Author Archives: डिजिटल दैनिक

आज क्रिसमस, विभिन्न कार्यक्रमका साथ मनाईदै

santa_claus_and_christmas
FacebookTwitterGoogle+PrintEmailShare

santa_claus_and_christmasकाठमाडौं, पुस ९ : आज २५ डिसेम्बर अर्थात् क्रिश्चियन धर्मका संस्थापक येशु ख्रिष्टको जन्मोत्सव । क्रिसमसडेका रुपमा विविध कार्यक्रम गरी मनाइँदैछ ।

दुई हजार वर्षअघि जेरुसेलमको बेथलेहममा कन्या मारियमको कोखबाट येशुको जन्म भएको विश्वास गरिन्छ । सर्वसाधारण मानिसलाई अन्याय, अत्याचार र विभेदबाट मुक्ति दिलाउन येशु आफैं क्रसमा चढेको उनका अनुयायीको भनाइ छ ।
येशुलाई जिसस क्राइस्ट पनि भनिन्छ । उनले मानव समुदायका लागि पुर्याएको योगदानको सम्झनामा इस्वी संवत् चलाइएको विश्वास गरिन्छ ।

नेपालमा हजारौं चर्च तथा ३० लाखभन्दा बढी क्रिश्चियन धर्मावलम्बी रहेको अनुमान छ । ०६४ अघिसम्म क्रिसमसडे चर्चमा मात्र सीमित हुने गरेकोमा केही वर्षदेखि सार्वजनिक स्थलमै विविध सांगीतिक कार्यक्रम गरेर मनाउने गरिएको छ ।

क्रिसमसका उपलक्ष्यमा काठमाडौंको ठमेल, बौद्धमा कार्यक्रम हुने गरेको छ । त्यस्तै ललितपुर, भक्तपुर, पोखरालगायत स्थलमा पनि सांगीतिक कार्यक्रम गर्ने गरिएको छ । क्रिसमस ट्रीलगायतका सजावटले बजार र ठूला व्यापारिकस्थलमा आकर्षण थपिने गर्छ ।

क्रिसमसको अवसरमा प्रधानमन्त्री केपी शर्मा ओली, पूर्वप्रधानमन्त्री शेरबहादुर देउवा लगायतले शुभकामना सन्देश दिएका छन् ।

सरकारले ०६४ पछि डिसेम्बर २५ का दिन सार्वजनिक बिदा दिने गरेकोमा गत वर्षबाट कटौती गरेको छ । यद्यपि, क्रिश्चियन धर्मालम्बीले भने आजको दिन बिदा पाउँछन् ।

उपसचिव संजेलले भने, ‘भ्रष्टचार गर्न नमानेर मलाई सरुवा गरियो’

sanjel

sanjelकाठमाडौं, पुस ९ : ओली सरकारलाई बिराटनगरबाट एकजना उपसचिवले कडा चुनौती दिएका छन् । विराटनगरबाट इटहरी सरुवा गरिएपछि आक्रोशित बनेका ती उपसचिवले सोमबार पत्रकार सम्मेलनै गरेर प्रधानमन्त्री, मन्त्री र सचिवलाई हाँक दिएका हुन् । उपसचिवले घुस खाएको प्रमाणित गरेर देखाउन प्रधानमन्त्री ओली, श्रममन्त्री गोकर्ण विष्ट र सचिव महेश दाहाललाई समेत चुनौती दिए ।

‘नेताले कति फटाइँ गर्छ, उनीहरुलाई नै सोध्नुस्, यो ४० वर्षको अवधिमा एकजना मान्छे देखाउनोस्, जसले प्रेम सञ्जेललाई घुस खुवाएँ भन्न सकोस्,’ आक्रोशित हुँदै ती उपसचिवले भने, ‘कोही माइकालाल जन्मिएको छ ? केपी ओलीसहित ?’
उपसचिव प्रेम सञ्जेल यत्तिमै रोकिएनन् । थपे– ‘मैले यहाँ लल्कारेर भन्छु, रंगशालामा आउनुस् । प्रेम सञ्जेललाई ४० वर्षको अवधिमा कहाँकहाँ म्यानुपुलेट गरियो रु कहाँ घुस खुवाइयो रु’

