्न सिँके: अध्यक्ष ओली

1440149143825_Pro_Ktm_ Pustak Mela _KP Oli (2)

1440148501383_Pro_Ktm_ Pustak Mela _KP Oli (4)काठमाडौं, भदौ ४: पाठक पुस्तकको खोजीमा हुन्छ, पुस्तकले पनि पाठक नै खोजिरहेको हुन्छ, यही दुईका बीचमा सेतु बन्ने गर्छ ‘पुस्तक प्रदर्शनी’ ।

पाठक र पुस्तकलाई नजिक्याउन नेपाल पुस्तक तथा स्टेसनरी महासङ्घद्वारा आयोजित १९ औँ संस्करणको पुस्तक प्रदर्शनी आजदेखि भृकुटीमण्डपस्थित प्रदर्शनी हलमा सुरु भयो । आगामी भदौ १२ गतेसम्म रहने सो प्रदर्शनीमा स्वदेशी तथा विदेशी करिब ५०० प्रकाशन गृहबाट प्रकाशित करिब तीन लाख पुस्तक राखिएका छन् ।

प्रदर्शनी अवधिभर करिब दश लाख अवलोकनकर्ताले सो प्रदर्शनी अवलोकन गर्ने अपेक्षा आयोजकले राखेका छन् । प्रदर्शनीको शुभारम्भ गर्दै नेकपा (एमाले)का अध्यक्ष केपी शर्मा ओलीले आफूले काठको फल्याकमाथि माटोको धुलो राखी सिमलीको छेस्कोले बालककालमा अक्षर लेख्न सिकेको स्मरण गरे । उनले पुस्तक अध्ययन गर्ने बानी जति बढायो उति नै पढुँपढुँ लाग्ने भन्दै समृद्धि र ज्ञानको आधार पुस्तक भएको बताए ।

अध्यक्ष ओलीले पुस्तक प्रकाशकले आर्थिक लाभलाई भन्दा पाठक र समाजको अवस्थालाई ख्याल राख्न आग्रह गर्दै कसरी पाठकले सहज र सस्तो मोलमा पढ्न चाहेको पुस्तक प्राप्त गर्दछन् यसतर्फ ध्यान दिनुपर्छ भने ।

सो अवसरमा राष्ट्रकवि माधव घिमिरे, संस्कृतिविद् सत्यमोहन जोशी र गीतकार दुर्गालाल श्रेष्ठलाई राष्ट्रिय स्रष्टा सम्मानबाट सम्मान गरिएको थियो ।

राष्ट्रकवि घिमिरेले पाठकलाई स्रष्टासित र स्रष्टालाई पाठकसित प्रत्यक्ष चिनजान गराउँदै भलाकुसारी गराउने थलो पुस्तक प्रदर्शनी हुँदै आएको बताए । उनले भने, ‘म ९६ वर्ष पुगेर ९७ वर्ष टेक्दैछु, दैनिक केही न केही रचना नगरी निन्द्रा नै लाग्दैन ।’

महासङ्घका अध्यक्ष रघुनाथ महर्जन र पूर्व अध्यक्ष रामचन्द्र तिमोथीले पाठकलाई नयाँनयाँ पुस्तकका बारेमा स्वाद दिलाउन प्रदर्शनी आयोजना गरिँदै आएको धारणा राखे । रासस 1440148762136_Pro_Ktm_ Pustak Mela _KP Oli (3) 1440148896470_Pro_Ktm_ Pustak Mela _KP Oli (1) 1440149143825_Pro_Ktm_ Pustak Mela _KP Oli (2) 1440149439706_Pro_ktm_Pustak Mela

आन्दोलन दबाउन सरकारबाट भएका ज्यादतीको सांसदबाट विरोध

J

Jकाठमाडौं, भदौ ४: व्यवस्थापिका-संसद्को शुक्रबारको बैठकमा समय माग गर्दै सांसदहरूले सङ्घीयताका विषयलाई लिएर देशका विभिन्न भागमा भएको आन्दोलन दबाउन सरकारका तर्फबाट भएका क्रियाकलापप्रति विरोध जनाए । उनीहरूले आपराधिक क्रियाकलापमा संलग्न कुमार श्रेष्ठ (घैँटे)को बिहीबार बिहान प्रहरीले कानुन हातमा लिएर हत्या गरेको आरोप पनि लगाए ।

