Author Archives: डिजिटल दैनिक

एमालेको राष्ट्रपतिको उम्मेदबार विद्या भण्डारी

bidhyadevi-bhandari
FacebookTwitterGoogle+PrintEmailShare

काठमाडौं, कात्तिक ९ : नेकपा एमालेले उपाध्यक्ष विद्या भण्डारीलाई राष्ट्रपतिको उम्मेदवार बनाउने निर्णय गरेको छ ।प्रधानमन्त्री निवास बालुवाटारमा बसेको एमाले स्थायी कमिटीको बैठकले भण्डारीलाई उम्मेदवार बनाउने निर्णय गरेको हो ।

संसदमा सत्तारुढ गठवन्धनको बहुमत भएकाले भण्डारी पहिलो महिला राष्ट्रपति बन्ने लगभग पक्का जस्तै भएको छ ।सहमतिका आधारका राष्ट्रपति चयन गर्न दलहरु असफल भएपछि संसदले बुहमतीय प्रक्रिया सुरु गरिसकेको छ ।

भोलि मंगलबार उम्मेदवारीको समय तोकिएको छ । ११ गतेको संसद बैठकमा मतदान हुनेछ ।

भोलीदेखि चीनबाट पेट्रोल आउने

tankar

काठमाडौं, कात्तिक ९ : भारतले अघोषित रुपमा नाकावन्दी गरेर पेट्रोलियम पदार्थको आपुर्ति रोकेपछि उत्तरी छिमेकी चीनले तत्कालका लागि अनुदानको रुपमा पेट्रोल पठाउने भएको छ ।

६ महिनापछि चीनले सञ्चालनमा ल्याएको केरुङ नाका आइतबारबाट पूर्णरूपमा सुचारु भएको छ ।
आइतबारबाट चीन प्रवेशका लागि दिइने वान डे पास समेत १३ वटा गएको अध्यागमन कार्यालयका निमित्त प्रमुख मेदनीप्रसाद सापकोटाले बताए। चीनले दक्षिणको नाकामा अवरोध भएपछि आफ्नो तर्फको नाका केरुङ हुँदै मंगलबारबाट पेट्रोलियम पदार्थ उपलब्ध गराउने तयारी गरेको छ।
नेपाली भूभाग पासाङल्हामु मार्गको काठमाडौंदेखि स्याफ्रु र स्याफ्रुदेखि रसुवागढीसम्मको सडक चालु हालतमा छ। ‘हामीपट्टिको सडकमा कुनै अवरोध छैन ।
रसुवागढी जलविद्यत, चिलिमे र सान्जेन जस्ता जलविद्युत् आयोजनाको कामका लागि चाहिने इन्धन यही मार्ग हुँदै परियोजनास्थलसम्म जाने गरेका छन् ।
सिन्धुपाल्चोकतर्फको तातोपानीमा सडक ट्रयाक निर्माण गरे पनि सामान आयातनिर्यात अझै हुन सकेको छैन। केरुङमा चार गाडी सामान भूकम्पअघि थन्किएर बसे पनि नाका खुल्ने भएपछि चीनको व्यापारिक सहर गोन्जाउबाट सामान आयातका लागि निर्यातकर्ता ट्रान्सपोर्ट कम्पनीहरूलाई जिम्मा दिई ल्याइरहेको व्यापारीहरू बताउँछन्।
गत आर्थिक वर्षमा रसुवागढी भन्सार कार्यालयले २७ करोड राजस्व संकलन गरेको थियो। चीनले गत ०७१ मंसिर १५ गते अर्थात् २०१४ डिसेम्बर १ बाट विधिवत् रूपमा रसुवागढी नाकालाई तातोपानी नाकासरह बेइजिङसम्मको पहुँच र्पुयाएको हो। त्यसभन्दा अघि बोर्डर ट्रेडको रूपमा तिब्बतसँग मात्रै रसुवागढी नाका सञ्चालनमा थियो।

चीनले सन् २०२० सम्ममा रेल ल्याउने तयारी समेत गरेको विभिन्न सञ्चार माध्यमले जनाइसकेका छन्।

दसै व्यापार : बस चढेपछि भाडा एक हजार रुपैया !

