Author Archives: डिजिटल दैनिक

कालिमाटिमा अनुगमनमा गएका कर्मचारी ४ घण्टा व्यवशायिहरुको ‘हिरासत’मा

kalimati
FacebookTwitterGoogle+PrintEmailShare

tarkariकाठमाडौं, भदौ ४ : कालिमाटि तरकारी बजारको अनुगमन गर्न गभएका सरकारी अनुगमन टोली ४ घन्टा थुनिएको छ। कालिमाटी तरकारी बजारका व्यवसायीहरु एकजुट भइ टोलीलाई घेरा हालेका थिए।

व्यवसायीहरुले घेरा हालेपछि टोली ४ घन्टासम्म कालिमाटी तरकारी बजार विकास समितिको हलमा ढोका लगाएर बस्न बाध्य भयो। उद्योग, वाणिज्य, आपूर्ति तथा उपभोक्ता संरक्षण विभागको अनुगमन टोली ३ बजे नै कालिमाटी बजारमा पुगेको सदस्य माधव तिमल्सिनाले जानकारी दिए।

कालिमाटीमा आउने तरकारीका ट्रकको समेत अनुगमन गर्नेगरी टोली त्यहाँ पुगेको थियो। तरकारी बोकेका २ वटा ट्रकमा कुनै बिलबिजक नभेटिएपछि अनुगमन टोलीले नियन्त्रणमा लिने प्रयास गरेको थियो। लगत्तै व्यापारी तथा बिचौलियाहरुले होहल्ला गरेपछि अनुगमन प्रभावित हुन पुग्यो।

‘धादिङ, मकवानपुर लगायतका जिल्लामा ३०र३५ रुपैयाँमा पाउने तरकारी यहाँ १ सय रुपैयाँभन्दा बढी तिर्नुपरेको गुनासो आएपछि हामी अनुगमनमा निस्किएका थियौँ’ तिमल्सिनाले भने ‘अनुगमन थाल्दै गर्दा होहल्ला गरी व्यपारी तथा बिचौलियाले अभद्र व्यवहार गरे।’

व्यापारीको अभद्र व्यवहारपछि टोली समितिको हलमा ढोका लगाएर बसेको उनले जानकारी दिए। प्रहरीको सहयोगमा करिब ४ घण्टापछि मात्रै टोली बाहिर आएको हो।

अनुगमन टोलीप्रति भएको अभद्र व्यवहारपछि उद्योग वाणिज्य तथा आपूर्तिमन्त्री मातृका यादव, मन्त्रालयका सचिव, विभागका महानिर्देशक लगायतको टोली कालिमाटीमा पुगेको थियो।

मन्त्रीसहितको टोली पुगेपछि प्रहरीले कालिमाटी तरकारी व्यवसायी संघका अध्यक्ष भरत ढुंगाना तथा बिमल ढुंगाना लगायत सदस्यलाई पक्राउ गरेको छ।

फेसबुकमा कर लगाउने सरकारको तयारी

facebook

facebookकाठमाडौं, भदौ ४ : संसदको विकास समितिले फेसबुक, ट्वीटर लगायतका सामाजिक सञ्जालमा हुने विज्ञापनलाई करको दायरामा ल्याउन निर्देशन दिएको छ ।

समितिको सोमबार बसेको बैठकले समाजिक सञ्जालमा विज्ञापन वापत ठूलो रकम बाहिरिएको भन्दै नियमन गर्न सञ्चार र अर्थमन्त्रालयलाई निर्देशन दिएको हो ।
बैठकले फोरजी कभरेज विस्तार, टेलिकममा सुधार, अब्टिकल फाइवरको सञ्जाल विस्तारमा देखा परेका समस्या लगायतका लागि भइरहेको कामको विवरण १५ दिन भित्र समितिलाई उपलब्ध गराउन सञ्चार मन्त्रायललाई भनेको छ ।
यसअघि सरकारले फेसबुक लगायतका सामाजिक संजालमा कर लगाउने तयारी गरेको थियो ।

