Author Archives: डिजिटल दैनिक

मापसे गर्ने ४ सय २३ जनालाई सवारी चलाउन बन्देज गर्दै लाईसेन्स खारेज

license
FacebookTwitterGoogle+PrintEmailShare

licenseकाठमाडौं, पुस १८ : महानगरीय ट्राफिक प्रहरी महाशाखाले पाँच पटकभन्दा बढी मादक पदार्थ सेवन गरेर सवारीसाधन चलाउने ४२३ चालकको सवारी अनुमतिपत्र (लाइसेन्स) खारेज गरेको छ ।

महाशाखाले पटकपटक मापसे सेवन गरेर सवारीसाधन चलाएपछि लाइसेन्समा प्वाल पार्दै आएको थियो । ०६८ मङ्सिर १७ देखि मापसे जाँच अभियान थालिएको हो । महाशाखाले २०६९ मङ्सिर २२ गतेदेखि मापसे गरी सवारीसाधन चलाउने चालकको लाइसेन्समा प्वाल पार्न थालेको हो । हालसम्म विभिन्न चरणमा गरी एक लाख ७८ हजार १९८ चालकको लाइसेन्समा प्वाल पारिएको महाशाखाका प्रमुख एवं प्रहरी वरिष्ठ उपरीक्षक बसन्तकुमार पन्तले जानकारी दिए ।
पहिलोपटक एक लाख ३७ हजार ९५२, दोस्रो पटक २६ हजार ७२७, तेस्रो पटक आठ हजार ८४०, चौथो पटक तीन हजार १२३ र पाँचौ पटक एक हजार १३३ चालकको लाइसेन्समा प्वाल पारिएको थियो । ‘खारेज गरिएका सवारी चालकले पुनः परीक्षा दिएर लाइसेन्स लिनुपर्ने व्यवस्था गरिएको छ,’ उनले भने, ‘दुर्घटना घटाउन र मापसे सेवन गरी सवारीसाधन चलाउने चालकको अभिलेख राख्नका लागि उक्त व्यवस्था गरेका हौँ ।’

आर्थिक वर्ष २०७०/७१ मा ५२, आव २०७१/७२ मा १२२, २०७२/७३ मा १३३, २०७३/७४ मा ४१, २०७४/७५ मा ५८ र चालू आवमा १७ चालकको लाइसेन्स खारेज गरिएको हो ।

न्यायधीश जोशीलाई मुद्दा हेर्न नदिने नवनियुक्त प्रधानन्यायधीशको तयारी

dipak raj joshi

dipak raj joshiकाठमाडौं, पुस १८ : नवनियुक्त प्रधानन्यायाधीश चोलेन्द्र शमसेर जबराले संसदीय सुनुवाई विशेष समितिबाट अस्वीकृत भएका विवादस्पद न्यायाधीश दीपकराज जोशीलाई न्याय सम्पादनको कामबाट अलग राख्ने संकेत गरेका छन् ।

राणाले अहिले केहीबेरमा राष्ट्रपति भवन शीतलनिवासमा हुने आफ्नो सपथग्रहण समारोहमा जोशीलाई सहभागी नगराउन सर्वोच्च प्रशासनलाई निर्देशन दिएको उच्च स्रोतले जनाएको छ ।
बिहान सवा १० बजे राष्ट्रपतिबाट प्रधान न्यायाधीश राणाले पद तथा गोपनियताको सपथ लिदैछन् ।

राणाले सर्वोच्च अदालतमा हुने प्रधानन्यायाधीशको स्वागत कार्यक्रममा समेत जोशीलाई सहभागी नगराउन मुख्य रजिष्ट्रार राजन भट्टराईलाई मौखिक आदेश दिएको प्रशासन स्रोतले जनाएको छ ।

स्रोतका अनुसार आजैबाट राणाले जोशीलाई बेच्न पनि नतोक्ने भएका छन् । संसदीय सुनुवाईका क्रममा समितिका सदस्य योगेश भट्टराई लगायतले संसदबाट अस्वीकृत भएका न्यायाधीशलाई के गर्नुहुन्छ रु भन्ने प्रश्न गरेका थिए ।