b;}Fdf ;'g;fg ag]sf] sf7df8f]}Fsf] rxnkxn ;'? . tl:a/ M /f]zg ;fksf]6f, /f;;

गोरखा, कात्तिक ८ : पेट्रोलियम पदार्थको अभावले गर्दा दसैँ मानेर गन्तब्यमा फर्केका गोरखाका यात्रु समस्यामा परेका छन् । अहिले यहाँका ३२ ओटा ग्रामीण मार्गमा १० ओटा मात्रै सवारी चलेका छन् । यात्रुहरुले बस, जीप, ट्र्याक्टर, माइक्रोमा चर्को भाडा तिरेर गन्तब्यमा जानुपरेको गुनासो गरेका छन् ।

गोरखा बसपार्कबाट काठमाडौँका लागि छुटेका यात्रुबाहक गाडीले प्रतियात्रु रु एक हजार भाडा उठाएका छन् । “छतमा चढेर यात्रा गर्दा पनि सिटमा बसेकै भाडा लिन्छन्,” मसेलका विशाल गुरुङ्गले भने “एउटै गाडीमा १८० जनाभन्दा बढी यात्रु कोचिएका हुन्छन् । प्रत्येक यात्रुसँग रु एक हजारका दरले भाडा उठाउँछन् ।”

भच्चेक बजार, बालुवा बजार, बारपाक, भालुस्वाँरा, हर्मी, चोरकाटे, छोप्राक, पालुङटार, आँपपीपललगायत ठाउँका यात्रुहरु गाडीमा कोचिएर यात्रा गर्न बाध्य छन् । साविकको भाडाभन्दा दोब्बर, तेब्बर भाडा उठाएर यातायात व्यवसायीले ग्रामीण रुटमा बस चलाएका छन् । दैनिक २० भन्दा बढी सवारी यात्रु बोकेर काठमाडौँ गएपनि इन्धन अभाव भएपछि दैनिक छ ओटामात्रै सवारी चल्दै आएको छ ।

चितवनको ठोरीबाट महङ्गो मूल्य तिरेर ल्याएको तेल बसमा राखेर यातायात व्यवसायी समिति गोरखा र पृथ्वी राजमार्ग बस सञ्चालक समितिका व्यवसायीले बस, माइक्रो, ट्रक चलाएका छन् । रातो प्लेटका मालबाहक जीपले पनि नियम विपरीत यात्रु बोकेका छन् । गोरखास्थित कलश आयल स्टोर्सबाट भने रुटमा छुटेका बसलाई मात्रै इन्धन उपलब्ध गराएको छ ।

स्थानीय प्रशासनले यात्रु लिएर काठमाडौँ गएका सवारीलाई ३० लिटरका दरले इन्धन उपलब्ध गराएको हो । इन्धन नपाएर अधिकांश सवारीसाधन बसपार्क ग्यारेजमा थन्किएको व्यवसायीले जनाएका छन् ।

गोरखा–काठमाडौँको भाडा माइक्रोमा ३ सय ९० रुपैया हो । तर, पेट्रोलियम पदार्थको अभाव भएको मौका छोपेर व्यवसायीले रु एक हजार भाडा उठाएका हुन् । त्यस्तै मिनीबसको भाडा रु ३५० भएपनि अहिले व्यवसायीले प्रतियात्रु रु सात सय भाडा लिँदै आएका छन् । बसमा कोचिएर यात्रा गर्दा यात्रुहरु बेहोससमेत हुने गरेका छन् । एउटै गाडीमा छ जनासम्म बेहोस हुने गरेको यात्रुहरु गुनासो गर्छन् ।

जिल्ला प्रहरी कार्यालय गोरखाले बसको छतमा बसेर जोखिमपूर्ण रुपमा यात्रा नगर्न सर्वसाधारणलाई अनुरोध गरेको छ । कच्ची सडकमा छत चढेर यात्रा गर्दा दुर्घटना हुने भएकाले छतमा यात्रु नचढाउन व्यवसायी, यातायात मजदुर र यात्रुलाई प्रहरीले आग्रह गरेको छ । तर, व्यवसायीले छतमा राखेर यात्रुलाई गन्तब्यमा पु¥याइआएका छन् ।