सांसद भीमसेनदास प्रधानले सामान्य जीवन बिताउन खोज्ने घैँटेलाई गोली हानी मार्ने अधिकार किन दिइयो भन्ने प्रश्न गर्दै उनका नाबालक छोरीलाई पनि अनाथ बनाउने काम गरिएको आरोप लगाए । सांसद नागेन्द्रप्रसाद थारुले सरकारले १६ बुँदे सहमति लत्याएकाले जनता आन्दोलित भएका हुन् भन्दै सो सहमति कार्यान्वयन गर्न आग्रह गरे ।

सांसद अमरलाल मोदीले तराईमा भइरहेका आन्दोलन के का लागि हो सरकारले बुझ्नुपर्ने बताए । सांसद योगेन्द्र चौधरीले बिहीबार भैरहवामा शान्तिपूर्ण जुलुस प्रदर्शनका क्रममा स्थानीय देवीप्रसाद चौधरीको घरमा आक्रमण हुँदा पनि प्रहरीले सुरक्षा नदिएको गुनासो गर्दै मधेसी तथा थारु जातिको आन्दोलनविरुद्ध साम्प्रदायिक हिंसा फैलाउने काम भएको उल्लेख गरे ।

सांसद दीपक बोहराले १० दिनदेखि रुपन्देहीमा विभिन्न राजनीतिक दलले आन्दोलन गरिरहे पनि बिहीबार निस्केको जुलुस साम्प्रदायिक हिंसा फैलाउने खालको भयो, यस्ता अवाञ्छित क्रियाकलाप गर्नेलाई कारबाही हुनुपर्छ भने । सांसद अकवालअहमद साहले रुपन्देही जिल्लास्थित भन्सार कार्यालय नजिक प्रहरी प्रशासनको उपस्थितिमै मोटरसाइकल, ट्र्याक्टर र बसमा आगजनी हुँदा पनि सुरक्षाकर्मी मूकदर्शक भएर बसेको गुनासो गरे ।

सांसद डिल्लीप्रसाद काफ्लेले दलीय भागबन्डाका आधारमा त्रिविविमा नियुक्ति नगर्न आग्रह गरे । सांसद चित्रबहादुर केसीले सङ्घीयताका कारण मुलुक जलिरहेको, आन्दोलन बढिरहेको र जातिवाद तथा पृथकतावाद मौलाइरहेको बताउँदै सङ्घीयताको आडमा जातीय, वर्गीय, क्षेत्रीय दङ्गा फैलाउने काममा देशी विदेशी शक्तिको खेल भएको र यो समस्याको समाधान नेपाली जनता स्वयंले गर्नुपर्ने बताए ।

सांसद शिवचन्द्र चौधरीले मेचीदेखि महाकालीसम्म र हिमालदेखि तराईसम्म जनता आन्दोलित रहेको अवस्थामा सरकारमा रहेका व्यक्तिहरू सत्ता लब्म्याउने काममा मात्र केन्द्रित रहेको आरोप लगाए । सांसद हरिचरण साहले सर्लाहीमा काँग्रेस र एमालेले सत्ताको आडमा मधेस विरोधी काम गरेर जनतामा बदनामी फैलाएको काम गरको आरोप लगाए ।

सांसद कौशल शाहले सामान्य जीवन बिताउन तयार भएका घैँटेको जुन हिसाबले गोली हानेर मारियो यसमा प्रहरीको नियत राम्रो नदेखिएको बताए । सांसद कृपाराम रानाले कैलाली-कञ्चनपुरमा रहेका राना थारुले आफूहरूलाई राज्यको मूलधारमा स्थापित गर्न खोजेकाले तिनलाई पहिचानको अधिकार दिइनुपर्ने बताए ।

सांसद गोमा कुँवरले कर्णालीका जनतालाई आत्मसमर्पण गराउने प्रयास सार्थक नहुने बताए । सांसद अब्दुल रज्जाक गद्दीले धार्मिक पर्व हजका लागि बर्सेनि मक्का मदिना जाने मुसलमान समुदायलाई सरकारबाट आर्थिक सहयोग सहित टिकटको व्यवस्था गर्न माग गरे ।