सिमामा तारबार लगाउने प्रतिवेदन स्विकार गरे फेरि नाकाबन्दी : मधेसी सांसद

kk

kkविरगंज, भदौ ४ : संघीय समाजवादी फोरम नेपालका सांसद प्रदीप यादवले नेपाल–भारत प्रवुद्ध समूहको प्रतिवेदनमा सीमामा तारबार गर्ने प्रस्ताव आएको भन्दै त्यसप्रति आपत्ती जनाएका छन् ।

नेपाल भारतबीच सदियौंदेखि रहदै आएको रोटी बेटीको सम्बन्धलाई असर पार्ने गरी प्रतिवेदन आउन लागेको भन्दै उनले आपत्ती जनाएका हुन् ।

नेपाल भारत मैत्री चिकित्सा शिविर कार्यक्रम अन्र्तगत वीरगञ्जमा सोमबार आयोजित निःशुल्क मधुमेह स्वास्थ्य परीक्षण शिविरको उद्घाटन गर्दै सांसद यादवले सदियौंदेखिको रोटी बेटीको सम्बन्ध विगार्ने षडयन्त्र भइरहेको बताए ।

‘भेषबहादुर थापाको नेतृत्वमा रहेको समूहले नेपाल भारतको सीमा क्षेत्रमा तारबार लगाउने र पासपोर्ट बनाएर आवतजावत गर्न दिनुपर्ने भन्ने प्रस्ताव गरेको कुरा आएको छ’ उनले भने ‘नेपाल भारतबीच सीतारामको समयदेखि रोटीबेटीको सम्बन्ध रहँदै आएको छ । अयोध्याबाट आज पनि जन्ती आउँछ । यसलाई बन्द गर्न खोजिएको छ । नेपाल भारतको सम्बन्ध बिग्रियोस भन्ने चाहिएको छ, यो षडयन्त्रको पर्दाफास गर्नुपर्छ ।’

सीमाको रक्षा मधेसी जनताले नै गरिरहेको बताउँदै मधेसी जनतालाई नै आघात पार्ने काम गर्न नहुने उनको भनाइ छ । ‘अहिले पनि कतिपयको ससुराली, मामाघर उता छ, यताका छोरी चेली उता विवाह गरेर गएका छन् । यहाँ तारबार र पासपोर्ट लगाउँदा यो सबै बन्द हुन्छ’ सांसद यादवले भने ‘यो सम्बन्धलाई बन्द गर्न खोजिएको छ । यो कदापी हुन दिदैनौं ।’

उनले संसदमा आवाज उठाउने मात्रै नभएर आवश्यक परेको खण्डमा नाकाबन्दी समेत गर्न सक्ने चेतावनी दिए ।

कार्यक्रममा प्रदेश सभासद राजेश्वरप्रसाद साह तेली, वीरगञ्ज नागर प्रमुख विजयकुमार सरावगी लगायतले पछिल्लो समयमा मधुमेह महामारी जस्तै फैलिएको भन्दै चिन्ता व्यक्त गरेका थिए ।

गान्धी ग्लोबल फेमिली नेपाल, नेपाल भारत मानव विकास एवं मैत्री संघ, नेपाल भारत मैत्री जनजागरण अभियानले वीरगञ्जको आशाराम हस्पिटलसँगको सहकार्यमा एकदिने शिविरको आयोजना गरेको हो ।

शिविरमा मधुमेह भएको नभएको पत्ता लगाउन रगत परीक्षण गर्नुको साथै मधुमेहको संक्रमण भेटिएका विरामीहरुलाई ६ महिना सम्मको औषधी निशुल्क वितरण गर्ने अस्पतालका निर्देशक डा। निभा दासले जानकारी दिइन् ।

भारत सरकारको सहयोगमा यसअघि देशका ११ जिल्लामा शिविर सञ्चालन गरेर ३० हजार जनाको स्वास्थ्य परीक्षण गर्नुको साथै १० हजार भन्दा बढी विरामीलाई ६ महिनाको औषधी निःशुल्क वितरण गरिसकिएको अयोजक संस्थाका अध्यक्ष सूर्य भुसालले जानकारी दिए ।