सञ्जेल गत असोज २५ गतेसम्म निर्वाचन कार्यालय मोरङमा कार्यरत थिए । असोज २५ गते उनी निर्वाचन कार्यालयबाट श्रम तथा रोजगार कार्यालय बिराटनगरमा सरुवा भए ।

श्रम तथा रोजगार कार्यालय बिराटनगरमा सरुवा भएको अढाइ महिना पनि नपुग्दै उपसचिव सञ्जेललाई सरकारले शुक्रबार सीप विकास कार्यालय इटहरीमा कामकाज गर्ने गरी सरुवा गरेको थियो ।

ओली र प्रचण्डलाई पार्टीका ४३ नेताको पत्र, राजनीतिक नियुक्ति किन बेचियो ?

nekapa

nekapaकाठमाडौं, पुस ७ : सरकारको नेतृत्वकर्ता दल नेकपाका ४३ केन्द्रीय सदस्यहरुले भ्रष्ट र विवादित छवी भएकाहरुको राजनीतिक नियुक्ति र मानपदवी खारेज गर्न माग गर्दै पार्टी नेतृत्वलाई ज्ञापन पत्र बुझाएका छन् ।

अध्यक्षद्वय केपी शर्मा ओली र पुष्पकमल दाहाल ‘प्रचण्ड’लाई ज्ञापन पत्र बुझाउँदै उनीहरुले दिगम्बर झा र विवादित व्यक्तिहरुलाई यथाशीघ्र पदबाट बर्खास्त गर्न अनुरोध गरेका छन् ।
यसअघि गत मंगलबारको स्थायी कमिटी बैठकमा पनि दिगम्बरको नियुक्तिमा नेता योगेश भट्टराईले प्रश्न उठाएका थिए ।

नेकपाका नेताहरुले सरकारको कार्यशैलीले कम्युनिष्ट सरकारको गरिमा र लोकप्रियतामा गम्भीर धक्का दिनेतर्फ नेतृत्वको ध्यानाकर्षण गराएका छन् । उनीहरुले यसलाई जारी स्थायी कमिटीको बैठकमा छलफलको विषय बनाउन मागसमेत गरेका छन् ।

ज्ञापन पत्रमा ‘मेरो समर्थन छ’ भनी समर्थन जनाएको भन्दै ३६ केन्द्रीय सदस्यहरुको नामावली छ । हस्ताक्षर नै गर्नेहरुमा भने कृष्ण के.सी. ठाकुर गैरे, माधव अर्याल, भाष्कर काफ्ले, रामकुमारी झाँक्री, जगन्नाथ खतिवडा र डा.विजयकुमार पौडेल गरी जम्मा ७ जना छन् ।

हेर्नुहोस् ज्ञापन पत्रको पूर्णपाठ

मिति ः २०७५/०९/०७
कमरेड अध्यक्षद्वय,
नेपाल कम्युनिष्ट पार्टी (नेकपा),
धुम्बाराही, काठमाडौं, नेपाल ।

विषय : भ्रष्ट वा विवादित छवी भएकाहरूको राजनीतिक नियुक्ति र मानपदवी तत्काल खारेज गरियोस् भन्ने बारे ।

कमरेड,
सयौं सहिद, हजारौं कार्यकर्ता र लाखौंलाख श्रमजीवी जनताको बलिदान र परिश्रमबाट अहिलेको अत्यधिक बहुमतसहितको कम्युनिष्ट सरकार गठन भएको हो भन्ने विषयमा दुईमत नहोला । यो सरकारले ‘भ्रष्टाचारबारे शून्य सहनशीलता’ को नीति शुरुमै घोषणा गरेको हो । यसैगरी सम्माननीय प्रधानमन्त्री तथा पार्टी अध्यक्ष कमरेड के।पी।शर्मा ओलीले ‘म भ्रष्टाचार गर्दिन र गर्न पनि दिन्न’ भन्नुभएको कुरा पनि आम जनमानसमा सञ्चारित भएकै छ । सरकारको भ्रष्टाचार विरोधी वचनवद्धताले तमाम कार्यकर्ता र नेपाली न्यायप्रेमी जनसमुदायमा आशा र भरोशा सञ्चार गरेकै हो । यसो हुँदाहुँदै पनि दिगम्बर झाजस्ता भ्रष्ट र विवादित छवीका मानिसहरुले राजनीतिक नियुक्ति पाउन सफल भए ।