तीन अर्बको अदुवा निकासी

aduwa

aduwaइलाम, भदौ ४: कुहिने रोग र खुम्रेको प्रकोपमा कमी आएपछि इलाममा अदुवाको उत्पादन वृद्धि भएको छ । आव २०७१/७२ मा रु दुई अर्ब ९४ करोड ३६ लाखबराबरको अदुवा निकासी भएको छ । खेती व्यवस्थापन र क्षेत्र विस्तार भएपछि अदुवा शुन्य दशमलव २ प्रतिशतले उत्पादनसमेत बढेको पाइएको छ ।

चिया बाहेक मुख्य नगदेबालीमार्फत जिल्लामा वार्षिक रु छ अर्ब ७६ करोड ५५ लाख २६ हजारको कारोबार भएकामा अदुवाबाट मात्र करिब ४३ प्रतिशत आम्दानी भित्रिएको वरिष्ठ कृषि विकास अधिकृत प्रकाशकुमार डाँगीले बताए । तीन हजार दुई सय ३३ हेक्टर क्षेत्रफलमा ४५ हजार नौ सय ९४ मेट्रिक टन अदुवा उत्पादन भएको छ ।

विगत वर्षमा अदुवामा गानो कुहिने र खुम्रे प्रकोपले खेती मासिने अवस्थामा पुगे पनि हाल खेती व्यवस्थापन र समस्या निदान अभियानले अदुवाखेती विस्तार हुन थालेको किसानले बताएका छन् । जिल्लाको बरबोटेका नारायण पौडेल बीउ खरिद गरेर पनि किसानले अदुवाखेती विस्तार गरिरहेको बताए ।

अदुवामा आइपिएम पाठशाला र समस्या निदान अभियानजस्ता कार्यक्रम कार्यालयले सञ्चालन गरेको थियो । अदुवाखेतीमा विभिन्न १७ वटा समूहमार्फत हितकोष स्थापनासमेत गरिएको डाँगीले जानकारी दिए । यस्तै अदुवा बालीका लागि यो वर्ष अनुकूल मौसम भएकाले उत्पादन बढ्न सक्ने बताइएको छ ।

बाली लगाइएको बीउसमेत निकालेर पुन: बिक्री गर्न सकिने अदुवाखेतीबाट एक मौसममै किसानले दोहोरो लाभ लिने गरेका छन् । यो वर्ष माउ अदुवा (रोपेर पुन: निकालिएको बीउ) रु ५५ देखि रु ६५ प्रतिकिलोसम्म बिक्री गर्न किसान सफल भएका छन् । रासस

डाक्टरको भेषमा गएपछि …

2015_1image_02_00_176876450har-1-ll

काठमाडौं, भदौ ४: चितवनको नारायणी सामुदायिक अस्पतालमा एक व्यक्ति डाक्टर हुँ भन्दै प्रसूति वार्डमा पसे । एक गर्भवतीको परीक्षण गर्ने भन्दै दुव्र्यवहार समेत गरे । सोही दिन भरतपुर अस्पतालमा पुगेर अर्की गर्भवतीलाई समेत उनले दुव्र्यवहारको प्रयास गरे ।

2015_1image_02_00_176876450har-1-llराती भएको उक्त घटनाका बेला चितवनको भरतपुर-११ बस्ने ३६ वर्षीय डायमण्ड श्रेष्ठले मदिरा पिएको पाइएको चितवनका प्रहरी प्रवक्ता राजन अधिकारीले बताए । श्रेष्ठमाथि अहिले जबर्जस्ती करणी गरेको आरोपमा मुद्दा लगाइएको अधिकारीले उल्लेख गरे । मापसे गरेकाले थाहा नपाएर आफूले यस्तो गरेको प्रहरीसँगको बयानमा श्रेष्ठले बताएका छन् ।

यस घटनाको केही दिनपछि पुन भरतपुरमा नक्कली डाक्टरको भेषमा अर्को घटना भयो । चिकित्सकले लगाउने एप्रोन नै लगाएर एक युवा भरतपुर अस्पताल छिरे । चितवन विजयनगर घर भएका ३० वर्षीय विजय चौधरीले उक्त घटनाका बेलामा पनि मापसे गरेको प्रहरीले जनाएको छ । उनले चिकित्सक भन्दै अस्पतालभित्र बिरामीको दुव्र्यवहार प्रयास गरेको प्रहरीले जनाएको छ।