केरुङ–काठमाडौं रेलमार्गको लागत पौने तीन खर्ब, समय नौ बर्ष लाग्ने

rail

railकाठमाडौं, भदौ ३ : केरुङ–काठमाडौं रेलमार्गअन्तरगत नेपालभित्रको रसुवागढी–काठमाडौं रेलमार्ग खण्ड निर्माणका लागि २ खर्ब ५७ अर्ब रुपैयाँ खर्च हुने भएको छ । चीनले तयार गरेको प्रारम्भिक सम्भाव्यता रिपोर्टमा यो रेलमार्ग पुरा हुन ९ वर्ष समय लाग्ने उल्लेख छ ।

रेल विभागका बरिष्ठ इन्जिनियर प्रकाश उपाध्यायकाअनुसार यो रेलमार्ग करिब ७२.२५ किलोमिटरको हुनेछ । यसअनुसार एक किलोमिटरमा सरकारले ३ अर्ब ५५ करोड खर्चिनुपर्ने अवस्था देखिएको उपाध्यायले बताए ।

यो रेलमार्गमा सजिलो भुगोल नपर्ने भएकाले झण्डै ९९ (९८.५५) प्रतिशत खण्डमा सुरुङ वा पुल बनाउनुपर्नेछ । चिनियाँ कम्पनी चाइना रेल्वे फर्स्ट सर्भे एन्ड डिजाइन इन्स्टिच्युटले तयार पारेको रिपोर्टमा यो विषय उल्लेख छ ।

रेलमार्गको प्रारम्भिक सम्भाव्यता अध्ययनका लागि सबै खर्च चिनियाँ पक्षले व्यहोरेको थियो । गत वैशाखको अन्तिम साता यातायात सचिव मधुसदन अधिकारी नेतृत्वको नेपाली प्रनिनिधि मण्डल सम्भाव्यता अध्ययन गर्नेबारे सम्झौता गरेर फर्किएको थियो । त्यसलगत्तै जेठबाटै चिनियाँ टोली अध्ययनका लागि नेपाल आएर काम सुरु गरेको थियो ।

भौगोलिक कठिनाइ रहेकाले रिपोर्टले प्राविधिक रुपमा अधिकांश क्षेत्रमा पुल र टनेल निर्माण गर्न सिफारिस गरेको छ । यसअघि स्थलगत अध्ययनमा आएको चिनियाँ टोलीले केरुङ–काठमाडौं, काठमाडौं–पोखरा र काठमाडौं–लुम्बिनी रेलमार्ग निर्माण सम्भव रहेको बताइसकेको थियो ।

चीनले सन् २००६ मै ११ सय किमी लामो रेलमार्ग तिब्बतको राजधानी ल्हासासम्म ल्याइसकेको छ । हाल चीनतर्फ ल्हासा(सिगात्से रेलमार्ग निर्माणाधीन छ । र, त्यसलाई नेपाल सीमाको केरुङसम्म विस्तारको काम पनि भइरहेको छ ।

उक्त मार्गलाई चीनको सहयोगमा काठमाडौंसम्म जोड्ने योजना छ । अब दुई सरकारका बीचमा रेलमार्ग कुन लगानी मोडालिटीमा बनाउने भन्नेबारे छलफल हुनेछ ।

चीनले सहुलियत ऋणमा रेलमार्ग बनाउने इच्छा देखाएको छ । नेपालले भने अनुदानमै आयोजना बनाइदिन आग्रह गरेको छ ।

राष्ट्रसंघको पूर्वमहासचिव कोफि अन्नानको निधन

kofi annan

kofi annanकाठमाडौं, भदौ २ : संयुक्त राष्ट्रसंघका पूर्वमहासचिव तथा नोबेल शान्ति पुरस्कार विजेता कोफी अन्नानको निधन भएको छ । ८० वर्षीय अन्नानको शनिबार निधन भएको हो ।

अन्नान केही समयदेखि सामान्य बिराम थिए । सामान्य बिरामकै क्रममा उनको शनिबार निधन भएको हो । कोफी अन्नान फाउन्डेसनले छोटो समयको बिरामपछि शनिबार अन्नान शान्तपूर्वक महाप्रस्थान गरेको जनाएको छ ।
अन्नान संयुक्त राष्ट्रसंघको नेतृत्व गर्ने पहिलो अफ्रिकन हुन् । उनले सन् १९९७ देखि २००६ सम्म सफलतापूर्वक महासचिवको नेतृत्व सम्हालेका थिए । सिरियाको शान्ति स्थापनाका लागि अन्नानले राष्ट्रसंघको विशेष दूतका रुपमा समेत काम गरेका थिए ।

