Author Archives: डिजिटल दैनिक

‘लब सब’ को ट्रेलर सार्जजनिक

Capture
FacebookTwitterGoogle+PrintEmailShare

Captureकाठमाडौं, असार २५ : नेपाली फिल्म ‘लब सब’ को ट्रेलर सार्जजनिक भएको छ । देवकुमार श्रेष्ठको निर्देशनमा बनेको उक्त फिल्म भदौ २५ गते रिलिज हुने बताइएको छ ।

फिल्ममा संयम पुरी, सलोन वस्नेत, शिशिर भण्डारी तथा करिष्मा श्रेष्ठले मूख्य भूमिकामा अभिनय गरेका छन् । फिल्मलाई सुशिल पोखरेल र नरेन्द्र महर्जन मिलेर बनाएका हुन्।

सदरमुकाम तीन दिनदेखि अँध्यारो

images (5)

images (5)काठमाडौं, असार २५ : नेपाल विद्युत् प्राधिकरणअन्तर्गतको गमगाढ वितरण केन्द्रमा समस्या आउँदा तीनदिनदेखि मुगुको सदरमुकाम गमगढी अँध्यारोमा छ ।

मुगुस्थित गमगाढ वितरण केन्द्रका निमित्त कार्यालय प्रमुख कालीबहादुर महतका अनुसार पावर हाउसमा रहेको जेनेरेटरको बेरिङ जलेकाले विद्युत् आपूर्तिमा समस्या आएको हो ।

आर्थिक वर्षको अन्तमा कामको चाप बढेका बेला विद्युत् आपूर्तिमा समस्या आएपछि विकासे कार्यालय तथा विद्युत्जन्य व्यापार गर्दै आएका व्यापारीलाई समस्या भएको छ । जसको कारण ती कार्यालय तथा व्यापारिक केन्द्रबाट पाइने सेवा सेवाग्राहीले समयमै पाउन सकिरहेका छैनन् ।

निमित्त कार्यालय प्रमुखका अनुसार बेरिङ कार्यालय प्रमुख विष्णु शर्मा यो महिनाको अन्तमा मुगु आउँदा आफैं लिएर आउने भएकाले यो महिनाको मसान्तसम्म सदरमुकाम र आसपासका चार गाविसमा विद्युत् आपूर्ति हुने छैन । रासस

गाविस सचिवलाई अपहरण गरेको आरोपमा चौधजनामाथि मुद्दा

NepalMahottariDistrictmap

NepalMahottariDistrictmapकाठमाडौं,असार २५ : गाविस सचिवलाई अपहरण गरेको आरोपमा महोत्तरी प्रहरीले १४ जनामाथि अपहरण मुद्दा चलाएको छ ।

बजेटसम्बन्धी कुरालाई लिएर महोत्तरीको एकडारा गाविसका सचिव शिवशरण रायलाई बिहीबार अपहरण गरी लगेका १४ जनालाई प्रहरीले पक्राउ गरी उनीहरुमाथि अपहरण मुद्दा चलाएको प्रहरी उपरीक्षक शौरभ राणाले बताए ।

जिल्ला प्रहरीले एकडारा बेला गाविस-९ का अखिलेश यादव, शिवप्रसाद यादव, लक्की यादव, तेजुकुमार यादव, उत्तिम यादव, सरोजकुमार यादव, दीपेन्द्र यादव, मो। कलिम अन्सारी, सुनिलकुमार यादव, मो. वाजिद राइन, मो. मोतिम अन्सारी, इसराइल कवारी, सहदेव साह र भारत विहारको सीतामढी पिपरा-१ का देवेन्द्र ठाकुरमाथि अपहरण मुद्दा चलाएको हो ।

बिहीबार दिउँसो करिब १ बजे बी.आर.५५ ए.५१६५ नम्बरको भारतीय स्कारपियो गाडीमा आएका अपहरणकारीले नैन्ही गाविस-४ बस्ने सचिव रायलाई जिल्ला सदरमुकाम जलेश्वर-५ स्थित बाटोबाट अपहरण गरी लैजाँदै गरेको अवस्थामा जिल्ला प्रहरी कार्यालयबाट खटिगएको विशेष प्रहरी टोलीले उनीहरुलाई बीच बाटोबाट पक्राउ गरी ल्याएका थिए ।

