Author Archives: डिजिटल दैनिक

पार्टी एकताको सन्देश दिन एमाले र माओवादीले संयुक्त सभा गर्दै

oli-prachanda
FacebookTwitterGoogle+PrintEmailShare

काठमाडौं, वैशाख ९ः पार्टी एकताको विषयमा आशंका बढिरहेको बेला नेकपा एमाले र माओवादी केन्द्रले आइतबार संयुक्त कार्यक्रम गर्दैछन् ।

औपचारिक एकता घोषणा नभए पनि नेपाल कम्युनिष्ट पार्टी स्थापनाको दिन पारेर दुवै पार्टीका शीर्ष नेताले आफूहरु चाँडै एकीकृत हुने ठोस् सन्देश दिन लागेका हुन् । सरकारको नेतृत्व गरिरहेको एमाले र माओवादी सकेसम्म वैशाख ९ गते नै एकता गर्न करीब सहमत भए पनि केही विषय टुंगो लगाउन बाँकी रहेको भन्दै औपचारिक एकता घोषणा नगरी संयुक्त कार्यक्रमबाट सन्देश दिन जुटेका हुन् ।

पार्टी एकता संयोजन समितिको आयोजनामा राष्ट्रियसभा गृहमा दिउँसो हुने कार्यक्रममा एमालेका अध्यक्ष एवं प्रधानमन्त्री केपी शर्मा ओली र केन्द्रका अध्यक्ष पुष्पकमल दाहाल ‘प्रचण्ड’लगायत शीर्ष नेताले सम्बोधन गर्ने छन् । गएको असोज १७ मा एकीकृत कम्युनिष्ट पार्टी निर्माणको घोषणासहित चुनावी गठबन्धन हुँदै संघीय संसदमा बहुमत हासिल गरी नयाँ सरकारसमेत बनाइसकेका एमाले र माओवादी केन्द्र एकताबाट पछि हट्न नसक्ने दुबै दलका नेताले पटक/पटक जनाउँदै आएका छन् ।

स्थिर सरकार, सुशासन र विकासको लक्ष्यसहित निर्वाचनलगत्तै एकता गर्ने प्रतिबद्धता चुनावी घोषणापत्रमा भएको र त्यसलाई कार्यकर्ता र जनताले अनुमोदन गरिसकेकाले यसबाट पछि हट्न नमिल्ने विश्लेषकहरुको पनि बुझाइ छ ।

दुई दलबीच नेता माधवकुमार नेपालको संयोजकत्वमा गठित संगठन र नेता रामबहादुर थापा बादलको संयोजकत्वमा रहेको वैचारिक कार्यदलले तयार गरेको अन्तरिम विधान र अन्तरिम राजीतिक प्रतिवेदनलाई अन्तिमरुप दिन यही वैशाख ४ गतेको एकता संयोजन समितिको बैठकले अध्यक्ष ओली र दाहाललाई जिम्मेवारी दिएको थियो ।

युवाहरु अब अरब जानु पर्दैनः मन्त्री विष्ट

GOKARNA_RAJ_BISTA

गुल्मी, वैशाख ६ः श्रम तथा रोजगार मन्त्री गोकर्ण विष्टले सामाजिक न्यायसहितको समृद्धि प्राप्त गर्न यो सरकार नयाँ ढंगले अगाडि बढ्न चाहेको बताएका छन् ।

बुधबार गुल्मीको मुसीकोट नगरपालिकाले आयोजना गरेको स्वागत कार्यक्रममा बोल्दै उनले कृषि, शिक्षा स्वास्थ्य, रोजगारीलगायतका सामाजिक विकासका क्षेत्रमा नयाँ ढंगले नीति तथा कार्यक्रम बनाइ जनताको सेवा गर्न चाहेको बताएका छन् । विष्टले कुनै पनि व्यक्ति मन्त्री बन्दैमा जनताको जीवन बदलिन नसक्ने बताउँदै जीवन बदल्न नया ढंगले काम गर्नुपर्ने बताए । । ‘एक व्यक्ति मन्त्री हुँदैमा जनताको जीवन बदलिँदैन’ उनले भने, ‘जीवन बदल्न नयाँ ढंगले जीवन बदल्ने अभियान चलाउनु जरुरी छ ।’