अन्नान घानाका हुन् । तर उनको निधन स्विट्जरल्यान्डको जेनेभामा भएको छ, जहाँ उनी वर्षौंदेखि बस्दै आइरहेका थिए ।

विश्वमा शान्ति स्थापनार्थ भूमिका खेलेको भन्दै अन्नान सन् २००१ को नोवेल शान्ति पुरस्कारबाट पुरस्कृत भएका थिए ।

बाढिले सिन्धुपाल्चोकमा पुल भत्कियो

b

bकाठमाडौं, भदौ २ : गएराति परेको अविरल वर्षापछि आएको बाढीले बाह्रवीसे खोर्सानीबारी नजिकै रहेको साधीखोला पुलको आधा भाग बगाएको छ ।

पुलको आधा भाग बगाएसँगै बाह्रविसे नगरपालिकाका केही वडा र भोटेकोशी गाउँपालिकासँगको सडक सम्बन्ध टुटेको छ ।

खोर्सानीबारी नजिकै साधीखोलामाथिको पुलको आधा भाग बगाएको इलाका प्रहरी कार्यालय बाहबीसेका प्रहरी निरीक्षक यादव थापाले जानकारी दिए ।

पुल क्षतिग्रस्त भएपछि मोटरसाइकलबाहेक अन्य सवारी साधन सञ्चालनमा रोक लगाइएको छ ।

प्राविधिकहरु आएर पुलको निरीक्षण गरेपछि मात्रै यातयात सञ्चालनबारे यकिन गर्न सकिने बाह्रबीसे नगरपालिकाका मेयर निमफुञ्जो शेर्पाले जानकारी दिए ।

क्षतिग्रस्त पुलको अध्ययनका लागि प्राविधिक पठाइदिन डिभिजन सडक कार्यालय, दोलखाका प्रमुख अशोक तिवारीसँग आग्रह गरे पनि उनले बेवास्ता गरेको भन्दै उनले आक्रोस पोखे ।

पुलमा क्षति भएपछि वैकल्पिक मार्गबारे अध्ययन भइरहेको पनि मेयर शेर्पाले जानकारी दिए ।

पुलको दुवैतर्फको जप आधा सरेपछि नेपाल–चीन सीमा आसपासका स्थानीय समस्यामा परेका छन् । गत वर्ष पनि भोटेकोशी गाउँपालिका नजिकै रहेको पक्की पुल बाढीले बगाएको थियो ।

पाकिस्तानको प्रधानन्त्रीमा इमरान खानले लिए सपथ

imran khan

imran khanकाठमाडौं, भदौ २ : पाकिस्तानका प्रधानमन्त्री इमरान खानले आज पद तथा गोपनीयताको शपथ ग्रहण गरेका छन् ।

उनलाई इस्लामावादस्थित प्रेसिडेन्ट हाउसमा राष्ट्रपति ममुन हुसेनले शपथ खुवाएका थिए ।

शपथ ग्रहण कार्यक्रममा पूर्व क्रिकेटर इमरान खान कालो रंगको सेरबानी लगाएर उपस्थित भएका थिए ।

नेशनल एसेम्बलीमा भएको चुनावमा पाकिस्तान मुस्लिम लिगका अध्यक्ष शाहज शरीफलाई पराजित गर्दै ताहरिक-ए-इन्साफको अध्यक्ष खान पाकिस्तानको २२ औं प्रधानमन्त्री चुनिएका थिए ।

संचारमन्त्री बास्कोटाको ठाडो निर्देशनपछि १६ अर्बको ठेक्का ठप्प

Gokul-Baskota

Gokul-Baskotaकाठमाडौं, भदौ १ : सञ्चार तथा सूचना प्रविधि मन्त्रालयको निर्देशनपछि चार महिनादेखि अर्बौंका आयोजना ठप्प भएका छन्।

वैशाख १५ गते मन्त्रालयले दुरसञ्चार प्राधिकरणलाई पत्र लेख्दै प्रशासनिकबाहेकका कुनै पनि काम अघि नढाउन निर्देशन दिएको थियो। सो निर्देशनपछि प्राधिकरणले काम गरिरहेका १६ अर्ब रूपैयाँ बराबरका आयोजना ठप्प भएका हुन्।