राणाले संविधान र संसदीय सर्वोच्चतालाई आफूले सम्मान गर्ने जवाफ दिएका थिए । सोहीवमोजिम संसदीय सुनुवाईबाट प्रधानन्यायाधीशमा अस्वीकृत भई न्यायाधीश हुने योग्यता र क्षमतामा प्रश्न उठको जोशीलाई न्यायिक प्रक्रियाबाट अलग गर्न लागिएको राणा निकट स्रोतले जनाएको छ ।
जोशीलाई यसअघि ओमप्रकाश मिश्र प्रधानन्यायाधीश भएपछि केही दिन इजलास तोकिएको थिएन । तर, केही समयपछि ठूला राजश्व छलीलगायत आर्थिक चलखेलका मुद्दा जोशीलाई लगायत आर्थिक मामिलामा कमजोर न्यायाधीशहरुको इजलासमा पारेपछि मिश्रमाथि बेन्च सपिङको आरोप लागेको थियो ।

जोशी बरिष्ठ न्यायाधीशका रुपमा रहुञ्जेल न्यायपरिषद बैठकमा नबस्ने कानुनमन्त्री भानुभक्त ढकालको अडानका कारण यसबीचमा परिषद बैठकसमेत बसेन ।

स्रोतका अनुसार जोशीमाथि पुनः राजीनामाको दबाव परेको छ । उनले राजीनामा नदिएमा प्रधानन्यायाधीश राणाले निकास खोज्ने स्रोतले अनलाइनखबरलाई बतायो ।

वाइडबडी प्रकरणमा पर्यटनमन्त्री र गृह सचिवलाई पनि कारबाही गर्न सिफारिस

lekha

lekhaकाठमाडौं, पुस १८ : वाइडबडीबारे छानविन गर्न गठित लेखा समिति अन्तर्गतको उपसमितिले पर्यटनमन्त्री रविन्द्र अधिकारी, तीन सचिवलाई कारबाही गर्न सिफारिस गरेको छ ।

एक सदस्यका अनुसार करिव ४ अर्ब २५ करोड भ्रष्टाचार भएको ठहरसहित ३८ पेजको प्रतिवेदन तयार भएको छ । तर, पर्यटनमन्त्रीलाई कारबाही सिफारिस गर्ने कि नगर्ने भन्ने विवाद देखिएको थियो ।
राति अवेर सकिएको बैठकमा मन्त्री अधिकारी, सचिव कृष्णप्रसाद देवकोटालाई कारबाही गर्न सिफारिस गरेको छ । पूर्वमन्त्री जितेन्द्र नारायण देव र जीवनबहादुर शाहीलाई पनि कारबाही सिफारिस भएको छ ।

तत्कालीन पर्यटन सचिवहरु प्रेम राई र शंकर अधिकारीलाई पनि कारबाही गर्न सिफारिस भएको एक सदस्यले बताएका छन् । राई हाल गृह मन्त्रालयका सचिव छन् ।

यस्तै वायुसेवा निगमका प्रवन्ध निर्देशक सुगतरत्न कंशारकारलाई तत्काल निलम्बन गरी कारबाही गर्न पनि सिफारिस गरेको छ । यसबारे थप अनुसन्धान गर्न अख्तियार पठाउने पनि उपसमितिको प्रतिवेदनमा उल्लेख छ ।

वायु सेवा निगमले ल्याएको दुई वटा बाइडवडीबारे अध्ययन गर्न लेखा समितिका राजेन्द्र केसीको नेतृत्वमा उपसमिति बनाएको थियो । उपसमितिको प्रतिवेदन भोलि पेश हुनेछ ।

निर्मलालाई न्याय माग्दै बालुवाटारमा प्रदर्शन

nirmala p

nirmala pकाठमाडौं, पुस १४ : कञ्चनपुरकी १३ वर्षिया बालिका निर्मला पन्तको बलात्कार/हत्यामा संलग्नलाई कारबाहीको माग राख्दै शनिबार प्रधानमन्त्री निवास बालुवाटारमा प्रदर्शन गरिएको छ।

निर्मलाको हत्या भएको पाँच महिना हुँदा पनि सरकारले दोषी पत्ता लगाउन नसकेको भन्दै हत्यारा पत्ता लगाइ कारबाही गर्न प्रर्दशन गरेको हो।

‘न्याय मर्न नदिऔं, सत्य हार्न नदिऔं, न्यायको खोजीमा निर्मलाहरु’ लेखिएको व्यानर लिएर प्रर्दशन गरेको हो। विवेकशील साझाकी नेतृ रञ्जु दर्शनाले सरकारले घटनालाई टालटुल र थामथुम पार्न खोजेको आरोप लगाइन्।

‘कञ्चनपुर घटनालाई कसरी सेलाउन दिने र थामथुम पार्ने भन्नेमा प्रहरी प्रशासन नै लागिपरेको छ,’ उनले भनिन्, ‘निर्दोषलाई जवर्जस्ती यातना दिइएको छ, यो गलत हो।’