उनले खान नपाएर भोकै बसिरहेका गरीब, दलित तथा पिछडिएका परिवारको विकासका निम्ति अब आधार तयार गर्ने बताए। विश्व मानचित्रमा गौरवशाली, सबल र समृद्ध नेपाल बनाउने ऐतिहासिक दायित्व यो सरकारमा आएको भन्दै उनले सो दायित्व पूरा गर्न सरकार कुनै पनि कदम चाल्न पछि नपर्ने बताए ।

उनले देशमा पर्याप्त रोजगारी सिर्जना गर्ने बताएका छन् । मन्त्री विष्टले गुल्मीका दर्जनौँ सडकको स्तरोन्नति गर्दै, प्रत्येक जनताको घरमा केन्द्रीय विद्युत्, हरेकको घरमा खानेपानीका धारा, खरका छाना हटाई सुरक्षित आवास दिन र किसानका खेतमा सिँचाइ लगायतका व्यवस्था गर्न नयाँ ढंगले अगाडि बढ्न खोजिरहेको बताए ।

पूर्वराजाले खोले मुख, मुलुकको राष्ट्रिय अस्तित्व क्षतविक्षत अवस्थामा

Raja

काठमाडौं, चैत्र ३०ः पूर्व राजा ज्ञानेन्द्र शाहले मुलुकको राष्ट्रिय अस्तित्व क्षतविक्षत हुने अवस्थामा पुगेको बताएका छन् ।

नयाँ वर्ष २०७५ सालको अवसरमा आज एक शुभकामना विज्ञप्ति जारी गर्दै उनले मुलुकलाई शब्दजालको भूलभूलैयामा राखेर अन्ततः राष्ट्रिय अस्तित्व क्षतविक्षत तुल्याइने खतरा रहेको बताएका हुन् । शाहले विश्वका अधिकांश मुलुकले समुन्नत जीवन बाँचिरहँदा नेपालीले पनि त्यो चाहना राख्नु स्वभाविक भएको तर त्यसो हुन नसकेको संकेत जनाएका छन् ।

विज्ञप्तिमा पूर्वराजा शाहले राष्ट्रियता जनताको हार्दिकतासँग गाँसिएको संवेदनशील प्राणत्व भएको समेत स्पष्ट पारेका छन् । उनले आफुले एक नेपालीले अर्को नेपालीलाई देख्दा झस्कनु पर्ने अवस्था आउन नहुने बताउँदै शासक प्रशासकहरुको व्यवहार समेत जनमुखी हुनुपर्नेमा जोड दिएका छन् ।

रारामा बस्यो प्रदेश मन्त्रिपरिषद् बैठक, के गरे निर्णय ?

oli-in-rara

मुगु, चैत ३०ः कर्णाली प्रदेशले आफ्नो समृद्धिका लागि प्रधानमन्त्री ओली राष्ट्रिय महत्वका योजनालाई केन्द्रले सरकारले आफ्नो योजनामा समावेश गर्न अनुरोध गरेको छ ।

शुक्रबार कर्णाली प्रदेशको मन्त्रिपरिषदको बैठकमा प्रधानमन्त्री केपी शर्मा ओलीलाई प्रमुख आतिथि बनाएर रारामा मत्रीपरिषदको बैठक बसेको हो। कर्णाली प्रदेशको मन्त्रिपरिषदको बैठक रारामा बसेको छ । बैठकले कर्णाली प्रदेशको पर्यटन प्रवद्र्धनका लागि केन्द्र सरकारसँग विभिन्न अनुरोध गरेको छ । oli-in-rara