मझुवा देउराली, बाह्रकिलोलगायत मुख्य चोकमा प्रहरी, ट्राफिक प्रहरीले छतमा बसेका यात्रुलाई ओराले पनि प्रहरी बिट कटेपछि यात्रुहरु छतमा चढेर यात्रा गर्दै आएका छन् । यातायात व्यवसायी समिति गोरखाका अध्यक्ष नारायण खत्रीले छतमा जोखिमसाथ यात्रा नगर्न यात्रुलाई आग्रह गरिएको बताउनुभयो ।

“छतमा चढेर यात्रा नगर्नुहोला,” उनले भने, ‘पेट्रोलियम पदार्थको जोहो गरेर सकेसम्म यात्रुलाई सुरक्षितसाथ गन्तब्यमा पु¥याउने हाम्रो तयारी छ ।’ रासस

पेट्रोलियम पदार्थको अभावबारे राष्ट्र संघ चासो, भूकम्प पीडितको काम गर्न कठिनाई

6964d-united_nations_logo360

काठमाडौं, कात्तिक ८ : सयुक्त राष्ट्र संघले विगत एक महिनादेखि लगाएको अघोषित नाकाबन्दीको कारण चरम इन्धन अभाव भएपछि ६ महिनाअघि भूकम्पले थिल्थिलो बनाएको समुदायसम्म अत्यावश्यक सामग्री आपूर्तिमा कठिनाई भएको बताएको छ ।
भारत र नाकाबन्दी शब्द उच्चारण नगरिकन राष्ट्रसंघले यो कठिनाइप्रति गम्भीर ध्यानाकर्षण भएको जनाउँदै इन्धन अभावको अवस्था तत्काल अन्त्य हुनुपर्नेमा जोड दिएको छ ।
जाडोयाम शुरु भइसकेकोले हिउ पर्नुअघि नै अत्यावश्यक सामग्रीहरु प्रभावित क्षेत्रमा आपूर्ति गर्नुपर्नेमा इन्धन अभावले समस्या परेको जानकारी सबै निकायलाई गराइएको संयुक्त राष्ट्रसंघको मानवीय सहायता समूह (युएनओचा) ले जनाएको छ । युएनओचाले भूकम्प प्रभावितको लागि अत्यावश्यक सामग्रीहरु वितरण गर्न ढिलो भएको भन्दै चरम इन्धन अभावले यसमा समस्या उत्पन्न भएको उल्लेख गरेको हो । उसले हरेक महिनाजस्तो यहाँको भूकम्प पीडितहरुको पछिल्लो अवस्था बारेमा जानकारी दिँदै आएको छ ।
युएनओचाले उसका अन्तराष्ट्रिय सहयोग निकाय तथा मुलुकहरुलाई समेत नेपालको पछिल्लो अवस्था र इन्धन अभावको जानकारी गराइसकेको छ । ‘असोज पहिलो सातादेखि इन्धनको अभाव हुँदा जाडोयाममा जिविकोपार्जनको लागि चाहिने वस्तुहरुको आपूर्ति प्रक्रिया अवरुद्ध भएको छ,’ राष्ट्रसंघका आवासीय प्रमुख तथा मानवीय सहायता संयोजक जेमी म्याकगोल्डरिकले जारी गरेको विज्ञप्तिमा उल्लेख गरिएको छ ।
पूननिर्माण प्राधिकरणले यसमा तत्काल काम गर्न आवश्यक भएकोमा राष्ट्रसंघले जोड दिँदै प्राधिकरणले काम गर्नथालेमा यो प्रक्रिया छिटोअघि बढ्ने समेत जनाएको छ । यो जाडोयाममा ८० हजार परिवारलाई बास र खानेकुराको ब्यवस्था तत्काल गर्नुपर्ने अवस्था रहेको राष्ट्रसंघले जनाएको छ । सात लाख परिवारलाई गासबासको ब्यवस्था गर्नुपर्नेमा त्यसमध्ये धेरैले स्थायी समाधान नपाएको र अस्थायी रुपमा बसिरहेकाको अवस्था नाजुक रहेकोसमेत उल्लेख गरेको छ ।

कांग्रेस र एमालेले राष्ट्रपतिमा दावी गरेपछि सहमतिको समय गुज्रियो, ११ गते निर्वाचन हुने

sarbadalia

काठमाडौं, कात्तिक ८ : राष्ट्रपतिमा कांग्रेस र एमाले दुवैले दावी गरेपछि सहमति जुटाउन बसेको सर्वदलिय बैठक विना निष्कर्ष टुङ्गिएको छ ।