यसैगरी सरकारको सिफारिसमा भ्रष्ट र विवादित छवी भएका मानिसहरु सम्माननीय राष्ट्रपति महोदयबाट विभुषित भए । यी र यस्ता कतिपय घटनाक्रम तथा काम(कारवाहीहरुले कम्युनिष्ट सरकारको गरिमा र लोकप्रियतामा गंभिर धक्का दिने हुँदा यसतर्फ पार्टी शीर्ष नेतृत्वको ध्यान जाओस् र यस कुरालाई जारी स्थाई कमिटीको बैठकमा छलफलको विषय बनाइयोस् । दिगम्बर झा र उनीजस्ता भ्रष्टाचारमा विवादित भएकाहरुलाई यथाशिघ्र पदबाट बर्खास्त गर्नका लागि पार्टीको तर्फबाट सरकारलाई आवश्यक निर्देशन दिइयोस् भन्नेसमेत विनम्र अनुरोध गर्न चाहन्छौं ।

कमरेड,

हामीले अघिल्लो ज्ञापनपत्रमा ज्वलन्त राजनीतिक विषयका साथै भ्रष्टाचारका विरुद्धको अभियानमा पार्टी शीर्ष नेतृत्वको ध्यानाकर्षण गराएका थियौं ।

कमरेड,

देश लामोसमयदेखि संस्थागत भ्रष्टाचारको दलदलमा भासिएको कुरा कमरेडहरुमा अवगत नै छ । एनसेलजस्ता कम्पनीहरुले हाकाहाकी कर छलिरहेका छन् र सरकारलाई विगतदेखि नै असहयोग गरिरहेका छन् । यस्ता संस्थागत भ्रष्टाचारका घटनाहरुलाई क्रमशः छिमल्दै र कार्वाहीको दायरामा ल्याउँदै जानका लागि तत्कालैदेखि अभियान सञ्चालन गर्न आवश्यक छ । यसको शुरुवात राजनीतिक नियुक्ति पाएका भ्रष्ट छवीका मानिसहरुको नियुक्ति खारेजीबाट गरियोस् भन्ने अनुरोध गर्न चाहन्छौं ।

कमरेड,

हामी सशरीर उपस्थित हुनसक्नेले हस्ताक्षर गरेका छौं भने विभिन्न कारणले सशरीर उपस्थित हुन नसक्नेहरुले विद्युतीय माध्यमबाट पठाउनुभएको स्विकारोक्तिलाई आधार मानी नाम उल्लेख गरेका छौं ।

– धन्यवाद

विद्युतीय माध्यमबाट ‘मेरो समर्थन छ’ भनी समर्थन जनाउने केन्द्रीय सदस्य कमरेडहरुको नामावली

१.रामचन्द्र झा
२. विजय गुरुङ
३. यदुवंश झा
४. सत्रुघ्न महतो
५. निरज आचार्य
६. धर्मराज निरौला
७. विश्वनाथ प्याकुरेल
८. प्रेमलकुमार खनाल
९. सरला यादव
१०. सिता गिरी ओली
११. रामकुमार ज्ञवाली
१२. रविन कोइराला
१३. पी.एल.श्रेष्ठ
१४. रविन्द्र बैठा
१५. दिलु पन्त
१६. सुधिर शाह
१७. योगनारायण यादव
१८. मोहम्मद महफुज अन्सारी
१९. विरोध खतिवडा
२०. जयन्ती राई
२१. मेटमणी चौधरी
२२. गणेश पहाडी
२३. चुडामणी जंगली
२४. सुरेन्द्र मानन्धर
२५. श्री प्रसाद शाह
२६. सुधिर शाह
२७. शेरबहादुर तामाङ
२८. तैयब हुसेन
२९. पशुपति चौलागाईं
३०. तुलबहादुर गुरुङ
३१. घनेन्द्र बस्नेत
३२. कृष्ण खनाल
३३. महेश्वर पाठक
३४. गोविन्दबिक्रम शाह
३५. श्रीमाया थकाली
३६. डा.वंशीधर मिश्र