सबैले चिकित्सक सम्झिएका भए पनि बिरामी कुरुवासँग पैसा मागेपछि बल्ल उनी नक्कली भन्ने थाहा पाइयो र प्रहरीले पक्राउ गर्न सफल भयो । चौधरीमाथि अहिले सार्वजनिक अपराधअन्तर्गत मुद्दा दर्ता भएको प्रहरी नायब उपरीक्षक राजन अधिकारी बताए ।

मेडिकल सिटीका रुपमा विकास हुँदै गएको चितवनमा यस्ता नक्कली कामसमेत हुन थालेपछि अस्पतालको सुरक्षा गम्भीर बन्दै गएको तथ्य पुष्टि हुन्छ ।

अस्पतालको गेट सुरक्षा तथा भित्र सुरक्षा हुँदै कर्मचारी स्वयम्सेवक हुँदैभित्र जानुपर्ने संवेदनशील बिरामी कक्षहरुमा मदिरा पिएर नयाँ मान्छे जाँदासमेत कसैले पत्तो नपाउनु बिरामी सुरक्षाको चुनौती भएको अस्पतालमा आएका उनका आफन्तहरुको भनाइ छ । रासस

सिमेन्टमा आत्मनिर्भर बन्नेक्रममा नेपाल, बन्द र हडताल भने उद्योगक्षेत्रको बाधक

Arghakhanchi-Cement-udyog-2

काठमाडौं, भदौ ४: सिमेन्ट उत्पादनमा सक्षम मानिएको लुम्बिनी औद्योगिक करिडोरले नेपाली बजारको माग अनुसारको सिमेन्ट उत्पादनका लागि ठूलो योगदान पुर्‍याउँदै आएको छ ।

लुम्बिनी करिडोरमा स्थापित सिमेन्ट उद्योगले नेपाली बजारमा सिमेन्टको मागलाई ४० देखि ५० प्रतिशत पूरा गरेको छ। विदेशी सिमेन्टको आयात प्रतिस्थापन गर्र्दै नेपाली सिमेन्टलाई नेपाली बजारमा स्थापित गर्न महत्वपूर्ण योगदान पुर्‍याएका यहाँका सिमेन्ट उद्योगले गुणस्तरमा पनि उत्तिकै ध्यान दिएका छन् ।Arghakhanchi-Cement-udyog-2नेपाली सिमेन्टभन्दा भारतीय ब्रान्डका सिमेन्ट गुणस्तरीय हुन्छन् भन्ने नकारात्मक धारणालाई चिर्दै आएका यहाँका सिमेन्ट उद्योग गुणस्तरीयतालाई विशेष ध्यानदिँदै ओपिसी र पिपिसी दुवै ब्रान्डका सिमेन्ट बजारमा ल्याएका छन् ।

यस क्षेत्रबाट उत्पादित सिमेन्ट नेपालमा बनेका ठूलाठूला परियोजनामा प्रयोग भएका छन् । नेपालका धेरैजसो संरचनामा नेपाली सिमेन्टकै प्रयोग भएका कारण नेपाली सिमेन्ट पनि विदेशी सिमेन्टभन्दा गुणस्तरमा कुनै कमी नभएको जानकारले जनाएका छन् ।

लुम्बिनी औद्योगिक करिडोरबाट झन्डै एक दर्जन सिमेन्ट उद्योगले सिमेन्ट उत्पादन गरेका छन् । यस क्षेत्रबाट अर्घाखाँची सिमेन्ट, सिद्धार्थ सिमेन्ट, नेपाल अम्बुजा सिमेन्ट, सुप्रिम सिमेन्ट, जगदम्बा सिमेन्ट, बृज सिमेन्ट, रिलायन्स सिमेन्ट, गोयन्का सिमेन्ट, अग्नि सिमेन्ट, पाठक सिमेन्ट, विशाल सिमेन्ट उद्योगले सिमेन्ट उत्पादन गरिरहेका छन् ।

