Author Archives: डिजिटल दैनिक

समानुपातिक गणना आज सकिने, ५ दल मात्रै ‘राष्ट्रिय’ पार्टी

20171208013824_mataganana
FacebookTwitterGoogle+PrintEmailShare

काठमाडौं, मंसिर २९ः प्रदेश र प्रतिनिधिसभा सदस्यको निर्वाचनको समानुपातिकतर्फको मतगणना आजै सकिने निर्वाचन आयोगले जनाएको छ ।

जारी मतगणनाको अन्तिम अन्तिम अवस्थासम्म आइपुग्दा केन्द्रीय संसदमा मात्र ५ दलले मात्रै राष्ट्रिय दलको मान्यता प्राप्त गर्ने संकेत देखिएको छ । संविधानमा राष्ट्रिय दलको हैसियत प्राप्त गर्न प्रत्यक्षमा एक सिट र समानुपातिकतर्फ ३ प्रतिशत मत प्राप्त गर्नुपर्ने प्रावधान तोकिएको छ। प्रतिनिधिसभा सदस्य निर्वाचनमा प्रत्यक्षतर्फ सबैभन्दा ठूलो दल बनेको एमालेले समानुपातिकतर्फ समेत सबैभन्दा धेरै मत ल्याएको छ ।‍

शुक्रबार बिहान ८ बजेसम्मको परिणाममा ८६ लाख ८३ हजार ३४६ मत गणना भएको छ । गणनाअनुसार एमाले, कांग्रेस र माओवादी केन्द्रबाहेक संघीय समाजवादी फोरम नेपाल र राष्ट्रिय जनता पार्टी नेपालले मात्रै समानुपातिकमा ३ प्रतिशत बढी मत ल्याउने देखिन्छ। समानुपातिकतर्फ कुल सदर मतको कम्तीमा ३ प्रतिशत ल्याउनेले मात्रै समानुपातिक निर्वाचन प्रणालीबाट प्रतिनिधिसभामा प्रतिनिधित्व गर्न पाउने संवैधानिक प्रावधान छ।20171208013824_mataganana

राजनीतिक दलसँग सम्बन्धित ऐनले प्रत्यक्षतर्फ न्यूनतम एक सिट जितेको र समानुपातिकमा ३ प्रतिशत मत ल्याएको राजनीतिक दलले मात्रै संसद्मा राष्ट्रिय दलको मान्यता पाउने व्यवस्था गरेको छ । समानुपातिकतर्फ गणनामा अहिलेसम्म एमालेले २९४०९१३ अर्थात ३३.८७ प्रतिशत मत पाएको छ।

कांग्रेसले २८५८४९३ अर्थात ३२.९२ प्रतिशत मत पाएको छ। माओवादीले ११८३७०२ अर्थात१३.६३ प्रतिशत मत ल्याएका छन्। यस्तै, फोरमले ४१६५३३ अर्थात ४.८० प्रतिशत मत ल्याउँदा राजपाले ३७९२७८ अर्थात ४.३७ मत ल्याएको छ। ३ प्रतिशत बढी मतको मात्रै कुल योगफल निकाली समानुपातिकको १ सय १० सिट बाँडफाँट हुनेछ।

समानुपातिकमा ३ प्रतिशत नकटाउने दलले एउटा पनि सिट पाउनेछैनन्। प्रत्यक्षमा एक सिट जितेका नयाँ शक्ति पार्टी, मजदुर किसान पार्टी र राष्ट्रिय जनमोर्चाले समानुपातिकमा पाएको मत १ प्रतिशतभन्दा तल देखिएकाले र अब गणना पनि धेरै बाँकी नरहेकाले ती दल राष्ट्रिय पार्टीको सूचीमा अटाउने छैनन्।

प्रधानमन्त्री देउवाले भने, ‘सत्ता हस्तान्तरण गर्न आतुर छु’

Nepali Congress President Sher Bahadur Deuba

काठमाडौं, मंसिर २९ः प्रधानमन्त्री शेरबहादुर देउवाले राष्ट्रियसभा गठनसम्बन्धी अध्यादेश तत्काल स्वीकृत गरिदिन राष्ट्रपति विद्यादेवी भण्डारीलाई आग्रह गरेका छन् ।