बैठकले कर्णालीको प्रवद्र्धनका लागि पर्यटन प्रवद्र्धनका लागि पर्यटन प्राधिकरण बनाई योजना बनाएर अघि बढ्ने निर्णय गरेको छ । बैठकले सुर्खेतदेखि हिल्साको सडकखण्डलाई प्रधानमन्त्री अन्तर्राष्ट्रिय दु्रतमार्गका रुपमा लिएर केन्द्रीय सरकारलाई आफ्नो योजनामा समेटन् पनि अनुरोध गरिएको छ ।

भेरी करिडोर र कर्णाली करिडोरलाई पनि केन्द्रीय योजना र आफ्नो बजेटमा समावेश गरिनुपर्ने बैठकबाट प्रधामन्त्री ओलीलाई आग्रह गरिएको छ । सुर्खेतलाई शहरीकरण गर्ने र एकीकृत बस्ती विकासको लागि गुरुयोजना बनाउन पनि प्रदेश सरकारले निर्णय गरेको छ । प्रधानमन्त्री ओलीसँग प्रदेश सरकारले कर्णाली प्रदेशको उत्तरी नाका खोल्नका लागि पनि केन्द्र सकारबाट पहल गरिदिन आग्रह गरेको छ । नाका खोल्नका लागि केन्द्र सकारले आफ्नो योजनामा समावेश गर्न प्रधानमन्त्रीलाई अनुरोध गरिएको छ ।

हुम्लाको हिल्सा, मुगुको नाक्चे नाग्ला, डोल्पाको नाका खोल्नको लागि प्रदेश सकारले केन्द्र सरकारसँग सहयोग मागेको हो । प्रधानमन्त्री ओलीले प्रदेश सरकारले मनाउन लागेको रारा कर्णाली पर्यटन वर्षको उद्घाटन गर्ने कार्यक्रम छ । ओलीले भोलि नै रारा परिसरबाट देशबासीलाई सम्बोधन गर्ने तय भएको छ ।

बलात्कार अभियोगमा भाजपा सांसद पक्राउ

Kuldeep_Sengar_PTI_1_0_0

काठमाडौं, चैत्र ३०ः भारतीय जनता पार्टीबाट उत्तर प्रदेश विधान सभामा निर्वाचित कुलदीप सेन्गरलाई बलात्कार अभियोगमा पक्राउ परेका छन्।

सेन्गरलाई सिबिआईको टोलीले शुक्रबार बिहान लखनऊस्थित उनको घरबाट पक्राउ गरेको हो। उनीविरूद्ध उनाउकी एक १६ वर्षिया युवतीलाई बलात्कार गरेको भन्दै मुद्दा परेका छ। मुद्दा हालेकी युवतीले गत जुनमा कुलदीपले आफूलाई बलात्कार गरेको बताएकी छन्।

युवतीका परिवारले मुद्दा दायर भएपछि कुलदीपका भाइले धम्क्याउने गरेको र प्रहरीले पनि यो मुद्दामा कुलदीपलाई नमुछ्न दबाब दिएको बताएका थिए।

युवतीका बुवालाई कुलदीपका भाइले कुटेको एक भिडियो भाइरल भएको थियो। घाइते भएका युवतीका बुवाको प्रहरी हिरासतमै मृत्यु भएको थियो।

अमेरिकी राष्ट्रपतिले दिए नेपालीलाई नयाँ वर्षको शुभकामना

trump sworn

काठमाडौं, चैत्र ३०ः अमेरिकी राष्ट्रपति डोनाल्ड ट्रम्पले नेपाली नयाँ वर्ष २०७५ को शुभकामना व्यक्त गरेका छन् ।

वासिंगटन डीसी राज्यका कार्यकारी सचिव जोन जे सुलिभनले राष्ट्रपति ट्रम्प र अमेरिकी जनताको तर्फबाट बिहीबार एक विज्ञप्ति जारी गर्दै विश्वभर रहेका नेपालीलाई नयाँ वर्षको शुभकामना व्यक्त गरेका हुन् ।