दलहरुबीच सहमत हुन नसकेपछि सहमतिय प्रक्रियाबाट राष्ट्रपति चयन नहुने भएको छ । सहमतिका आधारमा राष्ट्रपति चयनका लागि आईतबारसाँझसम्मको समय दिइएको थियो ।

आईतबार दिउसो प्रधानमन्त्री केपी शर्मा ओलीले आह्वान गरेको सर्वदलिय बैठकमा एमाले र काँग्रेसका तर्फबाट आआफ्ना उम्मेदवारी दिने धारणा प्रस्तुत भएपछि सहमति जुट्न नसकेको हो ।
व्यवस्थापिका–संसद् भवन नयाँ बानेश्वरमा भएको बैठकमा सहमतिका आधारमा राष्ट्रपतिको चयन हुन थप समय दिने वा प्रक्रियामा अघि बढ्ने भन्नेमा नेताहरुबीच मत्यैक्य भएन ।
संसद् सचिवालयले सहमतिका आधारमा राष्ट्रपति चयनका लागि आईतबारसम्मको समय निर्धारण गरेको छ भने सहमति नभएमा यही कात्तिक ११ गते निर्वाचन हुने कार्यक्रम छ ।

चीनबाट पेट्रोलियम पदार्थ आपूर्तिको उपायबारे छलफल

petrol tanker

काठमाडौँ, कात्तिक ६ : सत्ता साझेदार दल एनेकपा माओवादीको अगुवाइमा चीनबाट पेट्रोलियमलगायत अत्यावश्यक सामग्रीको आपूर्ति गर्नेबारेमा उच्च तहमा छलफल भएको छ ।

एमाओवादीका उपाध्यक्ष नारायणकाजी श्रेष्ठको सक्रियातामा शुक्रबार यहाँ वाणिज्य तथा आपूर्तिमन्त्री गणेशमान पुन, नेपालका लागि चिनियाँ राजदूत वु चुन्ताइ र चीनका लागि नेपाली राजदूत डा महेश मास्केबीच चिनियाँ नाकाबाट अत्यावश्यक सामग्री आपूर्ति गर्नेबारेमा विचारविमर्श भएको हो ।
“नेपाल–भारत सीमा नाकामा झन्डै एक महिनादेखि उत्पन्न असहज परिस्थितिका कारण कष्टकर बन्दै गएको देशको पछिल्लो अवस्थालाई दृष्टिगत गरी पूर्वउपप्रधानमन्त्री श्रेष्ठको अगुवाइमा औषधि, इन्धनलगायत अति आवश्यक वस्तुको ढुवानी र पारस्परिक विषयमा कुराकानी भएको हो, ” उच्चस्तरीय छलफलबारे जानकारी दिँदै श्रेष्ठका सहयोगी सुसन कर्माचार्यले बताईन् ।
शुक्रबार नै चिनियाँ राजदूतसँगको छलफलपछि मन्त्री पुन र नेता श्रेष्ठले त्यसबारेमा प्रधानमन्त्री केपी शर्मा ओलीलाई जानकारी गराएका थिए ।
चिनियाँ र नेपाली अधिकारीका प्रयासमा भूकम्पसँगै गएको पहिराका कारण अवरुद्ध रसुवाको केरुङ नाका केही दिन अघि खोलिएको थियो । नाका खुलेकै दिन फेरि पहिराले बन्द भएको केरुङ मार्गलाई शीघ्र सञ्चालन गर्न दुवै मुलुकका सम्बद्ध कर्मचारी अहोरात्र खटेका छन् ।

राष्ट्रपति र उपराष्ट्रपति निर्वाचन प्रक्रिया शनिबारदेखि सुरु हुने

Sambidhansava-bhaban

काठमाडौँ, कात्तिक ६ : नयाँ संवैधानिक व्यवस्थाअनुसार व्यवस्थापिका–संसद्मा शनिबारदेखि राष्ट्रपति र उपराष्ट्रपति निर्वाचनको प्रक्रिया प्रारम्भ हुँदैछ ।