राष्ट्रपतिलाई भेट्न बिहीबार शीतल निवास पुगेका देउवाले राष्ट्रियसभा गठनसम्बन्धी अध्यादेश स्वीकृत नहुँदा सत्ता हस्तान्तरणमा समेत अन्योल भइरहेको भन्दै स्वीकृत गरिदिन आग्रह गरेका हुन् । राष्ट्रियसभा गठन नभएसम्म निर्वाचनले पूर्णता नपाउने संवैधानिक व्यवस्था रहेको जिकिर देउवाले राष्ट्रपतिसँग गरेको उनका प्रेस संयोजक गोविन्द परियारले जानकारी दिए ।

‘राष्ट्रियसभा गठन नभएसम्म निर्वाचन प्रक्रियाले पूर्णता पाउँदैन,’ प्रधानमन्त्रीलाई उद्धृत गर्दै उनका प्रेस संयोजक गोविन्द परियारले भने, ‘राष्ट्रियसभा गठन नभईकन सत्ता हस्तान्तरण कठिन भयो, अध्यादेश स्वीकृत गरेर बाटो खोलिदिनुस् । छिट्टो सत्ता हस्तान्तरणका लागि म आतुर छु ।’

राष्ट्रपति भण्डारीले राष्ट्रियसभा गठनसम्बन्धी अध्यादेशमा दलीय सहमति नजुट्दा स्वीकृत गर्न कठिन भएको जानकारी प्रधानमन्त्रीलाई गराउँदै छिट्टै निष्कर्षमा पुग्ने आश्वासन दिएकी छिन् । राष्ट्रपति भण्डारीले राष्ट्रियसभा गठनसम्बन्धी अध्यादेश स्वीकृत गर्दा वा नगर्दा सरकार गठनदेखि अन्य प्रक्रिया अघि बढाउन आइपर्ने बाधाका विषयमा विभिन्न पक्षसँग छलफल जारी राखेकी छिन् ।

संविधानको धारा ८४ (८) र धारा ५५ अनुसार राष्ट्रियसभा गठन नभएसम्म नयाँ सरकार गठनको बाटो नखुल्ने र प्रतिनिधिसभातर्फ समानुपातिक सांसद छनोटमा पनि समस्या हुने संवैधानिक व्यवस्था छ ।

अब खाडी मुलुकमा गएर युवाले पसिना बगाउनु पर्दैन् : ओली

kp oli

भक्तपुर, मंसिर २८ः नेकपा एमालेका अध्यक्ष केपी शर्मा ओलीले अब बन्ने सरकारले स्वदेशमै राम्रो पारिश्रमिक सहितको रोजगारीको व्यवस्था गर्न प्राथमिकताका साथ लाग्ने बताएका छन् ।

बिहीबार आफ्नै निवास बालकोटमा उहाँले नेपाल उद्योग वाणिज्य महासंघका पूर्व अध्यक्षको नेतृत्वमा आएको टोलीको ज्ञापन पत्र बुझ्दै स्वदेशमै रोजगारीको व्यवस्था गर्न सके खाडी मुलुकमा गएर युवाले पसिना बगाउनु नपर्ने बताएका हुन् ।

अध्यक्ष ओलीले ०४६ सालको परिवर्तनपछि देशमा निजीकरणका नाममा भ्रष्टिकरण बढेको चर्चा गर्दै उनले भने, ‘निजीकरण र उदारीकरणका नाममा देशमा भएका ३८ वटा उद्योगहरु कांग्रेसको पालामा बेचिए, जसले गर्दा स्वेदशमा भएको रोजगारी समेत गुमेर अहिले लाखौं युवा खाडीमा पसिना बगाइरहेका छन् ।’

अध्यक्ष ओलीले निजी क्षेत्रले विकास र समृद्धिका लागि उत्प्रेरकको भूमिका निर्वाह गर्ने र सरकारले त्यसलाई सहज हुने गरी नीति बनाएर सहकार्य गर्ने बताए ।

प्रदेश नं २ मा किन कमजोर भए ठूला दल

pradesh_iIbY2BDWWS

काठमाडौँ, मंसिर २८ः प्रतिनिधिसभा तथा प्रदेशसभा सदस्य निर्वाचनमा वाम गठबन्धनले देशव्यापीरुपमा दुई तिहाइ स्थानमा विजयी हासिल गरे पनि प्रदेश नं २ मा भने सोचेजस्तो नजिता निकाल्न सकेन ।