उपस्थित भै हस्ताक्षर गर्ने केन्द्रीय सदस्य कमरेडहरु

३७.कृष्ण के.सी.
३८. ठाकुर गैरे
३९. माधव अर्याल
४०. भाष्कर काफ्ले
४१. रामकुमारी झाँक्री
४२. जगन्नाथ खतिवडा
४३. डा.विजयकुमार पौडेल

इन्डोनेसियामा सुनामी, ४३ जनाको मृत्यु

Indonesia-tsunami-770x433

Indonesia-tsunami-770x433काठमाडौं, पुस ७ : इन्डोनेसियाको समुद्रीतटमा आएको सुनामीमा परी कम्तीमा ४३ जनाको ज्यान गएको छ । ५८४ जना घाइते भएका छन् भने केही हराइरहेका छन् ।

इन्डोनेसियाको सुन्दा स्ट्रेटस्थित समुद्री तटमा सुनामी आएको हो ।
हराइरहेका तथा घाइतेको संख्या धेरै भएकाले मृत्युको संख्या बढ्न सक्ने अनुमान त्यहाँको विपद् व्यवस्थापन एजेन्सीले गरेको छ ।

विपद् व्यवस्थापन एजेन्सीका अनुसार, सुनामीबाट दुई जना हराइरहेका छन् । सयौं घरहरु भत्किएका छन् ।

तस्वीरस् ईपीए
सुनामीले सबैभन्दा धेरै पांडेलाङ, दक्षिण लाम्पुङ र सेराङ क्षेत्रमा क्षति पुर्‍याएको सरकारी अधिकारीहरुले बताएका छन् । विपद् व्यवस्थापन प्रमुखले सार्वजनिक गरेका तस्वीरहरुमा शहर पानीमा डुबेको देखिन्छ ।

क्राकाटोआ नामक ज्वालामुखी विस्फोटपछि समुद्रमुनि गएको पहिरोले सुनामी आएको हुनसक्ने अनुमान छ ।

इन्डोनेसिया ज्वालामुखी विस्फोट तथा भूकम्पको चपेटामा पर्दै आइरहेको छ । गत सेप्टेम्बरमा मात्रै भूकम्पपछि आएको सुनामीमा परी त्यहाँ २ हजारले ज्यान गुमाएका थिए ।

कांग्रेसमा विजय गच्छदारलाई २ सय महासमिति

bijaya kumar

bijaya kumarकाठमाडौं, मंसिर २९ : नेपाली कांग्रेसले तत्कालन मधेसी जनअधिकार फोरम लोकतान्त्रिकलाई कांग्रेसमा मिलाएका उपसभापति विजयकुमार गच्छदारलाई २०० महासमिति सदस्य दिने निर्णय गरेको छ ।

शुक्रबार बसेको केन्द्रीय समिति बैठकले गच्छदारलाई २ सय महासमिति सदस्य र १ सय ५० पर्यवेक्षक दिने निर्णय गरेको हो ।

गच्छदारले आम चुनावको पूर्वसंख्यामा पार्टी कांग्रेसमा विलय गराएका थिए । त्यसबेलाको सहमति अनुसार उनी उपसभापति भएपनि अरु नेताहरुलाई कांग्रेसले जिम्मेवारी लिएको छैन ।

नुवाकोटमा मिनी ट्रक दुर्घटनामा २० जनाको मृत्यु

Jeep accident12

Jeep accident12नुवाकोट, मंसिर २९ : नुवाकोटको दुप्चेश्वर गाउँपालिका–१, घ्याङफेदीमा शुक्रबार साँझ भएको मिनीट्रक दुर्घटनामा परी मृत्यु हुनेको संख्या २० पुगेको छ । घाइते १५ जनाको काठमाडौंमा उपचार भइरहेको छ ।