नेपाली बजारमा सिमेन्टको मागअनुसार पूर्तिगर्न यस क्षेत्रमा पनि नयाँ उद्योग स्थापना हुने क्रम पनि बढेको छ भने सञ्चालनमा रहेका सिमेन्ट उद्योगले उत्पादन क्षमता बढाउँदै लगेका छन् । नेपाली सिमेन्ट उद्योगले वार्षिक ३५ लाख देखि ४० लाख मेट्रिक टन सिमेन्ट उत्पादन गर्ने गरेकोमा लुम्बिनी करिडोरमा सञ्चालित उद्योगले मात्रै त्यसको ५० प्रतिशत हिस्सा ओगटेको छ । लुम्बिनी करिडोरमा सञ्चिालत उद्योगले १५ देखि २० लाख मेट्रिक टन सिमेन्ट उत्पादन गर्दै आएका छन्।

सिमेन्टमा आत्मनिर्भरताको बाटोमा अगाडि बढेको नेपालमा बैंक तथा वित्तीय क्षेत्रको पनि ठूलो लगानी लागेको छ । नेपाली सिमेन्ट उद्योगका क्षेत्रमा आव २०७१/०७२ सम्म आइपुग्दा झन्डै रु साढे ३५ अर्ब कर्जा प्रवाह भएको बैंक तथा वित्तीय संस्थाले जनाएका छन् ।

नेपाली बजार नेपाली सिमेन्टमा आत्मनिर्भरताको बाटोमा अगाडि बढेपनि विदेशी सिमेन्टको आयात भने घटेको छैन । गत आव २०७०/०७१ मा भैरहवा भन्सार कार्यालय हुँदै ३७ करोड ६३ लाख २१ हजार १७० केजी सिमेन्ट क्लिङ्कर भारतबाट नेपाल भित्रिएकोमा आव २०७१/०७२ मा सोही भन्सार कार्यालयमार्फत ४२ करोड ३० लाख १८ हजार ८२८ केजी सिमेन्ट नेपाल भित्रिएको भैरहवा भन्सार कार्यालय रूपन्देहीले जनाएको छ ।

नेपाल विकास निर्माणमा अगाडि बढेका बेला सरकारले ठूला परियोजनाका लागि भन्सार र भ्याट छुटदिँदा र नेपाली सिमेन्टले मागअनुसार पूर्तिगर्न नसक्दा केही प्रतिशतले सिमेन्टको आयात बढेको सरोकारवालाले जनाएका छन् । नेपालमा निर्माणाधीन ठूला परियोजनामा ठेकेदारलाई विदेशी सिमेन्ट आयात गर्न भन्सार र मूल्य अभिवृद्धि करमा दिने गरेको छुटका कारण विदेशी सिमेन्टको आयातमा कमी आउन नसकेको सुप्रिम सिमेन्टका महाप्रबन्धक सरोज पौडेलले उल्लेख गरे ।

विदेशी सिमेन्टभन्दा नेपाली सिमेन्ट गुणस्तरीय छ, उनले भने, तर विदेशी ठेकेदारले भन्सार र भ्याट छुट पाउँदा नेपाली सिमेन्टभन्दा सस्तो पाउँछन् जसले गर्दा नेपाली सिमेन्ट विदेशी सिमेन्टसँग प्रतिस्पर्धा गर्न अप्ठ्यारो परेको छ। नेपाली सिमेन्ट उद्योगलाई आत्मनिर्भर बनाउनका लागि सरकारले विद्युत्को साथै क्लिङ्कर र सडकमा विशेष सहुलियतसहित योजना ल्याउनुपर्नेमा अर्घाखाँची सिमेन्ट उद्योगका प्रबन्ध निर्देशक राजेशकुमार अग्रवालले जोड दिए।

नेपाली सिमेन्ट उद्योगले आगामी दुई वर्षभित्र नेपाललाई सिमेन्टमा आत्मनिर्भर बनाएर भारत निर्यात गर्ने सपना बोकेका छौँ, अग्रवालले भने । यसका लागि सरकारले उद्योग सञ्चालनका लागि आवश्यक बिजुली, सिमेन्ट उत्पादनका लागि आवश्यक पर्ने कच्चा चुनढुङ्गा खानी र खानीसम्म जानका लागि सडकको व्यवस्था गर्न जरुरी छ । उनले विभिन्न पार्टी र समूहले गर्ने बन्दका कारण नेपाली उद्योग क्षेत्र नराम्रोसँग प्रभावित भएको उल्लेख गर्दै उद्योग क्षेत्र पूर्णरुपमा सञ्चालन हुने वातावरणको सिर्जना गर्न सरकारले काम गर्नुपर्नेमा समेत उनको जोड छ ।