राष्ट्रपति र उपराष्ट्रपति निर्वाचनको प्रक्रिया सुरु गर्न शनिबार अपराह्न ३ बजे संसद् बैठक बस्दैछ । राष्ट्रपति र उपराष्ट्रपति निर्वाचनको कार्यतालिका प्रस्तुत गर्ने र संसद् सचिवालयका महासचिवलाई निर्वाचन अधिकृत तोक्ने बैठकको कार्यसूची छ ।
“सहमतिका माध्यमबाट दुवै पदपूर्ति गर्न सदनले राजनीतिक दलहरूलाई कात्तिक ८ गते आइतबारसम्म समय दिने र त्यसो नभए १० गते मङ्गलबार निर्वाचनको मिति निर्धारण हुने प्रबल सम्भावना छ,”– निर्वाचनबारे जानकारी दिँदै व्यवस्थापिका–संसद् सचिवालयका सहायक प्रवक्ता सुदर्शन कुँइकेलले बताए ।
राष्ट्रपति र उपराष्ट्रपति सहमतिमा चयन नभएर निर्वाचन भएमा उम्मेदवारले प्रचारप्रसारका निम्ति कात्तिक ९ गते समय समेत पाउन सक्ने सम्भावनालाई उहाँले नकार्नुभएन । ती दुवै पदमा गोप्य मतदान हुने व्यवस्था संविधानले गरेको छ ।

संविधान संशोधन विधेयक छिटो अघि बढाऊ : कोइराला

PM Briefs Media

काठमाडौं, कात्तिक ६ : कांग्रेसका सभापति एवं पूर्व प्रधानमन्त्री सुशील कोइरालाले आफ्नो नेतृत्वको सरकारका पालामा आन्दोलनरत् मधेसी दललाई वार्तामा ल्याउने गरिएको प्रयास र समाधान खोज्न संसदमा दर्ता गराईको संविधान संशोधनको प्रस्तावले सार्थक बनाउनुपर्ने बताएका छन् । कोइरालाले पूर्ववर्ती सरकारको प्रयासलाई वर्तमान सरकारले परिणाम मुखी बनाउने विश्वास व्यक्त गरेका छन् ।

विजया दशमीका अवसरमा समस्त नेपालीमा शुभकामना व्यक्त गर्दै कोइरालाला सांस्कृतिक चाड पर्वहरुले कायम गरेको राष्ट्रिय एकतालाई अक्षुण्ण राख्न सबै नेपालीले बुद्धिमता र विवेकपूर्ण ढंगले काम गर्न जरुरी रहेको भनेका छन् ।
उनले सशस्त्र द्धन्द्धको अन्त्य गरी संविधान लेखनसम्मको प्रक्रियाको अनुभवले मधेस आन्दोलनलाई व्यवस्थापन गर्न सहयोगी हुने उल्लेख गरेका छन । ‘सशस्त्र द्धन्द्धको शान्तिपूर्ण समाधान सहित संविधान लेखन र घोषणा गरिसकेको हाम्रो अनुभव देशको तराई मधेशमा देखिएको समस्याको समाधानमा पनि उपयोगी हुनेछ‘ कोइरालाले जारी गरेको विज्ञप्तीमा भनिएको छ ′हामीले भर्खरै जारी गरेको नेपालको संविधान नेपालमा दिगो शान्ति, राजनीतिक स्थायित्व, विकास र नेपाली जनताको सुख र समृद्धिको आधार हुने मैले विश्वास लिएको छु ।‘

 

आयरल्याण्डलाई ३ विकेटले हराएपछि नेपाल यू १९ विश्वकपका लागि छनोट

cricket

काठमाडौं, कात्तिक ५ : आयरल्याण्डलाई ३ विकेटले पराजित गर्दै नेपाल आगामी वर्ष बंगलादेशमा हुने यू १९ विश्वकपका लागि छनोट भएको छ । यो जितसँगै नेपालले सातौंपटक यू १९ विश्वकप खेल्ने पक्का भएको हो ।