साथै सचिव रायलाई उद्धार गरी सुरक्षासाथ परिवारजनको जिम्मा लगाएको प्रहरी जनाएको छ । रासस

मस्यौदा गाउँ पुर्‍याउन सभासदका लागि डेढ अर्ब

samsad ma savasad

DSC_2072काठमाडौं, असार २५ : नयाँ संविधानका लागि जनताको प्रत्यक्ष राय लिन प्रारिम्भक मस्यौदा बोकेर निर्वाचन क्षेत्र जान लागेका सभासदका लागि एक अर्ब ४० करोड रुपैयाँ बजेट माग गरिएको छ।

सत्तारुढ पार्टी र अन्य दलका सभासदहरुका लागि मस्यौदा गाउँमा पुर्यायउने र अन्तर्क्रिया गर्ने कामका लागि संसद सचिवालयले बजेट माग गरेको हो।

सभासदहरुले मस्यौदा निर्वाचन क्षेत्रमा लैजान हेलिकप्टरमार्फत जानुपर्ने र अन्तर्क्रियामा सहभागी हुने जनतालाई खाजानास्ता दिनुपर्ने भन्दै बजेट माग गरिएको हो। ‘संसद सचिवालयले सभासदहरुलाई मस्यौदा जनतासमक्ष लैजान आवश्यक बजेट भन्दै एक अर्ब ४० करोड रुपैयाँ माग गरेको छ,’ अर्थ मन्त्रालयका एक उच्च अधिकारीले भने।

उनका अनुसार सभासदलाई निर्वाचन क्षेत्र पठाउन हेलिकप्टर, हवाईजहाज र अन्य सवारीसाधनका लागि ठूलो रकम माग गरिएको छ।

यस्तै अन्तर्क्रियामा सहभागी हुनेहरुका लागि खाजा नास्ता, पत्रपत्रिकामा सूचना प्रकाशन, मस्यौदाका कपी छपाइलगायत कामका लागि पनि बजेट मागिएको छ। आजको नागरिक दैनिकमा समाचार छ ।

मस्यौदा गाउँ लैजान सभासदका लागि ठूलो रकम माग गरिएकाले आगामी वर्षको बजेट तर्जुमा गर्न लागेको अर्थ मन्त्रालय भने समस्यामा परेको छ।

नियमित बजेटका अतिरिक्त भूकम्पले क्षति पुर्याएका संरचना पुनर्निर्माणका लागि रकम अभाव झेलेको बेला सचिवालयले मागेको ठूलो रकमका कारण अर्थ समस्यामा परेको हो।

संविधानसभाको बिहीबार बैठकले संविधानको पहिलो मस्यौदामा जनताको राय सुझाव संकलन गर्न खटिएका सभासद, कर्मचारीलाई जिल्ला र निर्वाचनमा क्षेत्रमा जान आउन हवाईजहाज, हेलिकप्टर, सवारी साधन, जनशक्ति र अन्य आवश्यक सहयोगको प्रबन्ध मिलाउन सरकारलाई निर्देशन दिएको छ।

 

एमाओवादीद्वारा लिपुलेका बिषयमा भारतीय र चिनीयाँ सरकार प्रमुखलाई पत्र

prachanda3

काठमाडौं, असार २५ :  एकीकृत नेकपा (माओवादी) ले चिनियाँ राष्ट्रपति र भारतीय प्रधानमन्त्रीलाई सुगौली सन्धिबाट कालापानी नदीपूर्वको भूमि नेपालको भएको र लिपुलेक त्यसमै पर्ने उल्लेख गरी पत्र पठाएको छ।