‘शान्ति प्रक्रियाको चरणमा नेपालले हासिल गरेका उपलब्धिहरु सेलिब्रेट गर्ने अवसर नेपाली नयाँ वर्षले दिनु हाम्रा लागि खुसीको कुरा हो,’ विज्ञप्तिमा भनिएको छ, ‘नेपाली नयाँ वर्षले नेपालको समृद्धिसँगै सम्बन्धलाई थप गहिराइमा पुर्‍याउने विश्वास लिएका छौं ।’

प्रधानमन्त्री ओलीले राराबाट राष्ट्रको नाममा सम्बोधन गर्ने

kp-oli-1

काठमाडौं, चैत ३०ः प्रधानमन्त्री केपी शर्मा ओली शुक्रबार बागलुङ हुँदै कर्णाली जाँदै छन् । मुगुको रारामा भोलिदेखि सुरु हुने रारा पर्यटन वर्षको उद्घाटनका लागि उनी त्यसतर्फ लागेका हुन् ।

दिउँसो बागलुङको ढोरपाटन अवलोकन गरेपछि बेलुकी उनी डोल्पाको दुनै पुग्ने कार्यक्रम छ । कर्णाली प्रदेशले आयोजना गरेको रारा पर्यटन वर्षको प्रधानमन्त्री ओलीले भोलि उद्घाटन गर्नेछन् । त्यसअघि बिहान उनले राराबाटै राष्ट्रको नाममा सम्बोधन गर्ने कार्यक्रम तय भएको छ ।

प्रधानमन्त्री ओलीले कर्णालीमा एक बालिकालाई विद्यालय भर्ना गर्ने तयारी पनि गरेका छन् । देशबाट निरक्षरता उन्मूलनको लागि सबै जनप्रतिनिधिले जस्तै आफूले पनि एक बालिकालाई विद्यालय लगेर नाम लेखाउने प्रधानमन्त्रीले यसअघि नै घोषणा गरेका छन् ।

भर्ना अभियान प्रभावकारी बनाउन यसवर्ष प्रधानमन्त्री सहित मन्त्री, सांसद र प्रदेश तथा स्थानीय तहका जनप्रतिनिधिले बालबालिकालाई विद्यालय लगेर नाम लेखाउने कार्यक्रम तय भैसकेको छ ।

अबको बैठकले पार्टी एकता टुङ्ग्याउँछः अध्यक्ष दाहाल

prachanda

चितवन, चैत्र २९ः नेकपा माओवादी केन्द्रका अध्यक्ष पुष्पकमल दाहालले अबको बैठकले वैशाख ९ गते पार्टी एकता घोषणा हुने गरी टुंगो लगाउने बताएका छन् ।

भरतपुर महानगरपालिका वडा नं १४, पकौडीमा आज आयोजित शोकसभामा उनले आफू शुक्रबार काठमाडौँ फर्किएपछि दुई पार्टीका बीचमा हुने बैठकले पार्टी एकता घोषणाको अन्तिम रुप दिने दाबी गरे । उनले दुई कार्यदलले तयार गरेको प्रतिवेदनमा खासै असहमति नभएको बताए। विधानमा केही छलफल गरेपछि टुंगो लाग्ने भन्दै उनले भने, “पार्टी एकता टुङ्ग्याउने समयमा एक दुई वटा विषयमा गहन छलफल होस् भन्ने चाहना हुन्छ, त्यो हामी टुङ्ग्याउँछौँ ।”