फिलिपिन्समा भुकम्प, सुनामीको खतरा

philippens earthquake

philippens earthquakeकाठमाडौं, पुस १४ : फिलिपिन्समा ६।९ रेक्टर स्केलको भूकम्प गएको छ । स्थानीय समयअनुसार, शनिबार बिहान ११ः३९ बजे भूकम्प गएको हो । भूकम्पपछि सुनामीको खतरा रहेको भन्दै सतर्क रहन चेतावनी दिइएको छ ।

अमेरिकी भौगर्भिक सर्वेक्षण संस्था (यूएसजीएस) ले दक्षिणी फिलिपिन्सको पोन्डागुइटननजिकै केन्द्रबिन्दु भएर ६।९ को भूकम्प गएको बताएको छ । भूकम्पको धक्का मिन्डाओ, डाभाओलगायतमा क्षेत्रमा महसुस भएको बताइए पनि मानवीय तथा भौतिक क्षतिबारेको विवरण आइनसकेको सीएनएनले जनाएको छ ।
सीएनएनका अनुसार, अमेरिकाको प्यासिफिक सुनामी वार्निङ सेन्टरले सुनामीको खतरा रहेको भन्दै सतर्क रहन आग्रह गरेको छ ।

फिलिपिन्स भूकम्पीय जोखिममा रहेका देशहरुको अग्रपंक्तिमा पर्छ । सन् २०१७ को जुलाईमा पनि यहाँ ६।९ रेक्टर स्केलको भूकम्प गएको थियो ।

राम्रा काम गर्न बुद्धिजिविले अवरोध गरेः संचारमन्त्री

gokul baskota

gokul baskotaकाठमाडौं, पुस १४ : सूचना प्रविधि तथा सञ्चारमन्त्री गोकुल बास्कोटाले सरकारले गर्न चाहेका नवीन कामहरुमा अवरोध सिर्जना भईरहेको बताएका छन् । शनिबार काठमाण्डौमा भएको क्यान फेडरेसनको २५ औ वाषिर्क साधारणसभालाई सम्बोधन गर्दै मन्त्री बास्कोटाले सरकारले घोषणा गरेका नविन काम अदालत तथा बुद्धिजीवी भन्नेहरुबाटै अवरोध हुन थालेको गुनासो गरे ।

विरोध र अवरोध गर्नेहरुले आफ्नो क्षेत्राधिकार बुझेर काम नगर्दा सरकारालाई काम गर्न अप्ठ्यारो पर्ने गरेको पनि उनले बताए । उनले सरोकारित र सम्बन्धित निकायले आफ्नो जिम्मेवारी नबुझेर अर्काको क्षेत्राधिकार मिच्ने परिपाटीका कारण समस्या सिर्जना भएको दाबी गरे ।
डिजिटल नेपालको लक्ष पुरा गर्ने सन्र्दभमा केही अप्ठ्याराहरु सिर्जना हुने गरेको उल्लेख गर्दै उनले विद्युतीय कारोबार सम्बन्धी ऐनहरुलाई सहज बनाउदै लगिने बतए । सिलौटे युग पार गर्दै अहिले मन्त्रीपरिषद् बैठक कम्युटर प्रणालीबाट संचालन गर्ने अवस्थामा आईसकेको भन्दै उनले सरकारले डिजिटल नेपालको संकल्प पुरा गरेरै छाड्ने दाबी गरे ।

सरकारले ५ बर्षे कार्ययोजनाका साथ डिजिटल नेपालको अभियानलाई अघि बढाउने उनले उल्लेख गरे । त्यसका लागि सरकारले नीजी क्षेत्रसंगको सहकार्यलाई प्राथमिकता दिने उनले बताए ।

कार्यक्रममा उद्योगवाणिज्य महासंघका उपाध्यक्ष उमेशलाल श्रेष्ठले सरकारले उद्योगी व्यवसायीलाई काम गर्ने र लगानी गर्ने वातावरण श्रृजना गरिदिनुपर्ने बताए ।
उनले लगानीको वातावरण सिर्जना गर्न सकेमात्रै नेपालको औद्योगिक विकासले फड्को मार्ने दाबी गरे । क्यान फेडेरेसनले सरकारले सहयोग गरे ७ सय ५३ वटै स्थानीय तहलाई प्रविधि मैत्री बनाउन सकिने बताएको छ ।