वाम गठबन्धन जस्तै नेपाली काँग्रेसको अवस्था पनि उक्त प्रदेशमा राम्रो रहेन । तर मधेश केन्द्रित दलले गतिलै पुनरागमन गरे । कूल ३२ प्रतिनिधिसभा र ६४ प्रदेशसभा सदस्यका लागि भएको निर्वाचनमा उक्त प्रदेशमा प्र्रतिनिधिसभा सदस्यमा संघीय समाजवादी फोरमले नौ र राष्ट्रिय जनता पार्टीले १० स्थानमा विजयी भए । वाम गठबन्धनमा आबद्ध नेकपा एमाले दुई र नेकपा माओवादी केन्द्र पाँच तथा काँग्रेसलाई छ स्थानमा मात्रै चित्त बुझाउनुप¥यो ।

समग्र मुलुकको मत परिणामलाई हेर्दा प्रदेश नं २ मा मधेश केन्द्रित दलले प्राप्त गरेको नजिता र काँग्रेसले देशभर नै प्राप्त गरेको सिट करिब करिब समान हैसियतमा देखिएको छ । काँग्रेसले देशव्यापीरुपमा २३ स्थानमा चित्त बुझाउँदा मधेश केन्द्रित दुई दलले यो प्रदेशमा मात्र १९ स्थानमा जित निकाले ।pradesh_iIbY2BDWWS

देशव्यापीरुपमा यी दुई दलले २१ स्थानमा विजयी हासिल गरेको छ । यसैगरी कूल ६४ प्रदेशसभा सदस्यमध्ये वाम गठबन्धनले २० स्थानमा जित हासिल गरेको छ । एमालेले १४ र माओवादी केन्द्रले छ स्थानमा मात्रै विजयी हुन सक्यो । त्यस्तै काँग्रेस आठ, संघीय समाजवादी फोरम नेपाल २०, राजपा नेपाल १५ र स्वतन्त्र उम्मेदवार एक स्थानमा विजयी भएका छन् । समानुपातिकको मत परिणाम आउन बाँकी नै छ ।

संघीय फोरम र राजपाले पाएको मतअनुसार कम्तीमा १०÷१० वटा सिट समानुपातिकमा पनि पाउने सम्भावना छ । त्यसलाई जोड्दा फोरम नेपालले ३० सिट र राजपा नेपालको २५ सिट हुनेछ । वाम गठबन्धनका दुईवटै दलको जोडेर पनि फोरम नेपाल जतिको हुँदैन । वाम गठबन्धन र काँग्रेस मिले पनि दुई नं प्रदेशमा सरकार बन्ने सम्भावना रहेको छैन । प्रदेश नं २ मा मधेश केन्द्रित दलले प्राप्त गरेको मत परिणामलाई लिएर राजनीतिकरुपमा विभिन्न खालका टीकाटिप्पणी भइरहेको छ ।

राजनीतिक विश्लेषक तुलानारायण साह अहिले मुलुकभर आएको मत परिणाम संविधान संशोधन र अनुमोदन गर्नेबीचको स्वभाविक परिणाम भएको बताए । तुलनात्मकरुपमा माओवादी केन्द्रलाई केही विश्वास गरेको उल्लेख गर्दै विश्लेषक साहले काँग्रेस यता न उता भएकाले हालको परिणाम व्यहोरेको टिप्पणी गरे । काँग्रेस नेतृत्वको सरकारले संविधान संशोधनको प्रक्रिया अगाडि बढाए पनि मधेशीले नपत्याएको अर्थमा परिणाम देखिएको छ । काँग्रेस सांगठनिकरुपमा कमजोर, मधेशी र वामपन्थी गठबन्धनको मारमा परेकाले मधेशमा ऊ कमजोर देखिएको उनको भनाइ छ ।

प्रदेश नं २ मा मधेश केन्द्रित दलले पाएको मत केन्द्रीय सरकारसँग सहकार्य गरेर अघि बढ, संविधान संशोधनका लागि वाम गठबन्धनसँग लचिलो भएर प्रस्तुत हुनुपर्छ भन्ने सन्देश परिणामले दिएको टिप्पणी गर्नेहरु पनि छन् । पूर्वसांसद तथा प्राध्यापक लालबाबु यादवका अनुसार राष्ट्रिय पार्टी मधेशी विरोधी छन् भन्ने भ्रमलाई ठूला दल काँग्रेस र एमालेले स्पष्टसँग राख्न नसक्दा कमजोर भएको बताए । खासगरी एमाले र माओवादी केन्द्रले प्रदेश नं २ का जनतासँग आफ्ना कुरा प्रष्टसँग राख्न नसक्दा पनि मत परिणाम अपेक्षित नआएको उहाँको भनाइ छ ।