नेपाली ओपिसी सिमेन्टले ग्रेड लेख्न नपाउँदा कतिपय ठूला आयोजनामा नेपाली सिमेन्ट गुणस्तर हुँदाहुँदै पनि प्रयोग हुन नपाएको उनले उल्लेख गरे । उनका अनुसार भारतीय सिमेन्टमा ग्रेड उल्लेख गरिएको हुँदा ठूला परियोजनामा भारतीय सिमेन्टको जबर्जस्ती प्रयोग हुने गरेको छ, सरकारले यसमा विशेष ध्यान दिएर नेपाली सिमेन्टमा पनि ग्रेड लेख्न दिए नेपाली सिमेन्टले पनि नेपालका ठूलाठूला परियोजना बनाउन सक्छन् ।

पश्चिमाञ्चल सिमेन्ट उत्पादक सङ्घका महासचिव विदुर ढुङ्गानाले नेपाली बजार नेपाली सिमेन्टमा आत्मनिर्भर बन्दै गएको उल्लेख गरे । पछिल्लो सयम यस क्षेत्रमा सिमेन्ट उद्योग स्थापनाका लागि दुई/तीन वटा समूहले अनुमति लिएर बसेको समेत बताए ।

सिमेन्ट उद्योगमा स्वदेशीदेखि विदेशीसम्मको लगानी भित्रिने अवस्थामा छ- महासचिव ढुङ्गानाले भने, ‘यो अवस्थामा सरकारले लगानीको वातावरणलाई सुरक्षित गर्न जरुरी छ ।’ नेपाली सिमेन्ट उद्योग विद्युत्भार कटौती र ट्रिपिङको समस्याबाट निकै गुज्रिएका छन्, उनले भने, यसको दीर्घकालीन समाधानका लागि सरकारले महत्वपूर्ण भूमिका निर्वाह गरे नेपालको अर्थतन्त्रमा ठूलो टेवा पुग्नेछ ।

यता रिलायन्स सिमेन्टका महाप्रबन्धक ऋषि पन्सारीले सरकारले नेपाली सिमेन्ट उद्योगको विकासका लागि नयाँ नीति बनाउनु पर्ने बताए । उनले उद्योग क्षेत्रमा कुनै पनि दिन बन्द नहुने गरी नयाँ नीति ल्याउनुपर्नेमा जोड दिए ।

बन्दका कारण एक दिनमा मात्रै करोडौँको नोक्सानी हुने हुँदा बन्दको विकल्प खोजी गर्नुपर्नेमा उनको जोड छ । रासस

फोरम लोकतान्त्रिकको विशेष समितिबाट फिर्ता हुने तयारी, अब आन्दोलनमा जाने

Bijay-Gachhdar

Bijay-Gachhdarकाठमाडौं, भदौ ४: छ प्रदेशमा सहमति जनाई सकेको मधेशी जनअधिकार फोरम नेपाल (लोकतान्त्रिक)ले संवाद समितिको विशेष समितिबाट फिर्ता हुने तयारी गरेको छ ।

एमाओवादीले हिजोबाट ल्याएको सात प्रदेश बनाउने भन्ने प्रस्तावमा विजयकुमार गच्छदार नेतृत्वले असन्तुष्टि जनाएको छ । असन्तुष्टीका बाबजुद पनि मधेशमा दुई प्रदेश नदिएको भन्दै गच्छदार विशेष समितिबाट फिर्ता हुन लागेको बुझिएको छ ।