विप्लव माओवादीबाट कुनै खतरा छैन : आईजिपि खनाल

Sarbendra-khanal

Sarbendra-khanalकाठमाडौं, पुस १० : नेपाल प्रहरीका प्रमुख आईजीपी सर्वेन्द्र खनालले नेत्रविक्रम चन्द (विप्लव) नेतृत्वको नेपाल कम्युनिष्ट पार्टीबाट कुनै सुरक्षा चुनौति नभएको दावी गरेका छन् ।

बुटवलको दीप बोर्डिङ स्कूलमा आयोजित समुदाय प्रहरी साझेदारी कार्यक्रममा बोल्दै आईजीपी खनालले नेपाल प्रहरी विप्लव नेतृत्वको नेकपालगायत अन्य विद्रोही शक्तिलाई दबाउन र नियन्त्रण गर्न सक्षम रहेको दावी गरे ।
उनले संविधान नमानेर बाहिर रहेका यस्ता दलहरुका गतिविधिबाट नडराउन पनि समुदायलाई आग्रह गरे । ‘विप्लवको पार्टीबाट कुनै सुरक्षा थ्रेट छैन,’ खनालले भने, ‘विद्रोह गर्छौं भन्ने शक्तिलाई नियन्त्रण गर्न हामी पूर्णसक्षम छौं ।’

कञ्चनपुरकी निर्मला पन्तको हत्या प्रसंगमा बोल्दै आईजीपी खनालले चारवटा विज्ञ टोलीले उक्त घटनाको अनुसन्धान जारी राखेकाले दोषी पत्ता लाग्न अझै केही समय लाग्ने बताए । लैंगिक हिंसालगायत आपराधिक घटनामध्ये ९७।५ प्रतिशत घटनामा प्रहरी सफल भएपनि निर्मला पन्तलगायत थोरै घटनामा मात्र सफलता नमिलेकाले प्रहरीमाथि अविश्वास बढेको उनले स्वीकार गरे ।

समुदायले प्रहरीमाथि विश्वास गर्नुपर्ने आग्रह गर्दै प्रहरी समुदायसँग हातेमालो गरेर शान्ति सुरक्षा कायम गर्न तत्पर रहेको बताए । प्रहरीप्रति अविश्वास कायम रहे अनुसन्धानमा सफलता मिल्न झन् ढिलाई हुने उनको भनाइ छ ।

आईजीपी खनालले थुप्रै विद्यार्थीहरु लागु औषध प्रयोगकर्ता रहेको औंल्याउँदै ती सबै विद्यार्थीको घर(घर गएर रोक्ने काम गर्न प्रहरीले नसक्ने हुँदा परिवार र समुदायले रोक्नुपर्ने आग्रह पनि गरे ।

कार्यक्रममा विद्यार्थीहरुले भने निर्मला पन्तको बलात्कारपछि हत्याको घटनामा प्रहरीको भूमिकाले गर्दा प्रहरीमाथि विश्वास गर्न कठीन भइरहेको बताएका थिए । उनीहरुले निर्मला पन्तका बलात्कारी र हत्यारालाई पत्ता लगाएर कारबाही नगर्दासम्म प्रहरीमाथिको अविश्वास कायमै रहने धारणा राखेका थिए ।

यद्यपि विद्यार्थीले प्रहरीको नेतृत्व समुदायमा आएर नागरिकका कुरा सुन्ने र अन्तरक्रिया गर्ने काम भने सकारात्मक भएको बताए ।

आजदेखि संसदको हिउदे अधिवेशन सुरु

Samsad 6

Samsad 6काठमाडौं, पुस १० : संघीय संसदको आजबाट सुरु हुने हिउँदे अधिवेशनमा कर्मचारी समायोजन अध्यादेश प्रस्तुत गरिने भएको छ ।

नयाँबानेश्वरस्थित संसद् भवनमा अपराह्न ४ बजे सुरु हुने प्रतिनिभिसभाको बैठकमा संघीय मामिला तथा सामान्य प्रशासन मन्त्री लालबाबु पण्डितले अध्यादेश प्रस्तुत गर्ने कार्यसूची तय भएको हो ।
त्यस्तै, दलीय आधारमा सांसदहरूले मन्तव्य राख्ने, प्रशासकीय अदालत विधेयक सम्बन्धमा राष्ट्रियसभाबाट प्राप्त सन्देश टेबुल गर्ने र राष्ट्रपतिबाट अधिवेशन आह्वानसम्बन्धी पत्र पढेर सुनाउने कार्यसूची पनि छ ।