संघीय फोरमका अध्यक्ष उपेन्द्र यादव र राजपाका अध्यक्ष मण्डलका सदस्य राजेन्द्र महतोको परिणामपछि वाम गठबन्धनसँग सहकार्य गर्ने भन्ने चर्चा सकारात्मक भएको उल्लेख गरे । प्रदेश नं २ मा माओवादी केन्द्रका रामचन्द्र झा, उमेश यादव र अजयशंकर नायकजस्ता स्थापित हस्तीसमेत पराजित हुनुपरेको छ । एमालेका डा वंशीधर मिश्र, काँग्रेस नेता रामकृष्ण यादव, नेत्री किरण यादवसमेत पराजित हुनुप¥यो । सबै तथ्यका आधारमा विश्लेषण गरेर कमजोरी सच्याउनुपर्ने वाम गठबन्धनको भनाइ छ ।

बाम गठबन्धनलाई बधाई दिन भारतले किन गर्यो कन्जुस्याइँ ?

india

काठमाडौँ, मंसिर २८ः भारत सरकारले नेपालमा हालै सम्पन्न प्रदेश र प्रतिनिधि सभा निर्वाचनको स्वागत गरेको छ । भारतले निर्वाचनको स्वागत गर्दै नेपाली जनता र सरकारलाई बधाई दिएको छ ।

यद्यपि, चुनावमा विजयी बनेको बाम गठबन्धनलाई भने बधाई दिन भने कन्जुस्याइँ गरेको छ ।

साप्ताहिक प्रेस ब्रिफिङका क्रममा विदेश मन्त्रालयका प्रवक्ता रविश कुमारले नेपालमा सम्पन्न संसदीय निर्वाचन र पहिलो प्रदेशसभा निर्वाचनलाई भारतले स्वागत गरेको बताएका हुन् ।

यसरी सरकार र जनतालाई बधाई दिँदा उनले बाम गठबन्धनलाई बधाई भने दिएनन् ।

समानुपातिकमा कसको मत कति, कुन कुन दलले कटाए थ्रेसहोल्ड

24898961_1689472861116962_768754805_n

काठमाडौं, मंसिर २८ः प्रतिनिधि सभा निर्वाचनको समानुपातिकतर्फ नेकपा एमालेको अग्रता कायमै छ । एमालेले अहिलेसम्म २५ लाख ६६ हजार ४७ मत प्राप्त गरेको छ ।

दोस्रो स्थानमा रहेको नेपाली काँग्रेसले २४ लाख ८० हजार ४२२ मत ल्याएको छ । तेस्रो स्थानको नेकपा माओवादी केन्द्रले १० लाख १६ हजार ३२ मत ल्याउँदा चौथो स्थानमा रहेको संघीय समाजवादी फोरम नेपालले ३ लाख ४५ हजार ३३७ मत ल्याएको छ । पाँचौं स्थानमा रहेको राष्ट्रिय जनता पार्टी राजपाले २ लाख ८७ हजार ६६३ मत ल्याएको छ ।

छैटौं स्थानमा रहेको राप्रपाले १ लाख ६८ हजार ६७७ मत ल्याएको छ । सातौं स्थानमा रहेको विवेकशील साझा पार्टीले १ लाख ६८ हजार ३०९ मत ल्याएको छ । नयाँ शक्ति पार्टीले ६७ हजार ६८० मत, राप्रपा प्रजातान्त्रिकले ६२ हजार ३४७ मत तथा राष्ट्रिय जनमोर्चाले ४० हजार ५९३ मत ल्याएको छ ।

सामान्यतयाः खसेको तीन प्रतिशत मत ल्याउनु पर्ने भएकाले एक करोडको औसत निकाल्दा तीन लाख मत ल्याउनेले थ्रेसहोल्ड कटाउँछन् ।

जसमा अहिलेसम्म एमाले, काँग्रेस, माओवादी र संघीय फोरमले थ्रेसहोल्ड कटाए । राजपाले थ्रेसहोल्ड कटाउन केही हजार मत मात्र ल्याउन बाँकी छ ।