चार महिना बित्दा पनि मन्त्रालयले अर्को पत्र नपठाएकाले देशभर इन्टरनेट सेवा विस्तार गर्नेलगायतका आयोजनाको काम अनिश्चित बनेको छ।

प्राधिकरणले मध्यपहाडी लोकमार्गमा पूर्वदेखि पश्चिमसम्म ुब्रोडब्यान्ड ब्याकबोनु राख्न अप्टिकल फाइबर विस्तार आयोजनाअघि बढाएको थियो। जसमा प्रदेश १ देखि ३ सम्म नेपाल टेलिकम, ४ र ५ मा युटिएल, ६ र ७ मा स्मार्ट टेलिकमलाई विस्तारको जिम्मा दिएको थियो।

१० अर्ब लागतको यो आयोजनामा वैशाखदेखि कुनै पनि काम अघि बढेको छैन।

त्यस्तै एक वर्षभित्र देशभरका गाउँपालिका, विद्यालय र स्वास्थ्य चौकीमा ५१५ केबिपिएसको ब्रोडब्यान्ड इन्टरनेट पुर्‍याउन १८ परियोजना सुरू गरेको थियो।

इन्टरनेट सेवाप्रदायक छनौट गरेर सञ्चालन हुने यो परियोजनाका सबै काम अहिले रोकिएका छन्।

मन्त्रालयको निर्देशनले चालू आयोजनामात्र रोकिएका छैनन् नयाँ आयोजना पनि अघि बढ्न सकेका छैनन्।

कुनै पनि नयाँ अनुमति, टेलिकमको क्षमता विस्तार जस्ता काम नगर्नू भन्ने निर्देशनले प्राधिकरणसँगै अन्य क्षेत्र पनि प्रभावित भएका छन्।

इन्टरनेटको पहुँच नभएका ठाउँमा कसैले इन्टरनेटमा आधारित सेवा सूरु गर्न चाहेमा त्यस्तो सेवा सुरू हुने छैन। किनभने त्यस्ताको लागि प्राधिकरणले भिस्याट प्रयोगकर्ताको अनुमति दिनुपर्छ, जुन अहिले रोकिएको छ।

इन्टरनेटको पहुँच नभएकै कारण दुर्गम ठाउँमा बैंकका शाखा स्थापनामा पनि अवरोध भइरहेका छ।

त्यस्तो भिस्याट प्रयोगकालागि केही बैंकले निवेदन दिए पनि अनुमति दिन नसकिएको प्राधिकरण स्रोतले जानकारी दियो।

‘बैंकमात्र होइन पर्यटन तथा अन्य सेवामूलक संस्थाले पनि अनुमति लागि माग गरेका छन् तर हामी दिनसक्ने अवस्थामा छैनौं,’ स्रोतले भन्यो।

राष्ट्र बैंकले प्रत्येक स्थानीय तहमा शाखा स्थापना गर्न बैंकहरूलाई निर्देशन दिएको छ। अझै पनि डेढ सय बढी स्थानीय तहमा बैंकका शाखा खुलेका छैनन्।

असोजमा नीति तथा कार्यक्रम र बजेट पास गरेको प्राधिकरणले दशैं तिहार पछिमात्र ठेक्कापट्टाको काम सुरू गर्छ। फागुनरचैतसम्म ठेक्कापट्टा सकिएर वैशाखदेखि काम सुरू हुने बेला मन्त्रालयले निर्देशन दिएर रोकेपछि गएको वर्ष कुनै पनि काम नभएको प्राधिकरणका अधिकारीहरूको भनाइ छ।

‘जतिबेला हामीले काम गर्ने समय थियो त्यतिबेला सरकारले निर्देशन दिएर रोक्यो जुन अहिलेसम्म खुलेको छैन’ एक अधिकारीले भने।

सञ्चार मन्त्रालयका सहसचिव तथा प्रवक्ता रामचन्द्र ढकालले भने कुनै पनि लाइसेन्स र ठूलो भुक्तानी दिनमात्र रोकिएको तर बजेट तथा कार्यक्रम बनाउन कुनै रोक नलगाइएको जिकिर गरे।