एमाओवादी नेताहरुले भारतीय र चिनीयाँ सरकार प्रमुखलाई लेखेको पत्रमा लिपुलेक नेपालको भू–भाग भएकाले भारत र चीनले लिएको निर्णयले नेपालको सम्प्रभुता माथि प्रश्न उठेको बताईएको छ। एमाओवादीका नेताहरुले बिहिबार भारतीय र चीनियाँ दूतावास पुगी पत्र बुझाएका हुन्। पार्टी नेता नारायणकाजी श्रेष्ठ नेतृत्वको टोलीले नेपालका लागि चिनियाँ राजदूत वु चुन्ताईलाई भेटी पत्र बुझाए भने भारतीय राजदूतावासमा राजदूत रञ्‍जित रे नभएकाले पार्टी बैदेशिक बिभागका नेता सुनिल पौडेलको नेतृत्वको टोलीले दूतावास पुगी पत्र बुझाएको हो।

पार्टी बैठकहरुमा नेता नारायणकाजी श्रेष्ठले लिपुलेकका विषयमा भारत र चीनबीच सम्पन्न सम्झौताले नेपालले आफ्नो भूभाग गुमाउनु पर्ने अवस्था हुने हुनाले पार्टीले आफ्नो तर्फबाट तुरुन्तै कदम चाल्नु पर्ने धारणा राख्दै आएका थिए। केही दिनअघि बसेको सो पार्टीको केन्द्रीय समितिको बैठकले छिमेकी देशलाई पत्र पठाउने निर्णय गरेको थियो।

हालै भारतीय प्रधानमन्त्री नरेन्द्र मोदीको चीन भ्रमणका अवसरमा भारत र चीनले लिपुकेकलाई दुई देशबीचको ब्यापारिक नाकाका रूपमा विकसित गर्ने सम्झौता गरेका थिए। एमाओवादीले लेखेको पत्रमा सुगौली सन्धि अनुसार काली नदी पूर्वको भूभाग नेपालको भएको र चीन र भारतबीच सम्पन्न उक्त सम्झौता सुगौली सन्धि विपरित हुने उल्लेख छ।

एमाओदीले यस सम्वन्धमा नेपाल सरकारको पनि ध्यानाकर्षण गरिसकेको छ।

भूकम्पको अर्को पराकम्पन

Capture

काठमाडौं, असार २४ : बिहिबार साँझ ५ बजेर ५९ मिनेटमा सिन्धुपाल्चोक केन्द्रबिन्दु बनाएर ४.४ रेक्टर स्केलको भूकम्पको पराकम्पन गएको छ ।

राष्ट्रिय भूकम्प मापन केन्द्रका अनुसार वैशाख १२ को ‘गोरखा भूकम्प’ पछि आजसम्म ४ रेक्टर स्केल र त्यसमाथिका ३५१ पराकम्पन गएका छन् ।

Capture

आफैंले जन्माएको शिशुलार्इ बागमतीमा फाल्ने महिला प्रकाउ

काठमाडौं, असार २४ : आफैंले जन्माएको शिशुलार्इ झोलामा हालेर बागमतीमा फाल्ने काभ्रे गोकुलेकी २२ वर्षीया कान्छीमाया तामाङलाई प्रहरीले आज प्रकाउ गरेको छ ।

चार दिन अगाडी जन्मिएको शिशुलाई बागमतीमा फालेर फरार रहेकी उनलाई आज गौशाला प्रहरीले पक्राउ गरेको हो ।

तामाङले शिशुलाई पशुपति आर्यघाट नजिकै फालेर भाग्ने क्रममा सर्वसाधरणले देखेपछि झोला खोलेर हेर्दा शिशु देखेपछि उनीहरुले प्रहरीलाई खबर गरेका थिए ।

प्रहरीले बागमतीमा फालिएको शिशुलार्इ उद्धार गरी उपचारका लागि थापाथलीस्थित प्रसुती गृहमा भर्ना गरेको छ ।

नुवाकोटमा ढुंगाले बस च्यापिँदा ४ जनाको मृत्यु, ६ जनाको जीवितै उद्धार

gadi-final-fial

gadi-final-fialकाठमाडौं, असार २४ : नुवाकोटमा ढुंगाले बस च्यापिँदा बसभित्र रहेका चालक सहित चार जनाको मृत्यु भएको छ ।