कसरी बन्छ प्रदेशसभाः यसरी गठन हुन्छ कार्यपालिका

Capture

काठमाडौं, मंसिर २८ः संविधानमै व्यवस्था गरिएको तीन तहको शासकीय स्वरुपको संरचनाअनुसार नेपालमा पहिलोपटक प्रदेशसभा गठन हुँदैछ ।

प्रतिनिधिसभा र प्रदेशसभा निर्वाचनलगत्तै दुवैतर्फका प्रतिनिधि चुनिने क्रम अन्तिम चरणमा पुगिसकेको छ । संविधानअनुसार प्रदेश संसद् एक सदनात्मक हुनेछ, जसलाई प्रदेशसभा भनिन्छ ।

संविधानको धारा १७६ अनुसार सम्बन्धित प्रदेशबाट प्रतिनिधिसभामा प्रत्यक्ष निर्वाचन प्रणाली बमोजिम निर्वाचित हुने सदस्य संख्याको दोब्बर (३३० जना) र सोबमोजिम कायम हुने सदस्य संख्यालाई साठी प्रतिशत मानी बाँकी ४० प्रतिशत (२२० जना) समानुपातिक प्रणालीबाट निर्वाचित गरी प्रदेशसभामा जम्मा ५५० जना सदस्य हुनेछन्।

प्रदेश १ मा प्रत्यक्षबाट ५६ र समानुपातिकबाट ३७ गरी ९३ जना, प्रदेश २ मा प्रत्यक्षबाट ६४ र समानुपातिकबाट ४३ गरी १०७ जना, प्रदेश ३ मा प्रत्यक्षबाट ६६ र समानुपातिकबाट ४४ गरी ११० जना तथा प्रदेश ४ मा प्रत्यक्षबाट ३६ जना र समानुपातिकतर्फ २४ जना गरी ६० जना रहने छन् । यसैगरी प्रदेश ५ मा प्रत्यक्षतर्फ ५२ र समानुपातिकतर्फ ३५ गरी ८७ जना, प्रदेश ६ मा प्रत्यक्षतर्फ २४ र समानुपातिकतर्फ १६ गरी ४० जना र प्रदेश ७ मा प्रत्यक्षतर्फ ३२ र समानुपातिकतर्फ २१ गरी ५३ जना सांसद रहने छन् ।यो खबर आजको अन्नपुर्ण पोष्टमा छ ।

यसरी गठन हुन्छ कार्यपालिका
नेपालको संविधानको धारा १६३ अनुसार प्रदेशको कार्यकारिणी अधिकार संविधान र प्रदेश कानुनबमोजिम प्रदेश मन्त्रिपरिषद्मा निहीत हुनेछ । प्रदेशसभाको निर्वाचनको अन्तिम परिणाम घोषणा भएको मितिले ३० दिनभित्र प्रदेश प्रमुखले बहुमत प्राप्त संसदीय दलको नेतालाई मुख्यमन्त्री नियुक्त गर्नेछ । निजको अध्यक्षतामा प्रदेश मन्त्रिपरिषद् गठन हुनेछ ।

हाल सरकारले प्रदेशका लागि सातवटा मन्त्रालय राख्न प्रस्ताव गरेको छ तर संविधानको धारा १६८ को उपधारा ९ बमोजिम प्रदेश प्रमुखले मुख्यमन्त्रीको सिफारिसमा प्रदेशसभाका कुल सदस्य संख्याको बीस प्रतिशतभन्दा बढी नहुने गरी प्रदेश मन्त्रिपरिषद् गठन गर्नसक्ने व्यवस्था छ।

मुख्यमन्त्रीमा हानथाप, यस्ता छन् दाबेदार

proportional_nepal_110_map2

काठमाडौं, मंसिर २८ः प्रदेश नम्बर ३ को प्रदेशसभामा बावम गठबन्धनको दुईतिाई बढी स्थानमा जितसंगै प्रदेशको पहिलो मुख्यमन्त्री को हुन्छ भन्ने विषयमा चर्चा सुरु भएको छ ।

यो पद्य्रेशमा प्रत्यक्षतर्फ ६६ सिटमध्ये वाम गठबन्धनले ५७ जितेको छ । जसमा एमालेले ४२ र माओवादी केन्द्रको १५ सिट छ । प्रदेशसभामा कांगे्रसले ७, नेमकिपाले १ र नयाँ शक्ति पार्टीले एक सिट जितेको छ । यो प्रदेशसभा समानुपातिकसहित ११० सदस्यीय हुनेछ ।

