Author Archives: डिजिटल दैनिक

माघ ११ देखि ‘क्यान इन्फोटेक’ मेला

can
FacebookTwitterGoogle+PrintEmailShare

काठमाडौं, मंसिर २९ः माघ ११ देखि १६ गतेसम्म राजधानीको भृकुटीमण्डपमा क्यान इन्फोटेक मेला सुरु हुने भएको छ। कम्प्युटर एशोसिएसन अफ नेपाल क्यानले पत्रकार सम्मेलन गरी क्यान इन्फोटेक मेला आगामी माघ ११ गतेबाट सुरु हुने जानकारी गराएको हो ।

मेलामा अवलोकनकर्ताहरुले नयाँ नयाँ सूचना प्रविधि र उपकरण अवलोकन तथा खरिद गर्न सक्नेछन्। विश्वमा सूचना तथा प्रविधिको क्षेत्रमा भएका विकास तथा नयाँ नयाँ प्रविधिबारे जानकारी गराउने उद्देश्यले क्यानले हरेक वर्ष इन्फोटेक मेला आयोजना गर्दै आएको छ।

यस २४ औं संस्करणको “सुविस क्यान ईन्फोटेक २०१८ ईन एशोसिएशन विथ मोटोरोला” मा ४९ वटा ठुला र हल बाहिर ५ वटा ब्रान्डिङ्ग प्रदर्शनी कक्षहरु हुनेछन्। मेला अवलोकनका लागि सर्वसाधारणहरुलाई प्रवेश शुल्क १०० र विद्यार्थीहरुलाई ५० रुपैयाँ तोकिएको छ ।

२०७४ माघ १४ गते आईतबारको दिनलाई विजनेश डे को रुपमा घोषणा गरिएको छ । उक्त दिनको प्रवेश शुल्क सम्पुर्ण अवलोकनकर्ताहरुको लागि १०० रुपैयाँ तोकिएको छ ।

अवलोकनका लागि सरकारी विद्यालयहरुबाट अग्रिम रुपमा लिखित अनुरोधगरेमा निःशुल्क प्रवेशको व्यवस्था गरिएको अध्यक्ष ढकालले जानकारी दिए। अनलाईन टिकट खरीद गर्नेले २० प्रतिशत छुट पाउनेछन्।

समानुपातिक मोरङमा नेपाली काँग्रेस पहिलो

Screenshot_1-2

विराटनगर, मंसिर २९ः प्रतिनिधिसभाको समानुपातिकको मतगणनामा मोरङमा नेपाली काँग्रेसले पहिलो स्थान प्राप्त गरेको छ ।

उक्त पार्टीले मोरङको छवटै निर्वाचन क्षेत्रबाट एक लाख ६० हजार ५४६ मत प्राप्त गरी अग्रस्थान कायम गरेको हो । त्यसपछि नेकपा एमालेले एक लाख ४४ हजार ८२४ मत प्राप्त गरी दोस्रो स्थानमा रहेको छ भने नेकपा माओवादी केन्द्रले ४४ हजार ९५१ मत प्राप्त गरी तेस्रो स्थान कायम गरेको छ ।

त्यस्तै, संघीय समाजवादी फोरम नेपालले २९ हजार ३१५ मत प्राप्त गरेका छन् भने राष्ट्रिय जनता पार्टीले आठ हजार ८९७ मत प्राप्त गरेका हुन् ।

मोरङको कूल मतदातामध्ये समानुपातिकतर्फ चार लाख ५९ हजार १७२ मत खसेकामा ४१ हजार ५७१ मत बदर भएको थियो ।

फरार ‘माननीय’चौधरीको वारेसनामा रिट सर्वोच्चद्वारा दरपीठ

Reshamlal-Chaudhari-Tikapur-810x424

काठमाडौं, मंसिर २९ः प्रहरीको मोष्ट वान्टेट सुचीमा रहेर फरार रहेकै अवस्थामा प्रतिनिधिसभा सदस्यमा निर्वाचित रेशम चौधरीको रिट दता गर्न सर्वोच्च अदालतले अस्वीकार गरेको छ ।