मिडियाबाट आएका कतिपय समाचार भ्रामक रहेको भन्दै उनले पार्टी एकताको गतिमा कुनै अवरोध नरहेको प्रष्ट्याए । नेपाली जनताले वामपन्थीबाट गरेको अपेक्षा सम्बोधन गर्ने गरी काम गरिने उनले बताए। जनताको अहिलेको अपेक्षा विकास निर्माणमा तीव्रता र अशान्ति एवं अराजकताको अन्त्य भएको भन्दै उहाँले त्यसको पक्षमा आफूहरु रहेको उल्लेख गरे । छिट्टै नीति तथा कार्यक्रम र नयाँ बजेट सरकारले ल्याउने भन्दै उहाँले त्यसले विकास निर्माणमा नयाँ गति देओस् भनेर छलफल भइरहेको बताए।

चितवन क्षेत्र नं ३ बाट निर्वाचित सांसदसमेत रहनुभएका दाहालले तत्काल केही रकम पठाएर २६ वटा जिल्लाका सडक कालोपत्रे गर्ने तयारी भइरहेको पनि बताउनुभयो । त्यसलाई महानगरबाट सिफारिस भइसकेको दाहालले बताए । अध्यक्ष दाहालका आफ्नै सालो (सीता दाहालका भाइ) महाप्रसाद पौडेलको निधनको सातौँ दिनमा आज नेकपा (माओवादी केन्द्र) १४ नं वडा कमिटीले श्रद्धाञ्जलिसभाको आयोजना गरेको हो ।

नापी अधिकृत अख्तियारको फन्दामा

akhitar bhaban

काठमाडौँ, चैत्र २९ः अख्तियार दुरुपयोग अनुसन्धान आयोगले नापी कार्यालय उदयपुरका नापी अधिकृत श्यामबाबुप्रसाद साहले रु ५० हजार घुस लिएको अभियोगमा आज पक्राउ गरेको छ ।

आयोगका प्रवक्ता दीर्घराज मैनालीका अनुसार गाइघाटस्थित जग्गाको नक्सा सुधार गर्ने कार्यमा नापी अधिकृत साहले घुस मागेको आरोप लगाएको छ ।

आरोपी शाहलाई नापी कार्यालय उदयपुरको सरकारी निवासबाट पक्राउ गरिएको हो ।

आतंककारी गतिविधी प्रमुख सुरक्षा चुनौतीः प्रधानमन्त्री ओली

pm_oli_at_army_school_3_GhLu9PLvdl

काठमाडौं, चैत्र २९ः प्रधानमन्त्री केपी शर्मा ओलीले अहिलेको प्रमुख सुरक्षा चुनौती आतंककारी गतिविधी भएको बताएका छन् ।

भक्तपुरमा नेपाली सेनाको अधिकृत क्याडेट तालिम र पदिक÷हुद्या क्याडेट तालिमको आयुक्तलाई पदका प्रदान कार्यक्रमलाई सम्बोधन गर्दै प्रधानमन्त्री ओलीले आतंककारी गतिविधीले शान्ति सुरक्षा,अर्थतन्त्र र सामाजिक एकतामा प्रत्यक्ष आघात पार्ने पनि बताए ।

‘देशभित्र हिंसात्मक गतिविधीमा क्रियाशिल अतिवादी तत्वहरु,अन्तर्राष्ट्रिय आतंककारी गतिविधीको चुनौतीहरु साथै क्षेत्रीय र जातीय विद्वेषमा आधारित द्वन्द्वहरु अहिलेका वास्तविक खतरा हुन्’ प्रधानमन्त्री ओलीले भने ‘यस प्रकारका खतरा वरुद्ध हाम्रा सुरक्षा निकाय सदैव तयार हुनु पर्दछ ।’

प्रधानमन्त्री ओलीले २१ औं शताब्दीको अर्को महत्वपूर्ण चुनौती साइबर सुरक्षा भएको बताए । ‘यो प्रत्यक्ष हमला भन्दा पनि कारगार हुन्छ । राष्ट्रिय सुरक्षाका विविध आयामका बारेमा जानकार रही साइबर सुरक्षाको विश्वसनीय योजना सहित सुरक्षा निकायहरु बिच असरदार समन्वय बनाउन जरुरी छ’ प्रम ओलीको भनाई थियो ।

1 2 3 4 1,242