मलेसियाको क्वालालमपुरमा भएको फाइनल खेलमा आयरल्याण्डले टस जितेर पहिलो ब्याटिङ रोजेको थियो । पहिलो विकेट मात्र ९ रनमा गुमाएको आयरल्याण्डको पारीलाई मध्यक्रमका ब्याट्स्म्यानहरुले सम्हालेका थिए । आयरल्याण्डका लागि ग्रे म्याक्लिन्टकले ४५, एन्ड्य्रु अस्टिनले ४४ र लोरकन टकरले ३३ रन बनाएका थिए । आयरल्याण्डले ४७।४ ओभरमा सबै विकेट गुमाउँदै मात्र १८४ रन बनाउन सक्यो ।

१८५ रनको लक्ष्य पछ्याउन मैदान प्रवेश गरेको नेपाली टोलीका प्रारम्भिक ब्याट्स्म्यान सन्दिप सुनारलाई पहिलो बलमै गुमाएको थियो । सन्दिपले हिजो बुधबार आयरल्याण्डसँगकै खेलमा ८५ रन बनाएका थिए । अर्का ओपनर ब्याट्स्म्यान सुनिल धमलाले ४७ रन बनाए । उनले हिजोको खेलमा ७५ रन बनाएका थिए । यस्तै नेपाल नेपालका मध्यक्रमका ब्याट्स्म्यान राजु रिजालले ३५ रनको योगदान दिएका थिए । यस्तै आरिफ शेखले २१ र दिपेन्द्रसिंह ऐरीले २६ रन बनाएका थिए । नेपालका लागि बलिंङ तर्फ आरिफ शेखले ३ विकेट लिए ।

उनले ८ ओभर बलिङ गर्दै मात्र २१ रन दिएका थिए । अर्का बलर ललितनारायण राजवंशीले ४ विकेट लिए । उनले १० ओभरमा १ मेडन राख्दै ३६ रन दिएका थिए । दिपेन्द्र ऐरीले पनि २ विकेट लिएका थिए । बुधबार आयरल्याण्ड सँगै भएको खेलमा कसिलो बलिङ गरेका प्रेम तामाङ भने आज चलेनन् ।

राष्टपति र प्रधानमन्त्रीद्धारा दसैको शूभकामना, आर्थिक र सामाजिक विकासको कामना

yadav and oli

काठमाडौं, कात्तिक ५ : राष्ट्रपति डा रामवरण यादवले नयाँ संविधान निर्माणसँगै मुलुकमा आर्थिक एवम् सामाजिक विकासतर्फ केन्द्रित गर्ने बाटो खुलेको बताएका छन् ।