‘मन्त्रालयले मन्त्रिपरिषद्को निर्णअनुसार कुनै पनि ठुला आयोजनामा भुक्तानी नदिन, अनुमति तथा दीर्घकालीन काम अघि नबढाउनमात्र निर्देशन दिएको हो’ उनले भने।

ग्रामिण दुरसञ्चार कोषको रकमबाट नयाँ सम्झौता र काम नगरी दिइने भुक्तानी वा ठूलो भुक्तानी रोकिएको ढकालले स्वीकारे।

प्राधिकरणमा आफूले चाहेको मानिस नियुक्ति नहुन्जेल काम रोक्ने रणनीतिअनुसार मन्त्रालायले यस्तो निर्णय गरेको एक कर्मचारीले आरोप लगाए।

दुरसञ्चार प्राधिकरणका अध्यक्ष दिगम्बर झालाई केही समयअघि सरकारले हटाएको छ। सुरूमा झाले सरकारविरूद्द अदालतमा मुद्दा हाले पनि पछि फिर्ता लिएका थिए। अहिले नयाँ अध्यक्ष छान्ने प्रक्रिया जारी छ।

बाजेपेयीको अन्त्यष्टि आज अपरान्ह ४ वजे, परराष्टमन्त्री ज्ञवाली सहभागि हुने

bajapai

bajapaiकाठमाडौं, भदौ १ : भारतीय पूर्वप्रधानमन्त्री स्वर्गीय अटल बिहारी वाजपेयीको आज अपराह्न ४ बजे अन्त्येष्टि गरिने भएको छ ।

९३ वर्षका उमेरमा बिहीबार निधन भएका वाजपेयीको पार्थिव शरीर बिहीबार रातभर उनको कृष्ण मेनन मार्गस्थित निवासमा राखिएको थियो । श्रदाञ्जलीका लागि बिहान ९ बजे उनको पार्थिव शरीर भारतीय जनता पार्टीको मुख्यालयमा राखिएको छ ।
शवयात्रा दिउँसो १ बजे शुरु हुनेछ । वाजपेयीको अत्येष्टि राजघाटस्थित महात्मा गान्धीको नजिक गरिने बीबीसीले जनाएको छ ।

उनको निधनमा भारत सरकारले सात दिन राष्ट्रिय शोक मनाउने घोषणा गरेको छ । दिल्लीसहित मध्यप्रदेश, उत्तरप्रदेश, राजस्थान, बिहार, झारखण्ड, पञ्जाबका विद्यालय तथा कलेजमा छुट्टी दिइएको छ ।

परराष्टमन्त्री ज्ञवाली दिल्ली जाने
वाजपेयीलाई अन्तिम श्रदाञ्जली दिन परराष्टमन्त्री प्रदीप ज्ञवाली सहभागि हुने भएका छन् ।

आजदेखि नयाँ मुलुकी संहिता लागु, यि पाँच अपराधमा हुन्छ जैन्मकैद

muluki-samhita-newskarobar

muluki-samhita-newskarobarकाठमाडौं, भदौ १ : नयाँ मुलुकी संहिता २०७४ आजदेखि लागू हुँदैछ । तत्कालीन प्रधानमन्त्री जंगबहादुर राणाले १९१० सालमा निर्माण गरेको ‘मुलुकी ऐन’ लाई प्रतिस्थापन गर्दै आजदेखि नयाँ संहिता लागू गर्न लागिएको हो ।

प्रचलित धर्म, परम्परा, प्रचलन र रीतिलाई आधार बनाएर राणाले मुलुकी ऐन तर्जुमा गरेका थिए । २०२० मा केही संशोधन भएको मुलुकी ऐन १६५ वर्षपछि प्रतिष्थापन हुँदैछ ।
मुलुकी अपराध संहिताअन्तर्गत मुलुकी अपराध संहिता, मुलुकी फौजदारी कार्यविधि, कसूर सजाय निर्धारण तथा कार्यान्वयन ऐन रहेका छन् । मुलुकी देवानी र फौजदारी कानून निर्माण गर्दा ६० प्रतिशत मुलुकी ऐन, २० प्रतिशत अदालतले प्रतिपादन गरेका नजीर र २० प्रतिशत अन्तर्राष्ट्रिय कानूनलाई आधार बनाइएको छ ।