बा ३ ख ३९१३ नंं को मिनीट्रक दुर्घटना हुँदा १८ जनाको घटनास्थलमै मृत्यु भएको थियो । जिल्ला प्रहरी कार्यालय, नुवाकोटका प्रहरी नायव उपरीक्षक भीमलाल भट्टराईका अनुसार थप २ जनाको पनि मृत्यु भएको छ । १ को अस्पताल लैजाँदै गर्दा र अर्काको उपचारका क्रममा मृत्यु भएको हो ।
दुर्घटनामा तीन महिला र १७ पुरुषको ज्यान गए पनि हालसम्म ५ जनाको मात्रै सनाखत हुन सकेको छ । प्रहरीका अनुसार मृतकमध्ये रिभल तामाङ, आइते तामाङ, रितेश पण्डित, केनम तामाङ र शुकराम तामाङको मात्रै पहिचान खुलेको छ ।

सवारीसाधन अभाव भएपछि घाइतेलाई अवेर राति मात्रै काठमाडौं ल्याइएको छ । काठमाडौं ल्याइएका ८ को शिक्षण अस्पताल र ७ जनाको बिपी स्मृति अस्पतालमा उपचार भइरहेको प्रहरीले जनाएको छ ।

अधिकांश सिम्टाङस्थित आफन्तकोमा आयोजित घेवामा सहभागी भएर घर फर्किंदै थिए । मिनीट्रक सडकबाट करिब ५ सय मिटर तल तादी खोलामा खसेको छ ।

कांग्रेस महासमिति बैठक आजदेखि सुरु, विधान संशोधन मुख्य एजेण्डा

nc

ncकाठमाडौं, मंसिर २९ : प्रमुख प्रतिपक्षी दल नेपाली कांग्रेसको महासमिति बैठक आजबाट सुरु हुँदैछ ।

सिंहदरबार अगाडिको यलम्बर पार्टी प्यालेसमा आयोजित समारोहमा पार्टी महासमिति बैठक उद्घाटन हुने पार्टी प्रवक्ता विश्वप्रकाश शर्माले जानकारी दिए ।
आगामी पुस ३ गतेसम्म चल्ने बैठकमा महासमिति सदस्य, जिल्ला सभापति र परेवेक्षक गरी झण्डै एक हजार ६०० प्रतिनिधि सहभागी हुने छन् । प्रतिनिधिहरुको सहभागिताले अहिले योगम्बर पार्टी प्यालेसमा चहलपहल बढेको छ ।

बैठकमा पार्टीको केन्द्रीय समितिमा छलफल भइसकेका विभिन्न पाँच विषयका दस्तावेज पेस गर्ने कार्यतालिका छ ।

बैठकमा उपसभापति विमलेन्द्र निधिले राजनीतिक, महामन्त्री डा शशांक कोइरालाले सांगठनिक तथा महामन्त्री पूर्णबहादुर खड्काले विधान संशोधन प्रस्ताव पेस गर्ने बताइएको छ । त्यसैगरी सहमहामन्त्री डा प्रकाशशरण महतले समग्र आर्थिक नीति र कोषाध्यक्ष सीतादेवी यादवले पार्टीको आन्तरिक आर्थिक प्रतिवेदन पेश गर्नेछन् ।

विधान मस्यौदाबाहेक सबै प्रतिवेदन केन्द्रीय कार्यसमिति बैठकले परिमार्जनसहित पारित गरिसकेको छ भने विधान मस्यौदामा पदाधिकारी सङ्ख्या र पदाधिकारीको निर्वाचनबारे बहस जारी छ ।

महासमितिले एउटा महाधिवेशन समाप्त भई अर्को महाविधेशन प्रारम्भ नहुँदाको अवस्थामा केन्द्रीय कार्यसमितिका पदाधिकारी र सदस्यको निर्वाचनबाहेक महाधिवेशनको सबै कार्य गर्ने पार्टी विधानमा उल्लेख छ ।

त्यस्तै विधानको दफा २० मा महासमितिको साधारण बैठक प्रत्येक एक वर्षमा एक पटक हुने उल्लेख भए पनि ०७२ सालमा सम्पन्न पार्टीको १३ औँ महाधिवेशनपछि हुन लागेको यो पहिलो महासमिति बैठक हो । विधानअनुसार महाधिवेशन हुने वर्षमा भने महासमितिको बैठक हुँदैन ।

पार्टीको महाधिवेशन पछिको सर्वोच्च निकाय महासमिति बैठक भएकाले यसले कांग्रेसलाई गतिशील बनाउने अपेक्षा कांग्रेसीहरुले गरेका छन् ।