विजयी पश्चात चौधरीले वारेसनामा मार्फत प्रमाणपत्र बुझ्ने प्रयास गरेका थिए । निर्वाचन कार्यालयले चौधरीको वारेसनामालाई मान्यता नदिई रन्जिता चौधरीसँगै फिर्ता पठाएको थियो । चौधरीले भाईमार्फत तीन दिन अघि सर्वोच्चमा रिट दिएका थिए ।

रिटमा गत भाद्र ७ मा कैलालीको टिकापुरमा भएको घटनामा आफ्नो संलग्नता नभएको जनाएका छन् । चौधरी टीकापुर घटनाका मुख्य अभियुक्त हुन् । फरार रहेकै अवस्थामा प्रतिनिधिसभा सदस्यको चुनाव जितेका उनी भारी मतले विजयी भए । तर, निर्वाचन अधिकृतले वारेसमार्फत विजयी भएको प्रमाणपत्र दिएनन् । प्रतिनिधिसभा सदस्यमा निर्वाचित भएको प्रमाणपत्र वारेसमार्फत पाउनु पर्ने माग गर्दै चौधरीले भाइमार्फत सर्वोच्च रिट दिएका थिए ।

तर, मुख्य रजिष्टार नहकुल सुवेदीले निवेदन अस्वीकार गरेका छन् । निवेदकले आफूमाथि टीकापुर घटनाको अभियोग लागेको र कानुनी प्रक्रियामा नरहेको स्वीकार गरेको भन्दै सर्वोच्चले भनेको छ, ‘यस्तो अवस्थामा अ.व.६५ (१) नं बमोजिम वारेस समेत नलाग्ने देखिँदा यस्तो मुद्दामा वारेसमार्फत प्रस्तुत रिट दर्ता गर्न मिलेन ।’

चौधरी आफैं उपस्थित भएमाले भने रिट निवेदन दर्ता हुन नहुने विचार गरिने सर्वोच्चले जनाएको छ ।

प्रचण्ड र ओलीबीच गोप्य भेटघाट, यस्तो गरे निर्णय ?

K.P. and Prachanda

काठमाडौं, मंसिर २९ः निर्वाचनपछिको उत्पन्न राजनीतिक परिस्थिति र नयाँ सरकार गठनबारे छलफल गर्न माओवादी अध्यक्ष प्रचण्ड र एमाले अध्यक्ष केपी ओलीवीच शुक्रबार राजधानीमा भेटवार्ता भएको छ ।

प्रदेश तथा प्रतिनिधि सभा सदस्य निर्वाचनमा सुबिधाजनक बहुमत ल्याएपछि बामगठबन्धनका दुई प्रमुख दल एमाले र माओवादी शीर्ष नेतावीच सरकार गठनदेखि पार्टी एकतासम्मको विषयमा छलफल शुरु भएको हो । निर्वाचनमा सफलता हसिल गरेपछि अव सरकार सञ्चालन र पार्टी नेतृत्व कसले गर्ने भन्ने विषयलाई प्रमुख एजेण्डा बनाएर गृहकार्य थालेका हुन् ।

निर्वाचन लगत्तै पार्टी एकता गर्ने भनिएपनि दुई दलले पहिला सरकार गठन र त्यसपछिमात्रै पार्टी एकता गर्नेगरी गृहकार्य थालेको बताइएको छ । यसका लागि एमाले अध्यक्ष केपी अ‍ोली र माओवादी अध्यक्ष पुष्पकमल दाहालबीच शुक्रबार गोप्य बार्ता र छलफल भएको छ ।

भेटपछि प्रचण्डको सचिवालयका अनुसार नयाँ सरकार गठन, पार्टी एकता प्रकिया, राष्ट्रिय सभाको गठन र समसामयिक राजनीतिक विषयमा केन्द्रित रहेर छलफल भएको थियो। ओली र प्रचण्डबीच भएको छलफलमा सरकार गठन र पार्टी एकतालाई सफलतापूर्वक सम्पन्न गर्नुपर्ने निष्कर्ष निकाल्दै पार्टी एकतालाई बलियो बनाएर लैजाने समझदारी भएको छ।