समानुपातिकतर्फ मतगणना जारी छ । त्यस्तै प्रदेश नम्बर ७ मा वाम गठबन्धनको सरकार बन्ने निश्चित भएको छ । प्रदेश सरकार बन्ने निश्चित भएसंगै को मुख्यमन्त्री बन्ला भन्ने कौतुहल बढको छ ।

यो प्रदेशमा एमालेका शीर्ष नेता भीम रावल हुन् । उनी पार्टी उपाध्यक्षसंगै प्रदेश ७ को संयोजक हुन् ।

यसैगरी वाम गठबन्धनको अर्को घटक माओवादी केन्द्रका लेखराज भट्ट यो प्रदेशका शीर्ष नेता मानिन्छन् ।, यो खबर आजको नागरिकमा छ ।

फोरम र राजपाबीच पार्टी एकताको गृहकार्य सुरू

madeshi-morcha_iANvzqVL4E

काठमाडौं, मंसिर २८ः प्रदेशसभा सदस्य निर्वाचन प्रत्यक्षतर्फ प्रदेश नम्बर २ मा बहुमत सिटमा विजय हासिल गरेसँगै मधेस गठबन्धनमा आबद्ध संघीय समाजवादी फोरम नेपाल र राष्ट्रिय जनता पार्टी (राजपा) प्रदेश सरकार निर्माणसँगै पार्टी एकताको तयारीमा जुटेका छन्।

यो खबर हामीले आजको नागरिक दैनिकबाट लिएका हौ। स्थानीय तह निर्वाचनमा प्रदेश २ मा पाएको मतले हौसिएका फोरम र राजपा प्रतिनिधिसभा तथा प्रदेशसभा निर्वाचनमा गठबन्धन बनाएर मैदानमा उत्रिएका थिए। यो गठबन्धनलाई प्रदेशसभामा प्रत्यक्षतर्फ प्रस्ट बहुमत प्राप्त भएको छ।

प्रत्यक्षतर्फ ६४ सिट रहेको यस प्रदेशमा मधेसी गठबन्धनले ३५ सिट जितेको छ। समानुपातिक निर्वाचनको परिणाम भने आइसकेको छैन। प्रदेश २ को प्रदेशसभा प्रत्यक्षतर्फ ६४ र समानुपातिकतर्फ ४३ गरी १०७ सदस्यीय हुन्छ। यो प्रदेशमा सरकार निर्माण गर्ने विषयमा फोरम र राजपाबीच छलफल सुरु भइसकेको छ।

यी दुवै दलमध्ये बढी सिट जितेकालाई मुख्यमन्त्री लिने लगभग सहमति भइसकेको राजपाका एक नेताले बताए। दुवै दलबीच प्रादेशिक सरकार गठन र पार्टी एकताका लागि औपचारिक संवाद सुरु भएको छ। ‘पार्टी एकताका लागि घनिभूत छलफल जरुरी छ,’ राजपा अध्यक्षमण्डल सदस्य राजकिशोर यादवले भने, ‘अहिले हामी सबै मतदातालाई धन्यवाद दिन घरदैलौमा व्यस्त छौ।’

दुईतीन दिनभित्रै अध्यक्षमण्डलका सबै सदसयसहित फोरम अध्यक्ष उपेन्द्र यादवलगायत पदाधिकारीसँग बसेर पार्टी एकताका लागि छलफल अघि बढाउने तयारी भएको उनले बताए।

नयाँ सरकारका मन्त्रालय कस्ता ?

Pm-office-5

काठमाडौं, मंसिर २८ः प्रधानमन्त्री शेरबहादुर देउवाले मन्त्रालय मर्ज गर्ने जिम्मेवारी नयाँ सरकारलाई छाड्ने भएका छन्।

मन्त्रालय एक–अर्कामा मर्ज गर्ने विषय नयाँ सरकार गठनपछि कार्यान्वयन हुने भएकाले त्यसबारे कुनै निर्णय नहुने प्रधानमन्त्रीका प्रेस संयोजक गोविन्द परियारले बताए। सरकारले अत्यावश्यकबाहेक अन्य निर्णय गर्न नचाहेको उनले बताए।