संवैधानिक व्यवस्थाअनुसार, राष्ट्रपति विद्यादेवी भण्डारीले गत पुस ४ गते संघीय संसदको बैठक आह्वान गरेकी थिइन् । त्यहीअनुरुप आज अपराह्न ४ बजे राष्ट्रियसभा र प्रतिनिधिसभाको बैठक बस्न लागेको हो ।

नेपाल आईडल रवि ओडको आमाको करेन्ट लागेर मृत्यु

od

odकाठमाडौं, पुस १० : दोस्रो नेपाल आइडल रवि ओडकी आमाको करेन्ट लागेको मृत्यु भएको छ।

घरबाट उपचारका लागि सेती अञ्चल अस्पताल ल्याउँदै गर्दा विष्णाको बाटोमा नै मृत्यु भएको अस्पतालमा कार्यरत प्रहरी हवलदार अम्बादत्त जोशीले जानकारी दिए।

कञ्चनपुरको कृष्णापुर नगरपालिका–५ निवासी विष्णा पानी तान्ने मोटर चलाउने क्रममा करेण्ट लागेको उनले बताए। उनका अनुसार कृष्णापुर–५ बाट सेती अञ्चल अस्पताल कैलाली आउन १ घण्टा लाग्छ ।

करेन्ट लागेर घाइते भएकी ओडकी आमा ४५ वर्षीया विष्णालाई उपचारका लागि सेती अञ्चल अस्पताल पुगाइए पनि उनलाई अस्पतालले मृत घोषणा गरेको हो।

सेती अञ्चल अस्पतालका अनुसार अस्पताल पुर्‍याउँदा ओडको मृत्यु भइसकेको थियो।

बुधबार बिहान करेन्ट लागेपछि घाइते ओडलाई बिहान पौने ९ बजे सेती अञ्चल अस्पताल पुर्‍याइएको थियो।

आमाको मृत्युको खबर पाएपछि रवि पनि सेती अञ्चल अस्पताल पुगेका छन्।

रविलाई जन्मदिने आमाको यसअघि नै निधन भइसकेको थियो।

एक महिनामा २ अर्ब रकमान्तर, एसिया प्यासिफिका सम्मेलनलाई मात्रै तीन करोड

ministry fo finance

ministry fo financeकाठमाडौं, पुस ९ : सरकारले मंसिर महिनामा मात्र २ अर्ब २८ करोड रुपैयाँ रकमान्तर गरेको छ। विनियोजन भएको शिर्षकमै खर्च गर्न नसकीरहेको बेला नयाँ शिर्षकमा बजेट थप गरिएको छ।

विनियोजन गरिएको बजेट अपुग भएमा खर्च नभएर रहेको शिर्षकबाट बजेट सार्नको लागि सम्बन्धित मन्त्रालय आफैले गर्नसक्नेगरी अर्थ मन्त्रालयले निर्णय गरिदिए पनि रकमान्तरका लागि अर्थमै पुग्ने चलन रोकिएको छैन।

बजेटपछि थप गरिएको वा सिर्जना भएको अवस्था वा विनियोजन बजेटले अपुग भएपछि रकमान्तर गर्ने गरिन्छ। सरकारले विकास निर्माणका लागिमात्र रकामन्तर गर्न सकिने भनिएपनि सभा समारोहका लागि पनि रकमान्तर गरिएको छ।

सरकारले मंसिरमा मात्र एसिया प्यासिफिक समिटका लागि सुरक्षा तथा जनशक्ती व्यवस्थापनका लागि विभिन्न निकायका लागि रकमान्तर गरेको हो।

जसमा गृह मन्त्रालयलाई ४५ लाख, प्रहरी प्रधान कार्यालयलाई १ करोड ६ लाख र सशस्त्र प्रहरी बलका लागि ६५ लाख रकमान्तर गरेको छ। त्यस्तै राष्ट्रिय अनुसन्धानलाई १२ लाख दिइएको छ।

सरकारले यही बीचमा रणनीतिक सडक सुधार आयोजनाका लागि २ अर्ब रकमान्तर गरी निकासा दिएको छ। संघीय सरकारले यहीबीचमा सातै प्रदेशमा पोखरी निर्माणका लागि भन्दै ६ करोड रुपैयाँ रकमान्तर निकासा दिएको छ।

मंसिरमा मात्र सरकारले विभिन्न भ्रमणको व्यवस्थापनका लागि भन्दै ३ करोड १७ लाख रुपैयाँ निकासा दिएको छ।

1 2 3 347