शुक्रबारको छलफल अत्यन्तै सकारात्मक भएको र आवश्यक गृहकार्य गरेर अघि बढ्ने दुई अध्यक्षबीच समझदारी भएको छ। शुक्रबार भएको दुई शीर्ष नेताबीचको भेटबार्तामा सरकार गठन, सरकारको नेतृत्व कसले गर्ने, राष्ट्रियसभा सम्बन्धी विधयक के गर्ने र पार्टी एकीकरण कहिले र कसरी गर्ने भन्ने बारेमा छलफल भएको बताइएको छ ।

समानुपातिक मतपरिणाम : एमाले ७३ हजार मतको अन्तरले अगाडि

24898961_1689472861116962_768754805_n

काठमाडौँं, मंसिर २९ः पहिलो र दोस्रोचरणमा मंसिर १० र २१ गते भएको प्रतिनिधिसभा सदस्य निर्वाचनको समानुपातिक निर्वाचन प्रणालीतर्फको हालसम्मको मतगणनामा ७३ हजार मतको अन्तरले नेकपा एमालेको अग्रता कायमै रहेको छ ।

निर्वाचन आयोगको सूचना प्रणाली व्यवस्थापन शाखाबाट पछिल्लो जानकारीअनुसार, नेकपा एमालेले ३० लाख ७३ हजार, नेपाली काँग्रेसले २९ लाख ९९ हजार, नेकपा माओवादी केन्द्रले १२ लाख ४४ हजार र संघीय समाजवादी फोरमले नेपालले चार लाख ५२ हजार मत प्राप्त गरेको छ ।

यस्तै, राष्ट्रिय जनता पार्टी, नेपालले चार लाख ३२ हजार, विवेकशील साझा पार्टीले दुई लाख नौ हजार र राष्ट्रिय प्रजातन्त्र पार्टीले एक लाख ९२ हजार मत प्राप्त गरेको निर्वाचन आयोगले जनाएको छ ।

प्रतिनिधिसभाको समानुपातिकतर्फको हालसम्म ९१ लाख ६१ हजार ८२८ मतगणना पूरा भएको आयोगले जनाएको छ ।

समानुपातिकतर्फ प्रदेश नं २ मा एमाले पत्तासाप, काँग्रेस पहिलो राजपा दोस्रो

congress_bijayi

काठमाडौं, मंसिर २९ः देशभर एमालेले राम्रो परिणाम ल्याइरहँदा दुइवटा प्रदेशमा भने समानुपातिकतर्फ कांग्रेस अघि छ । पछिल्लो मतपरिणाम अनुसार प्रदेश नम्बर २ र ५ मा कांग्रेसले सबभन्दा धेरै मत ल्याएको हो ।

कांग्रेसको प्रदेश नम्बर २ मा मत ३ लाख १७ हजार २ सय ७५ छ । यो प्रदेशमा राष्ट्रिय जनता पार्टी दोस्रो भएको छ । उसले २ लाख ६१ हजार ३ सय ३२ ल्याएको छ।

तेस्रो हुने संघीय समाजवादी फोरमले भने, २ लाख ४९ हजार ८ सय ४० मत ल्याएको छ। त्यस्तै, कांग्रेसले सबभन्दा धेरै मत ल्याउने अर्को प्रदेश ७ नम्बर हो । यहाँ उसले २ लाख ७८ हजार ७ सय ८५ मत पाएको छ। दोस्रो हुने दल एमाले छ । उसले यहाँ २ लाख ५५ हजार ४ सय ८६ मत ल्याएको छ ।

तेस्रो हुने माओवादी केन्द्रको मत यहाँ १ लाख ३७ हजार ९ सय ९८ छ । दुवै प्रदेशमा उसले सरकार बनाउन भने पाउने छैन । दुवै प्रदेशमा प्रत्यक्षमा उसको मत कम छ। त्यसमाथि गठबन्धन गरेका दुई दलको मत जोड्दा कांग्रेसपछि पर्छ । त्यसैले, उसले सरकार भने बनाउन नपाउने भएको हो ।

प्रदेश नम्बर २ मा तालमेल गरेर चुनावमा गएका राजपा र संघीय समाजवादी फोरम मिलेर सरकार बनाउन सक्नेछन् । प्रदेश ७ मा भने एमाले -माओवादी गठबन्धन मिल्ने छन् ।