पार्टीले आज साढे चार बजे पत्रकार सम्मेलनको आयोजना गरेर आफ्नो धारणा सार्वजनिक गर्ने बताएको छ । अध्यक्ष गच्छदारले शुरुमा मधेशमा दुई प्रदेशसहित ८ प्रदेशमा सहमति गरेका थिए । तर, पछि काँग्रेसको अडानमा ६ प्रदेश भएको थियो । गच्छदारले सविधान निर्माणमा बाधक नबन्ने भन्दै नोट अफ डिसेन्ट लेखेर त्यसमा हस्ताक्षर गरेका थिए। सो हस्ताक्षरपछि उनको पार्टीमा विवाद पनि बढेको थियो ।

पार्टीले उठाउदै आएको झापा, मोरङ र सुनसरी तराई प्रदेशमा हुनुपर्ने, महाकालीका कैलाली, कञ्चनपुरलाई पहाडतिर जोडिएको, लुम्बिनीका थारुहरुलाई फेरि पहाडसँग जोड्ने गरी प्रस्ताव आएको भन्दै संविधान निर्माणका लागि मुख्य दलहरुसँगको सहकार्य फिर्ता हुन लागेको फोरम लोकतान्त्रिकका महासचिव रामजनम चौधरीले जानकारी दिए ।

उनले विशेष समितिबाट फिर्ता भएर पार्टी अब आन्दोलनमा जाने तयारी गरेको बताए ।

नुवाकोट केन्द्रबिन्दु बनाएर भूकम्पको धक्का

Earthquake-Nepal_nuwakot_238511219

Captureकाठमाडौं, भदौ ४: शुक्रबार दिउसो भूकम्पको धक्का गएको छ । दिउसो १२ बजेर २१ मिनटमा नुवाकोट केन्द्रबिन्दु बनाएर ४ रेक्टर स्केलको भूकम्पको धक्का गएको राष्ट्रिय भूकम्प मापन केन्द्रले जनाएको छ ।

गत वैशाख १२ को ‘गोरखा भूकम्प’ पछि अहिलेसम्म पनि त्यसको धक्का जाने क्रम रोकिएको छैन ।

आन्दोलनकारीलाई रकम दिने घोषणा अन्तर्राष्ट्रिय मान्यता विपरीत: गृहमन्त्री गौतम

bamdev gautam

काठमाडौं, भदौ ४: उपप्रधानमन्त्री तथा गृहमन्त्री वामदेव गौतमले संयुक्त लोकतान्त्रिक मधेसी मोर्चाले आन्दोलनमा लाग्दा मृत्यु हुनेको परिवारलाई रु ५० लाख दिने भनी गरेको घोषणा स्थापित अन्तर्राष्ट्रिय कानुनी मान्यता विपरीत भएको बताएका छन् ।

bamdev gautamव्यवस्थापिका-संसद्को शुक्रबारको बैठकलाई मुलुकको पछिल्लो सुरक्षा अवस्था र मोर्चाको सो घोषणाका सम्बन्धमा जानकारी दिँदै उनले मोर्चाले भदौ २ गते तराईका जनतालाई स्थापित अन्तर्राष्ट्रिय कानुनी मान्यता विपरीत आन्दोलनमा आउन आमन्त्रण गरेको र आन्दोलनका क्रममा मृत्यु भएमा रु ५० लाख दिलाउने भनी गरेको निर्णय प्रेस विज्ञप्तिमार्फत बाहिर आएको बताए ।

उनले आमजनतालाई प्रोत्साहन गर्ने काम गैरकानुनी भएको पनि बताए । उनले भने ‘हिंसात्मक गतिविधिमा संलग्न समूहको जस्तो घोषणा संविधानसभामा रहेका दलबाट हुनु दु:खद हो ।’ गृहमन्त्री गौतमले भने- ‘तराईका केही जिल्लामा जातीय र सामाजिक सद्भाव भड्काउने काम भइरहेको छ । आफ्नो अधिकारका लागि लड्दा अरुको अधिकारको ख्याल गर्नुपर्नेमा त्यो हुन सकेको छैन । सार्वजनिक सम्पत्ति र सुरक्षाकर्मी तथा व्यक्तिमाथि आक्रमण भइरहेको छ । यस्तो स्थिति अन्त्यका लागि संसद्को पनि सहयोगी भूमिका निर्वाहको अपेक्षा गरेको छु।’

सरकार शान्ति सुरक्षा कायम गर्न प्रयत्नशील रहेको जनाउँदै उनले सार्वभौमसत्तामाथि आँच आउने काम नगर्न र नगराउन संसद्को पनि सहयोगी भूमिकाको अपेक्षा गरे ।