यो खबर हामीले आजको नयाँ पत्रिकाबाट लिएका हौ। ‘संविधानले नयाँ बन्ने मन्त्रिपरिषद् बढीमा २५ सदस्यीय हुने व्यवस्था गरेको छ, अहिले रहेका मन्त्रालयमध्ये कुन कहाँ गाभ्ने र जम्मा कति मन्त्रालय राख्ने नयाँ सरकारको विषय हो,’ परियारले भने। अहिले ३० मन्त्रालय छन् भने ६४ सदस्यीय मन्त्रिपरिषद् छ।

प्रधानमन्त्री तथा मन्त्रिपरिषद्का कार्यालयका केही उच्च सरकारी अधिकारीले भने सामान्य प्रशासन मन्त्रालयले तयार पारेको प्रस्तावको आधारमा अहिलेकै सरकारले नयाँ मन्त्रालयको संख्या र संरचना घोषणा गर्न सक्ने बताएका छन्।

यी हुन् प्रस्तावित मन्त्रालय
प्रधानमन्त्री तथा मन्त्रिपरिषद्को कार्यालय
अर्थ तथा योजना मन्त्रालय
रक्षा मन्त्रालय
जलस्रोत तथा ऊर्जा मन्त्रालय
उद्योग, वाणिज्य, आपूर्ति तथा श्रम मन्त्रालय
कानुन, न्याय तथा संसदीय मामिला मन्त्रालय
कृषि सहकारी तथा भूमि व्यवस्था मन्त्रालय
गृह मन्त्रालय
परराष्ट्र मन्त्रालय
वन, विज्ञान तथा वातावरण मन्त्रालय
भौतिक पूर्वाधार तथा यातायात मन्त्रालय
महिला, सामाजिक न्याय तथा संघीय मामिला
शिक्षा तथा सञ्चार मन्त्रालय
पर्यटन, नागरिक उड्डयन तथा खेलकुद
स्वास्थ्य तथा जनसंख्या मन्त्रालय
१५ मन्त्रालयको प्रस्ताव

तत्कालीन सामान्य प्रशासनमन्त्री टेकबहादुर बस्नेत नेतृत्वको अधिकारसम्पन्न संघीय प्रशासनिक पुनर्संरचना समितिले केन्द्रीय सरकारमा १५ मन्त्रालय राख्ने प्रस्ताव गरी मन्त्रिपरिषद्मा पठाएको थियो। उक्त प्रस्ताव अहिले पनि मन्त्रिपरिषद्को प्रशासन समितिमा विचाराधीन रहेको स्रोतले जनाएको छ। मन्त्रिपरिषद्ले उक्त प्रस्तावमाथि थप अध्ययन गर्न उपप्रधानमन्त्री कमल थापा संयोजकत्वको ‘मन्त्रिपरिषद् प्रशासन समिति’लाई जिम्मा दिएको थियो। समितिका सदस्यहरूले उक्त प्रस्तावमाथि अहिलेसम्म कुनै छलफल नभएको बताएका छन्।

प्रदेश प्रमुख र अस्थायी मुकाम तोक्ने सरकारको तयारी
प्रधानमन्त्रीका प्रेस संयोजक गोविन्द परियारले प्रदेशको अस्थायी मुकाम र प्रदेश प्रमुख भने अहिलेकै सरकारले नियुक्त गर्ने बताए। अब बस्ने मन्त्रिपरिषद् बैठकले अस्थायी मुकाम र त्यसपछि थप तयारी गरी प्रदेश प्रमुख नियुक्त गर्ने उनले बताए। एमालेले प्रदेश प्रमुख नियुक्त नगर्न दबाब दिइरहेका वेला सरकारले भने प्रदेश प्रमुख तोक्न गृहकार्य गरिरहेको छ।

‘प्रदेश प्रमुख नहुँदा प्रदेश सभाका जनप्रतिनिधिले शपथसमेत खान नसक्ने भएकाले राजनीतिक पृष्ठभूमि नभएका व्यक्तित्वलाई प्रदेश प्रमुखका रूपमा तोकिनेछन्,’ संयोजक परियारले भने। उनले प्रदेश प्रमुखका लागि विभिन्न व्यक्तित्वबारे छलफल चलिरहेको बताए। उनका अनुसार प्राध्यापक, पूर्वप्रशासक र प्रतिष्ठित समाजसेवीलाई प्रदेश प्रमुखका रूपमा नियुक्त गर्नेबारे गृहकार्य भइरहेको छ।

1 2 3 4 5 1,149