निर्वाचन आयोगका अनुसार अब जम्मा ४ वटा जिल्लाका १२ वटा प्रदेशको मत गणना गर्न बाँकी छ । सुनसरी क्षेत्र नम्बर २,३, सर्लाहीको क्षेत्र २, ३ सुर्खेतको १ र कैलालीको १ का प्रदेशसभाको मतगणना बाँकी रहेको हो ।

चिसो बढ्यो, राजधानीमा ३.२ डिग्री सेल्सियस

Cold

काठमाडौं, मंसिर २९ः राजधानीसँगै मुलुकका विभिन्न भागमा चिसो बढेको छ । केही उच्च हिमाली क्षेत्रमा हिमपात भएसँगै चिसो बढेको हो ।

शुक्रबार बिहान राजधानीको तापक्रम ३.२ डिग्री सेल्सियस मापन गरिएको जल तथा मौसम विभागले जनाएको छ ।

विभागका अनुसार पश्चिम, मध्य र पूर्वी तराईका केही स्थानमा कुहिरो लागेको छ ।

केही स्थानमा बेलुकीसम्म नै कुहिरो लाग्ने पनि विभागले जनाएको छ ।

Election generated aspirations for prosperity, Oli says

oli-comrade

Bhaktapur, Dec 14 (RSS): CPN (UML) Chairman KP Sharma Oli has said the upcoming government would work with due priority to ensure employment with decent payment in the country.
Receiving a memorandum submitted by a team led by the former President of Federation of Nepalese Chambers of Commerce and Industry (FNCCI) at his residence on Thursday, Chairman Oli said that the youth should not toil hard in the gulf countries if employment opportunities were generated in the country.
Each political change brings new hopes on people, he said, adding that this time’s election also brought the aspirations for development and prosperity.
Stating that corruption has gone up in the country in the name of privatization after the 2046 BS, Oli said 38 industries were sold out during the Nepali Congress-led government in the name of privatization and liberalization which forced millions of youths to leave for gulf nations for lack of employment at home.
“The task of government is to collect tax from the business sector by creating investment-friendly environment. The upcoming government is ready to join hands together with the private sector for the nation building,” Oli said.
The private sector can play the role of motivator for development and prosperity and the government would facilitate by making compatible policies for the same, the UML Chairman said.
Former Presidents of FNCCI Maheshlal Pradhan, Padma Jyoti, Rabi Bhakta Shrestha, Binod Bahadur Shrestha, Kush Kumar Joshi, Suraj Vaidhya and Bhaskarraj Rajkarnikar have signed in the memorandum, praising the role of Oli played in the capacity of opposition leader.

सरकार गठनबारे संविधानको चार व्यवस्था

UML-Maoist-Centre-Naya-Shakti-Party-merger-8-1170x500

काठमाडौं, मंसिर २९ः मन्त्रिपरिषद् गठनसम्बन्धी संविधानको धारा ७६ को उपधारा (१) अनुसार निर्वाचन आयोगले मतपरिणाम सार्वजनिक गरेलगत्तै राष्ट्रपतिले प्रतिनिधिसभामा बहुमत प्राप्त संसदीय दलको नेतालाई प्रधानमन्त्री नियुक्त गर्न सक्नेछिन् ।

तर, प्रधानमन्त्री नियुक्तिअघि बहुमत ल्याउने दलले संसदीय दलको नेता चुनिसक्नुपर्नेछ । यो संवैधानिक व्यवस्थाअनुसार अन्तिम परिणाम आउँदासम्म एमालेको बहुमत आउने देखिँदैन । एमाले र माओवादी दुवैले तत्काल एकता टुंग्याएको अवस्थामा मात्र यो व्यवस्थाबाट प्रधानमन्त्री चुनिन सक्ने अवस्था हुन्छ । यो खबर हामीले आजको नयाँ पत्रिकाबाट लिएका हौ।

गठबन्धन सरकार
धारा ७६ को उपधारा (२) मा ‘प्रतिनिधिसभामा कुनै पनि दलको स्पष्ट बहुमत नरहेको अवस्थामा प्रतिनिधिसभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत प्राप्त गर्नसक्ने प्रतिनिधिसभाको सदस्यलाई राष्ट्रपतिले प्रधानमन्त्री नियुक्त गर्ने’ व्यवस्था छ । एमाले, माओवादी केन्द्रको गठबन्धन स्पष्ट बहुमतमा रहेकाले यो व्यवस्थाअनुसार गठबन्धन सरकार बन्न सक्नेछ ।