अहिलेसम्म आन्दोलनका क्रममा चारजनाको मृत्यु भएकामा उनीहरुप्रति समवेदना प्रकट गर्दै उनले शान्तिपूर्ण र विधिसम्मत रुपमा विरोध कार्यक्रम सञ्चालन गर्न पनि आग्रह गरे ।

रुपन्देहीको पछिल्लो स्थितिबारे जानकारी गराउँदै उनले उत्तेजनापूर्ण अवस्था नआओस् भनेर बिहीबार कर्फ्यु जारी बताए। बन्दको विरोध गर्नेहरुमाथि आन्दोलनकारीले आक्रमण गरेको सन्दर्भमा स्थानीय प्रशासकलाई स्थानीय राजनीतिक दलसँग मेलमिलाप गर्न निर्देशन दिइएको पनि उनले जानकारी दिए ।

मोर्चाको निर्णयमाथि छानबिन हुने- गृहमन्त्री गौतमले मोर्चाको निर्णय र विज्ञप्तिको प्रति सभामुख सुवासचन्द्र नेम्वाङसामु पेस गरेका छन् ।

सभामुख नेम्वाङले आफ्नो निर्देशनपछि गृहमन्त्रीबाट आएको मोर्चाको निर्णय र दस्तावेजलाई आवश्यक अध्ययन, र छानबिन गर्न संसद्को सम्बन्धित समितिलाई निर्देशन दिए । संसद्को राज्य व्यवस्था समितिले यो प्रकरणमाथि छानबिन गर्नेछ ।

यसअघि विवादास्पद अभिव्यक्ति दिएका केही सभासद्को मन्तव्यका श्रव्य र दृश्य सामग्री पनि सोही समितिमा पठाइएको थियो।

एडिबीको बीस अर्ब ऋण सहयोग

377x117xADB.JPG.pagespeed.ic.q4a6x7tWNG

काठमाडौं, भदौ ४: एसियाली विकास बैंकले भूकम्पपछिको आपत्कालीन सहायता परियोजना कार्यान्वयन गर्न रु २० अर्ब अनुदान सहयोग उपलब्ध गराउने भएको छ ।

भूकम्पबाट बिग्रे भत्केका सार्वजनिक पूर्वाधार सेवाको पुनस्स्थापनाका लागि उपलब्ध गराइने ऋण सहायतासम्बन्धी सम्झौतापत्रमा शुक्रबार अर्थमन्त्रालयमा हस्ताक्षर भयो । एसियाली विकास बैंकका देशीय निर्देशक केनिची युकोयामा र अर्थमन्त्रालयका सहसचिव मधुकुमार मरासिनीले उक्त सम्झौतापत्रमा हस्ताक्षर गरेका हुन् ।

परियोजना अन्तर्गत ७०० वटा विद्यालय, १३५ किमी रणनीतिक सडक तथा ४५० किमी ग्रामीण सडक मर्मत सम्भार एवम् पुन:निर्माण गरिने छ । आगामी तीन वर्षमा परियोजना पूरा गर्ने लक्ष्यका साथ पुन:निर्माण  प्राधिकरणले काम गर्ने अर्थमन्त्रालयले जनाएको छ ।

सञ्चारकर्मी सँगको सङ्क्षिप्त कुराकानीमा देशीय निर्देशक युकोयामाले परियोजनाको शीघ्र कार्यान्वयनमा जोड दिँदै भौतिक पूर्वाधारहरुको पुनस्स्थापनाबाट नेपालको आर्थिक गतिविधि बढाउन योगदान पुग्ने विश्वास व्यक्त गरे ।

उक्त परियोजना अन्तर्राष्ट्रिय दाता सम्मेलनको अघिल्लो दिन स्वीकृत भएको जानकारी दिँदै उनले त्यस्तै गतिमा अन्य परियोजनाका प्रक्रियागत कामकारबाही सम्पन्न भएमा नेपालको विकास-निर्माणका आयोजनाहरु कार्यान्वयन गर्न सहज हुने बताए । रासस

1 1,101 1,102 1,103 1,104 1,105 1,242