पाँच प्रदेशमा पराजित भएपछि मोदीले भने, ‘हारजित जीन्दगिको हिस्सा’

modi aa

modi aaकाठमाडौं, मंसिर २६ : भारतीय प्रधानमन्त्री नरेन्द्र मोदीले पाँच राज्यको विधानसभा निर्वाचन परिणाम सार्वजनिक भएपछि हारजीत जिन्दगीको हिस्सा भएको बताएका छन् ।

प्रचण्ड बहुमतसहित केन्द्रमा सरकार चलाइरहेको भारतीय जनता पार्टी (भाजपा)ले अघिल्लो निर्वाचनको तुलनामा १८५ सिट गुमाएपछि उनले सामाजिक सञ्जाल ट्विटरमा यस्तो धारणा व्यक्त गरेका हुन् ।

‘म कार्यकर्ताको मिहनेतलाई सलाम गर्छु’, उनले मंगलबार ट्विटरमा लेखेका छन्, ‘हारजीत जिन्दगीको हिस्सा हो ।’
विधानसभा चुनावमा आफ्ना कार्यकर्ताले दिनरात मिहिनेत गरेको भन्दै उनले प्रशंसा गरेका छन् ।

जनताको म्यान्टेड स्विकार्य

नतिजा सार्वजनिक भएलगत्तै भारतीय प्रधानमन्त्री नरेन्द्र मोदीले जनताको म्यान्डेट स्विकार्य भएको बताएका छन् । मोदीले ट्विटरमा भनेका छन्, ‘हामी जनताको म्यान्डेट विनम्रतापूर्वक स्विकार गर्दछौं ।’

२०१३ को निर्वाचनमा बहुमत दिएकोमा छत्तीसगढ, मध्यप्रदेश र राजस्थानका जनतालाई धन्यवाद भनेका छन् । तीनवटै राज्यमा आफ्नो पार्टीको सरकारले अथक रुपमा जनताको काम गरेको उनको भनाइ छ ।

मध्यप्रदेशमा ५७, राजस्थानमा ९० र छत्तीसगढमा ३४ सिट गुमाएको भाजपा तीन वटै राज्यमा दोस्रो ठूलो दल बनेको छ । अघिल्लो चुनावमा पाँच सिट जितेको तेलंगनामा भाजपाले एक सिट मात्रै जितेको छ भने मिजोरममा पहिलो पटक एक सिट जित्न सफल भएको छ ।

वाईडवडि जहाजको छानविन गर्न लेखासमितिले बनायो उपसमिति

lekha samiti

lekha samitiकाठमाडौं, मंसिर २६ : संसदको सार्वजनिक लेखा समितिले वाइडबडी विमान खरिदबारे छानबिन गर्न उपसमिति बनाएको छ ।

समितिको बुधबार बसेको बैठकले सत्तारुढ नेकपाका सांसद कृष्णलाल महर्जनको संयोजकत्वमा उपसमिति बनाएको हो ।

उपसमितिमा सांसदहरु राजन केसी, चन्दा अधिकारी, प्रदीप यादव, प्रेम आले, धर्मशीला चापागाईँ र मीना सुब्बा सदस्य छन् । उपसमितिलाई १५ दिनभित्र प्रतिवेदन बुझाउन भनिएको छ ।

उत्तरप्रदेशका मुख्यमन्त्री आदित्यनाथ जनकपुरमा

yogo a

yogo aकाठमाडौं, मंसिर २६ : उत्तरप्रदेशका मुख्यमन्त्री योगी आदित्यनाथ जनकपुरधाम आएका छन् । विवाह पञ्चमी महोत्सवमा मुख्य अतिथिको रुपमा आदित्यनाथ जनकपुरधाम आएका हुन् ।

निजी विमान चढेर जनकपुर विमानस्थलमा ओर्लिएका आदित्यनाथ त्यहाँबाट सीधै जानकी मन्दिरमा गएका थिए । जानकी मन्दिरमा उनले पूजा गरेका छन् ।

y g
विमानस्थलमा प्रदेश २ का मुख्यमन्त्री लालबाबु राउत र नेपालका लागि भारतीय राजदूत मन्जिवसिंह पुरीले आदित्यनाथलाई स्वागत गरेका थिए ।

1 2 3 4 347