बडादसैं २०७२ का अवसरमा राष्ट्रपति डा यादवले आज दिएको शुभकामना सन्देशमा देश–विदेशमा रहेका सम्पूर्ण नेपालीलाई सुख, शान्ति र समृद्धिका लागि हार्दिक एवम् मङ्गलमय शुभकामना व्यक्त गर्दै प्रमुख राजनीतिक मुद्दा निरुपण भएको पृष्ठभूमिमा अब सम्पूर्ण सोच र शक्ति आर्थिक क्रान्तिका लागि साझा राष्ट्रिय लक्ष्यमा लाग्नुपर्ने जनाएका छन् । ‘जननिर्वा्चित प्रतिनिधिबाट संविधान बनाउने हाम्रो झण्डै सात दशक पुरानो राष्ट्रिय सपना भर्खरै साकार भएको छ । संविधानसभाबाट नेपालको संविधान जारी भएको सुअवसरमा पुनः हार्दिक बधाई ज्ञापन गर्दछु’ उनले सन्देशमा भनेका छन्, ‘नयाँ संविधानको कार्यान्वयनसँगै झण्डै एक दशकअघि सुरु गरिएको शान्ति प्रक्रिया टुङ्गिएको छ भने जनआन्दोलनका उपलब्धि बनेका लोकतान्त्रिक गणतन्त्र, सङ्घीयता, समावेशीताले संस्थागत स्वरुप प्राप्त गरेका छन् ।’
सन्देशमा संविधान निर्माण आफैँमा एउटा निरन्तर प्रक्रिया भएको र यसको अभ्यास तथा कार्यान्वयन गर्दै अघि बढ्दा यो थप परिष्कृत, समावेशी र न्यायपूर्ण हुँदै जाने भन्दै नेपालको नयाँ संविधान देशमा संविधानवाद र लोकतन्त्रका आधारभूत मान्यता स्थापित गर्दै नेपालबाट सबै प्रकारका विभेद, अन्याय र शोषणलाई अन्त्य गर्न सफल हुने विश्वास व्यक्त गरिएको छ । संविधानले हिमाल, पहाड, तराई, मधेश या पूर्व–पश्चिममा बसोबास गर्ने भिन्नभिन्न जातजाति, वर्ण, भाषा, धर्म र सामाजिक एवम् सांस्कृतिक पहिचान बोकेका सबै नेपालीको लागि समान अवसरको ढोका खोली राष्ट्रिय एकता सुदृढ पार्न र सामाजिक सदभाव एवम् क्षेत्र, जातजाति र समुदायबीच आपसी भाइचारा कायम गर्न उल्लेख्य योगदान दिन सफल रहोस् भन्ने कामना राष्ट्रपतिको रहेको छ । ‘चाडपर्व नेपाली समाजका गहना हुन् । हरेक ऋतु परिवर्तनसँगै आइरहने चाडपर्वले हाम्रो भौगोलिक, धार्मिक, सांस्कृतिक, जातीय र भाषिक विविधतालाई आपसमा गाँसेर सामाजिक सदभाव, राष्ट्रिय एकता र साझा नेपाली पहिचान कायम गर्नमा महत्वपूर्ण योगदान गरेका छन’ सन्देशमा भनिएको छ, ‘विभिन्न जात–जाति, समुदाय, भूगोल र धर्माबलम्वीका विशिष्ट परम्परा हाम्रो राष्ट्रिय एकताको मियोका रुपमा रहेका छन् ।’
उनले दसैं, तिहार, छठ, ल्होसारजस्ता पर्वलाई साझा सांस्कृतिक उत्सवका रुपमा विस्तार र विकास गर्नेतर्फ ध्यान दिनु समायोचित हुने पनि बताएका छन् । विनाशकारी भूकम्पले फैल्याएको सन्त्रास र क्षतिबाट मुलुकको ठूलो भू–भाग अद्यापि आक्रान्त रहिरहेकै अवस्थामा देशको केही भ–ूभाग, विशेषतः तराई, मधेश आन्दोलित र अशान्त हुन पुगेको तथा निरन्तरको बन्द, हड्ताल र असुरक्षाले तराई, मधेशका जनताको जीवनयापन अत्यन्त कष्टकर हुँदै गइरहेको स्मरण गराउँदै उनले लाखौँ बालबालिकाको पढाइ बर्बाद भएको, सिङ्गो मुलुककै उद्योग, कलकारखाना, बैंक–वित्तीय प्रणाली र राष्ट्रिय अर्थतन्त्रमा समेत प्रतिकूल असर पार्न थालेकामा राष्ट्रपतिले चिन्ता व्यक्त गरेका छन् । सन्देशमा भनिएको छ, ‘लोकतन्त्रमा विरोध, हड्ताल र आन्दोलनलाई स्वभाविक प्रक्रियाका रुपमा लिइन्छ । विरोध र आन्दोलनको स्वरुप भने सधैं लोकतान्त्रिक र शान्तिपूर्ण हुनुपर्ने हुन्छ । आन्दोलनकारीप्रति राज्यका व्यवहार पनि संयमित र सहिष्णु हुनु अति जरुरी हुन्छ ।’