ठूलो दलको नेता प्रधानमन्त्री
अन्तिम परिणाम घोषणा भएको मितिले तीस दिनभित्र उपधारा (२) बमोजिम प्रधानमन्त्री नियुक्ति हुन सक्ने अवस्था नभएमा वा त्यसरी नियुक्त प्रधानमन्त्रीले उपधारा (४) बमोजिम विश्वासको मत प्राप्त गर्न नसकेमा राष्ट्रपतिले प्रतिनिधिसभामा सबैभन्दा बढी सदस्यहरू भएको दलको संसदीय दलको नेतालाई प्रधानमन्त्रीमा नियुक्त गर्ने संवैधानिक व्यवस्था छ । तर, यो विकल्पबाट सरकार गठन हुने सम्भावना अहिलेलाई न्यून देखिन्छ । एमाले र माओवादी केन्द्रबीच धेरै ठूलो खटपट भएको अवस्थामा मात्र यो विकल्पबाट सरकार गठन हुन सक्ने स्थिति आउन सक्छ ।

विश्वास प्राप्त नगरे ६ महिनाभित्र निर्वाचन
संविधानमा ठूलो दलको नेतालाई प्रधानमन्त्री नियुक्त गर्न सक्ने व्यवस्था छ । तर, ३० दिनभित्र विश्वासको मत लिन नसकेमा भने प्रधानमन्त्रीकै सिफारिसमा राष्ट्रपतिले ६ महिनाभित्र निर्वाचन गर्नेगरी संसद् विघटन गर्नसक्ने संवैधानिक व्यवस्था छ ।

मतपरिणाम सार्वजनिक गर्नेबारे आयोग अस्पष्ट
प्रतिनिधिसभा र प्रदेशसभातर्फ मतगणनाको काम अन्तिम चरणमा पुगे पनि समानुपातिकतर्फको परिणाम तत्काल सार्वजनिक गर्ने कि नगर्नेबारे निर्वाचन आयोग द्विविधामा देखिएको छ । ‘शुक्रबारसम्म समानुपातिकतर्फको मतगणना सकिन्छ,’ आयोगका प्रवक्ता नवराज ढकालले भने, ‘तर, तत्काल परिणाम सार्वजनिक गर्ने कि नगर्ने आयोगलाई प्रक्रियागत समस्या भएको छ ।’ उनले अन्तिम परिणाम कहिले सार्वजनिक गर्ने स्पष्ट रूपमा खुलाउन चाहेनन् ।

यस्ता छन् संवैधानिक जटिलता
संविधानको धारा ८३ मा संघीय संसद् भन्नाले प्रतिनिधिसभा र राष्ट्रिय सभा भएको उल्लेख छ । धारा ९३ मा प्रतिनिधिसभाको निर्वाचन परिणाम सार्वजनिक भएको ३० दिनभित्र संघीय संसद्को बैठक आह्वान गर्ने र ९५ मा संघीय संसद्को पहिलो बैठकलाई राष्ट्रपतिले सम्बोधन गर्ने उल्लेख छ । तर, राष्ट्रिय सभा गठनविना संघीय संसद्ले पूर्णता नपाउने र सांसदको सपथग्रहणविनै प्रधानमन्त्रीको नियुक्ति कसरी हुन्छ भन्ने प्रश्न खडा भएको छ ।

त्यस्तै, धारा ८४९८० मा संघीय संसद्मा प्रतिनिधित्व गर्ने प्रत्येक दलबाट निर्वाचित कुल सदस्य संख्याको कम्तीमा एकतिहाइ सदस्य निर्वाचित हुने व्यवस्था गरेकाले राष्ट्रिय सभा गठनविना मत परिणाम सार्वजनिक गर्ने कि नगर्ने अर्को संवैधानिक प्रश्न खडा भएको छ । मतपरिणाम सार्वजनिक नभएसम्म संविधानमा जे–जस्तो व्यवस्था भए पनि प्रधानमन्त्रीको नियुक्ति र संसद् बैठक डाक्नेलगायतका कुनै पनि प्रक्रिया अघि बढ्न सक्ने स्थिति देखिँदैन ।