नुवाकोटको देउराली गाउँ विकास समितिबाट काठमाडौं जाँदै गरेको बा २ ख २८४१ नम्वरको यात्रुबाहक बस ककनी गाउँ विकास समिति वडा नं. १ सिस्नेरीमा माथीबाट आएको ठूलोे ढुंगाले च्यापिदा बसभित्र रहेका चालक सहित चार जनाको मृत्यु भएको हो ।

घटनामा ६ जनाको जीवितै उद्धार गरिएको प्रहरीले जनाएको छ ।

मृत्यु हुनेमा बसका चालक रसुवा जिल्ला भोर्ले गाउँ विकास समितिका प्रदिमान विकको रहेका छन् भने अन्यको सनाखत हुन सकेको छैन् ।

उद्धार गरिएका ६ जनालाई उपचारका लागि काठमाडौं ल्याईएको छ । ढुंगाले बस च्यापिएपछि अहिले त्रिशुली काठमाडौं सडक खण्ड अवरुद्ध बनेको छ ।

नीति तथा कार्यक्रम काम चलाउ- वरिष्ठ नेता खनाल

1436434852944_Pro_Ktm_JHalanath Khanal Face to face (1)

1436434852944_Pro_Ktm_JHalanath Khanal Face to face (1)काठमाडौं, असार २४ : नेकपा (एमाले) का वरिष्ठ नेता झलनाथ खनालले सरकारको नीति तथा कार्यक्रम काम चलाउ रुपमा आएको बताएका छन् ।

रिपोटर्स क्लब नेपालले बिहिबार आयोजना गरेको साक्षात्कारमा उनले नीति तथा कार्यक्रम काम चलाउ भएकाले पार्टीको असहमति नरहेको उल्लेख गरे ।

पूर्व प्रधानमन्त्रीसमेत रहेका खनालले नेपालको संविधान, २०७२ को प्रारम्भिक मस्यौदा जनतामा गएको र असन्तुष्ट पक्षका आवाजलाई समेटेर ढेड महिनाभित्र संविधान जारी हुने विश्वास व्यक्त गरे । ‘संविधानको मस्यौदामा सबैका कुरा समेटिएका छैनन्, एमालेकै कुरा पनि छुट्यो भन्ने अहिले लागिरहेको छ तर मस्यौदामा साझा कुरा सबै छन्’- नेता खनालले भने ।

एमाले सत्ताको पक्षमा नभएको दोहोर्‍याउँदै उनले पार्टीको पहिलो प्राथमिकता नयाँ संविधान हो भने । नेता खनालले भने, ‘एमाले पूर्ण प्रेस स्वतन्त्रताको पक्षमा छ, मस्यौदामा ‘पूर्ण’ भन्ने शब्द छुटे पनि पूर्ण प्रेस स्वतन्त्रताकै पक्षमा छ । रासस

गुडिरहेको यात्रुबाहक बस पहिरोमा पुरियो

gadi-final-fial

gadi-final-fialकाठमाडौं, असार २४ : नुवाकोटबाट काठमाडौंतर्फ गइरहेको यात्रुबाहक बस माथिबाट आएको पहिरोको ढुंगाले पुरिएको छ।

त्रिशुलीबाट काठमाडौं जाँदै गरेको बा २ ख २८४१ नम्बरको यात्रुबाहक बस विहीबार दिउँसो ककनी गाउँ विकास समिति वडा नम्बर-१ सिस्नेरीमा माथिबाट खसेको पहिरोले पुरिएको जिल्ला प्रहरी कार्यालय नुवाकोटले जनाएको हो।

पुरिएको बसमा कति जना यात्रु रहेका छन् भन्ने खुल्न सकेको छैन । बसमा पुरिएकामध्ये पाँच जनाको जीवितै उद्धार गरिएको प्रहरीले जनाएको छ ।

घटनाको विस्तृत विवरण आउन बाँकी छ ।

1 1,166 1,167 1,168 1,169 1,170 1,242