लोकतान्त्रिक पद्धतिको सीमाभित्र रहेर उठाइने विरोधका आवाज र आन्दोलनका मागलाई गम्भीर र संवेदनशील ढङ्गबाट ग्रहण गरी वार्ता, छलफल आदिको माध्यमबाट संवोधन गर्नु लोकतान्त्रिक सरकारहरुको कर्तव्य हुन आउने तथा परिवर्तन र लोकतन्त्रको सङ्घर्षमा सधैं अग्रपङ्तिमा रहँदै आएका तराई, मधेशका जनताको आवाज सुन्न र त्यहाँको समस्याको समाधान पहिल्याउन अरु ढिलाइ नगर्न संवद्ध सबै पक्षसँग राष्ट्रपतिले आग्रह पनि गरेका छन् । सात दशकदेखिको जनताको चाहना र आकांक्षा संस्थागत–प्रम ओली प्रधानमन्त्री केपी शर्मा ओलीले संविधानसभाबाट संविधान जारी भएसँगै करिब सात दशकदेखिको जनताको राजनीतिक र सामाजिक अधिकार प्राप्तिको चाहना र आकांक्षालाई संस्थागत गरेको बताएका छन् । विजयादशमीको अवसरमा आज दिएको शुभकामना सन्देशमा प्रधानमन्त्री ओलीले नेपाली जनताको लामो र अथक सङ्घर्षको परिणामस्वरुप जननिर्वा्चित संविधानसभाबाट गएको असोज ३ गते नेपालको संविधान जारी भएको उल्लेख गरेका छन् । मुलुक विश्वमै प्राकृतिक र जैविक विविधता र अन्य सम्पदाको दृष्टिले अनुपम रहेको बताउँदै सन्देशमा प्रधानमन्त्री ओलीले यिनै प्राकृतिक सम्पदाहरुको भरपूर सदुपयोग गरेर अब मुलुकलाई आर्थिकरुपमा समृद्धिको दिशामा अघि बढाउनु आवश्यक रहेको बताएका छन् । संविधान जारी हुनुअघिदेखि नै देशका केही भागमा असन्तुष्टिहरु देखिएको उल्लेख गर्दै उनले संविधान जारी भएसँगै ती असन्तुष्टिहरु सकिएको उल्लेख गरेका छन् । मधेस केन्द्रित दलहरुका जायज मागलाई सम्बोधन गर्न सरकारका तर्फबाट आफूले पत्राचारसमेत गरिसकेको उल्लेख गर्दै उनले सरकारले वार्ताका लागि गठन गरेको समितिले आफ्नो कार्य प्रारम्भ गरिसकेको पनि जानकारी दिएका छन् । ‘संविधान निरन्तर गतिशीलताको एउटा दस्तावेज भएकाले त्यसमा केही कमीकमजोरी छन् भने पनि सार्थक वार्ता र संवादका माध्यमबाट त्यसलाई सच्याउन सकिने भएकाले आन्दोलनरत मधेस केन्द्रित दलहरुलाई बडादसैँको यस अवसरमा फेरि एकपटक आन्दोलन रोकी वार्तामा आउन आह्वान गर्दछु’ प्रम ओलीले सन्देशमा उल्लेख गरेका छन् । केही समयदेखि सीमा क्षेत्रमा भएका अवरोधका कारण इन्धनलगायतका सामान आपूर्ति व्यवस्थामा असहजता उत्पन्न भएकाले चाँडपर्वको बेलामा समेत आम नेपालीले कष्ट र अप्ठ्याराहरु व्योहोर्नु परिरहेको बताउँदै आपूर्ति व्यवस्थालाई सहज बनाउन सरकारले तदारुकताका साथ पहल थालिसकेको उल्लेख गरेका छन् । चाडपर्वका बेला नेपाली जनताले भोग्नुपरेको अनुचित पीडाप्रति आफू अत्यन्तै संवेदनशील र दुखित भएको बताउँदै प्रधानमन्त्री ओलीले यस्तो जटिल र कठिन परिस्थितिमा आम देशवासीले देखाएको संयम, धैर्यता र राष्ट्रिय एकताको भावनाको सम्मान गर्ने उल्लेख गरेका छन्। ‘हाम्रो मुलुक बहुधार्मिक, बहुभाषिक र बहुसांस्कृतिक मुलुक हो ।
हाम्रा रीतिरिवाज, संस्कृति र सुन्दर परम्पराहरुले आम नेपालीलाई शदियौंदेखि एक आपसमा जोड्दै आएको छ । यो कुरा हाम्रा लागि गौरबको विषय पनि हो । गौरवपूर्ण यस्तो इतिहासलाई निरन्तरता दिँदै मुलुकलाई एकताबद्ध र अखण्ड राख्न हामी सबै लागिपरौँ भन्ने आह्वान पनि गर्न चाहन्छु” सन्देशमा भनिएको छ । प्रधानमन्त्रीले सन्देशमा बडादसैँ २०७२ को उपलक्ष्यमा सरकार र आफ्नो व्यक्तिगत तर्फबाट स्वदेश र विदेशमा बस्नुहुने सम्पूर्ण नेपालीमा हार्दिक मङ्गलमय शुभकामना व्यक्त गर्नुभएको छ । रासस

1 282 283 284 285 286 345