प्रचण्डको प्रस्तावमा ओली प्रधानमन्त्रीको उम्मेदवार

kp-oli-2

काठमाडौं, मंसिर २९ः वाम गठबन्धनका प्रमुख नेता माओवादी केन्द्रका अध्यक्ष पुष्पकमल दाहाल प्रचण्डले एमाले अध्यक्ष केपी ओलीलाई नयाँ प्रधानमन्त्रीको उम्मेदवार प्रस्ताव गरेका छन् ।

ठूलो दलको हैसियतमा ओली नै स्वाभाविक उम्मेदवार भएको प्रचण्डले बताउँदै आएका छन् । ‘अध्यक्ष प्रचण्डले ठूलो दलको हैसियतमा ओली नै प्रधानमन्त्रीको उम्मेदवार हुने बताउनुभएको छ,’ माओवादी केन्द्रकी प्रवक्ता पम्फा भुसालले भनिन्, ‘तर, अहिले निर्वाचन परिणामतिरै ध्यान केन्द्रित भएकाले पार्टीभित्र औपचारिक छलफल हुन पाएको छैन।’ यो खबर हामीले आजको नयाँ पत्रिकाबाट लिएका हौ। ओली र प्रचण्ड वाम गठबन्धनका प्रमुख नेता हुन्।

नयाँ सरकार गठन, पार्टी एकतालगायतका समग्र विषयमा पार्टी एकता संयोजन समितिमा छलफल गरेर मात्रै अन्तिम टुंगोमा पुग्ने दुवै दलको तयारी छ। समितिमा दुवै दलका शीर्ष नेताहरू पनि रहेकाले त्यहाँ निर्णय गरेर दुवै पार्टीले आन्तरिक छलफल गर्ने सम्भावना रहेको एक नेताले बताए।

‘एमालेमा छलफल भइसकेको छैन, तर प्रचण्डले नाम लिनुभएको छ, दुवै नेता पार्टी एकता संयोजन समितिमा प्रमुख नेता हुनुहुन्छ,’ एमाले प्रवक्ता विष्णु रिमालले भने, ‘त्यसैले समितिले निर्णय गरेपछि पार्टीभित्र छलफल हुने सम्भावना छ।’ तर, दुई नेताबीच को प्रधानमन्त्रीको उम्मेदवार बन्नेबारे कुनै सहमति नभएको उनले स्पष्ट पारे। ‘गठबन्धनको एउटा प्रमुख नेताले उहाँ (ओली) लाई नै प्रधानमन्त्रीका रूपमा संकेत गर्नुभएको छ ।

तर, एमालेले औपचारिक निर्णय गरिनसकेकाले को प्रधानमन्त्रीको उम्मेदवार भनेर औपचारिक रूपमा सार्वजनिक गर्ने वेला भइसकेको छैन,’ एमाले प्रवक्ता विष्णु रिमालले भने। माओवादी नेताहरूले पार्टी एकता र सरकार सँगसँगै प्याकेजमा लैजानुपर्ने बताएका छन् । पार्टी एकता गर्ने विषय जनताबाट समेत अनुमोदित भइसकेकाले सरकार र एकता प्याकेजमा अगाडि बढाउनुपर्ने सो पार्टीका नेताहरूको भनाइ छ ।

माओवादी सचिवालय सदस्य अग्निप्रसाद सापकोटाले पार्टी एकता संयोजन समितिमा छलफल गरी एउटा विधि प्रक्रिया बनाएपछि सरकार एकता प्याकेजको रूपमा एकैपटक अगाडि बढ्ने बताए । ‘पार्टी एकता गर्ने विषय स्वाभाविकै रूपमा सरकार गठन गरेपछि नै हुन सक्छ,’ उनले भने, ‘तर, एकता गर्ने भनेपछि विधि प्रक्रियालगायत सबै तयार भइसकेपछि सोहीअनुसार सरकार बन्न सुरु हुन्छ ।’ पार्टी अध्यक्ष प्रचण्ड काठमाडौं फर्किसकेकाले केही दिनभित्र पार्टी एकता र सरकारको विषयमा छलफल सुरु हुने सापकोटाले बताए ।

1 2 3 4 1,149