मुलुकी अपराध संहिता अन्तर्राष्ट्रिय फौजदारी न्याय प्रणालीमा आधारित छ ।

मुलुकी अपराध संहिता निर्माणका लागि सरकारले ०६५ मंसिर १८ गते तत्कालीन सर्वोच्च अदालतका न्यायाधीश कल्याण श्रेष्ठको संयोजकत्वमा ‘फौजदारी कानन सुधार तथा परिमार्जन कार्यदल’ गठन गरेको थियो । सोही कार्यदलले तयार गरेको मस्यौदालाई संसदले ०७४ भदौमा पारित गरेको थियो ।

यी अपराधमा हुनेछ आजीवन कारावास

मुलुकी अपराध संहितामा छ अपराधमा आजीवन कैद तोकिएको छ । क्रुर यातना दिई वा निर्ममतापूर्वक ज्यान मारेमा, वायुयान अपहरण गरी वा वायुयान विष्फोट गरी ज्यान मारेमा, अपहरण वा शरीर बन्धक गरी ज्यान मारेमा, पेय पदार्थमा विष हाली मारेमा, कुनै पनि जातजाति वा सम्प्रदायको अस्तित्व नै लोप हुने जातिहत्या गर्ने उद्देश्यले कसूर गरेमा र जबर्जस्ती करणी गरेमा त्यस्ता अपराधीले जीवित रहेसम्म कैद भुक्तान गर्नुपर्नेछ । आजीवन कैद नयाँ व्यवस्था हो ।

यस संहितामा जन्मकैदलाई २५ वर्ष बनाइएको छ । साविकको मुलुकी ऐनमा २० वर्षलाई जन्मकैदको रुपमा राखिएको थियो ।

संहितामा सजायको वर्गीकरण गरी कसूरको प्रकृति र गम्भीरताका आधारमा आजीवन कैद, जन्मकैद, निश्चित अवधिको कैद, जरिवाना, कैद र जरिवाना, क्षतिपूर्ति, कैद, जरिवाना वा क्षतिपूर्ति वा दुवै, जरिवाना वा क्षतिपूर्ति नतिरेबापत कैद, कैदको सट्टा सामुदायिक सेवामा लगाउन जस्ता सजायका व्यवस्थाहरु गरिएका छन् ।

नेपालको प्रतिनिधित्व गरी खेल खेल्ने नेपाली खेलाडीले खेलमा मिलेमतो गरी कुनै खेल खेलेमा समेत राष्ट्रहित प्रतिकूलको कसूर मानिनेछ । यस्तो कसूर गरेमा दोषीलाई पाँच वर्षसम्म कैद र ५० हजार जरिवाना हुने कानुनी व्यवस्था छ ।

अपराध संहितामा नेपालविरुद्ध जासूसी गर्नेलाई २५ वर्षसम्म कैद हुने व्यवस्था छ । राष्ट्रपति वा संसदलाई धम्की दिएमा सात वर्षसम्म कैद वा ७० हजार जरिवाना वा दुवै हुने व्यवस्था छ । अनुसन्धान वा अभियोजन अधिकारीले निर्दोष व्यक्तिलाई फसाउने वा वास्तविक कसूरदारलाई जोगाउने मनसायले बदनियतपूर्वक अनुसन्धान वा अभियोजन गरेमा छ महिनासम्म कैद वा पाँचहजार जरिवाना वा दुवै हुने यसमा व्यवस्था छ ।

त्यस्तै, संक्रामक रोग फैलाउने काम गरेमा दश वर्षसम्म कैद र एक लाखसम्म जरिवाना हुने नयाँ व्यवस्था छ । खाद्य पदार्थमा मिसावट गर्नेलाई पाँच वर्षसम्म कैद र ५० हजार जरिवानाको सजाय हुन्छ ।

घर निर्माण गर्दा, भत्काउँदा वा मर्मत गर्दा लापरबाही गर्नेलाई एकवर्ष कैद वा दशहजार जरिवाना वा दुवै सजाय हुनेछ । हिंस्रक वा अन्य पशुपक्षी राख्दा पूर्वसावधानी नअपानाई लापरवाही गर्नेलाई एक वर्षसम्म कैद वा दश हजार जरिवाना वा दुवै सजाय हुनेछ ।

त्यस्तै, राष्ट्रिय गान, झण्डा वा निशाना छापको अपमान वा क्षति गर्नेलाई तीन वर्षसम्म कैद वा तीस हजार जरिवाना वा दुवै सजाय हुनेछ । राष्ट्रिय विभूतिको अपमान गर्नेलाई छ महिनासम्म कैद वा पाँच हजार जरिवाना वा दुवै सजाय हुनेछ ।

संहितामा यातना दिनेलाई पाँच वर्ष कैद वा ५० हजार जरिवाना वा दुवै सजाय हुने व्यवस्था छ । छाउपडीमा राख्ने वा त्यस्ता अन्य भेदभाव, छुवाछूत र अमानवीय व्यवहार गर्नेलाई तीन महिनासम्म कैद वा तीन हजार जरिवाना वा दुवै हुनेछ ।

अपराध संहितामा विवाहमा लेनदेन गर्नेलाई पाँच वर्षसम्म कैद वा ५० हजार जरिवाना वा दुवै सजाय हुने व्यवस्था छ । आफ्नो संरक्षकत्वमा रहेका नवजात शिशु, बालबालिका, अशक्त रोगी वा वृद्ध व्यक्तिलाई जीउ, ज्यानमा खतरा पुग्ने गरी फाल्ने, परित्याग गर्ने वा बेवास्ता गरी छोड्नेलाई तीन वर्षसम्म कैद र तीस हजार जरिवाना हुने व्यवस्था गरिएको छ ।

त्यस्तै, निर्माणको काम गर्दा निर्धारित मापदण्ड वा गुणस्तरको माल प्रयोग नगर्ने वा मालको परिमाण घटीबढी पार्नेलाई दश वर्षसम्म कैद र एकलाख जरिवाना गर्ने नयाँ व्यवस्था गरिएको छ । आपूर्तिको काम गर्दा कमसल वा घटी परिमाणमा माल, वस्तु वा सेवा आपूर्ति गर्नेलाई पाँच वर्षसम्म कैद र ५० हजार जरिवाना हुनेछ ।

अपराध संहितामा चौपायालाई यातना दिने वा आफूले पालेको पशुपक्षी रोगी वा वृद्ध भएको कारण सार्वजनिक रुपमा छाड्नेलाई तीन वर्षसम्म कैद वा पाँच हजारसम्म जरिवाना हुनेछ ।

अनुमति बिना कसैको तस्वीर खिचेमा वा निजको तस्वीरसँग अरु कसैको तस्वीर राखी अर्को तस्वीर बनाएमा एकवर्षसम्म कैद वा दश हजार जरिवाना वा दुवै हुने व्यवस्था छ । एकको तस्वीरको केही भाग अर्को व्यक्तिको अर्को भागसँग राखी वा अन्य कुनै किसिमले विकृत रुपमा तस्वीर बनाएमा दुई वर्षसम्म कैद वा २० हजार जरिवाना वा दुवै हुने व्यवस्था छ ।

अपराध संहितामा विवाह बदर हुने व्यवस्था गरिएको छ । मन्जुरी बिना भएको विवाह, हाडनातामा भएको विवाह, बालविवाह, बहुविवाह भएको भए त्यस्तो विवाह बदर हुने कानूनी व्यवस्था गरिएको छ ।

अपराधबाट पीडित व्यक्तिलाई मुद्दाको पक्षका रुपमा स्वीकार गर्दैै मुद्दाको काम कारबाहीको जानकारी पाउने हक उसलाई हुने व्यवस्था यसमा गरिएको छ ।

सार्वभौमसत्ता, अखण्डता वा राष्ट्रिय एकतामा खलल पार्ने, राजद्रोह, नेपालविरुद्ध युद्ध गर्ने वा नेपालसँग युद्धमा संलग्न राज्यका सेनालाई सहायता गर्ने, राष्ट्रहित प्रतिकूल काम गर्ने र जातिहत्यालाई संहिताले कसूर मानेको छ ।

1 2 3 324