Author Archives: डिजिटल दैनिक

राहत वितरणको जिम्मा फिल्डमा रहेका सुरक्षाकर्मीलाई देऊ : देउवा

sher bdr deuba
FacebookTwitterGoogle+PrintEmailShare

काठमाडौं, बैशाख २० : कांग्रेस वरिष्ठ नेता एवं पूर्वप्रधानमन्त्री शेरबहादुर देउवाले राहत तत्काल गाउमा पु-याउन सुरक्षाकर्मीलाई जिम्मा दिन आग्रह गरेका छन् ।

अहिलेको संयन्त्र अनुसार प्रमुख जिल्ला अधिकारी मार्फत राहत वितरण गर्दा ढिलो हुने र पीडितहरु भोकै बस्नु पर्ने अवस्था आएको भन्दै देउवाले सेना र प्रहरीलाई सिधै राहत वितरण गर्ने अनिमति दिन आग्रह गरेका हुन् । शनिबार प्रधानमन्त्री निवास बालुवाटारमा बसेको कांग्रेस केन्द्रीय समिति बैठकमा पनि देउवाले तत्काल राहत वितरणलाई प्रभावकारी बनाउन सेना र प्रहरीलाई अधिकार दिन सुझाव दिएका थिए ।

‘सरकारले बनाएको एकद्धारको नीति अनुसार रातह वितरण गर्न धेरै समय लाग्छ’ देउवाले भने, ‘त्यसैले फिल्डमा खटेका सुरक्षाकर्मीलाई अधिकार दिनु पर्छ ।’
राहतका सबै समाग्री सरकार मार्फत आउनु पर्ने नीतिको विरोध गर्दै उनले कुनै व्यक्ति र संस्थाले राहत दिन चाहन्छन भने उनीहरुलाई सकरारले सहजिकरण गर्नुपर्ने बताए । देउवाले राहत वितरणमा सरकार चुस्त नभएको पनि बताए ।

फेसवुकले जुटायो १ अर्बको सहयोग, एप्पलले पनि सहयोग उठाउदै

facebook g

काठमाडौं, बैशाख १९ : समाजिक सञ्जाल फेसबुकले नेपालमा हालै गएको महाभूकम्पमा परेकाहरुको सहयोगको लागि दुई दिनमा १ अर्ब रुपैया सहयोग जुटाएको छ ।

विश्वप्रख्यात समााजिक सञ्जाल फेसबुकले ‘नेपाल अर्थक्वेक सपोट’ नामक पेज बनाएर गत सोमबार प्रयोगकर्तालाई सहयोगको अपिल गरेको थियो । उक्त अपिल गरेको दुई दिनमै १ करोड अमेरिकी डल (एक अर्ब नेपाली रुपैया) सहयोग जुटेको हो । फेसबुक आफैले पनि २० करोड रुपैया सहयोग गर्ने घोषणा गरेको छ ।
सामाजिक सञ्जाल मार्फत नेपालमा ठूलो रकम भित्रिएको यो पहिलो पटक हो । फेसबुकका संस्थापक मार्क जुकरबर्गले आफ्नो पेजमा दुई दिनमै पाँच लाखभन्दा बढिले सहयोग उठेमने उल्लेख गरेका छन् ।mark
मार्कले सहयोग रकम इन्टरनेस्नल मेडिकल कर्म मार्फत नेपालमा गैरनाफामुलक संस्थालाई उपलव्ध गराउने पनि उल्लेख गरेका छन् । ‘स्थानीय पुर्नस्थापना कार्यमा फेसबुकले २० लाख डलर सहयोग गर्ने छ’ जुकरबर्गले भनेका छन्, ‘नेपालमा भूकम्प गएपछि हाम्रो समुदाय ज्यादै अद्भूत तरिकाबाट संगै आएको देखेका छौ ।’mark j
फेसबुकले नेपाललाई लक्षित गरेर ‘सेफ्टी चेक’ नामक अप्सन समेत राखेका थियो । जहाँ फेसबुक प्रयोगकर्ताले आफु सुरक्षित रहेको सुचना एक क्लिकमा आफ्ना सबै फेसबुक फ्रेन्डलाई दिनसक्थे ।
जुकरबर्गले सेफ्टी चेकमा ७० लाख मानिस सुरक्षित भएको जनाएको समेत उल्लेख गरेका छन् । उनले सेप्टी चेकबाट १५ करोड मानिसले सुचना पाउन सकेको समेत उल्लेख गरेका छन् ।mark jj

फेसबुकसँगै एप्पलले पनि आइट्युन्स् मार्फत नेपालका लागि सहयोग रकम जुटाईरहेको छ । एप्पलले संकलन भएको रकम अमेरिकन रेडक्रम मार्फत नेपालका भूकम्प पीडितलाई उपलव्ध गराउने जनाएको छ । एप्पलले आफ्ना प्रयोगकर्ताबाट ५ देखि २०० डलरसम्म नेपालका लागि सहयोग उठाईरहेको छ ।

२ सय अर्बको पुर्ननिर्माण कोष घोषणा

3

काठमाडौं, बैशाख १८ : सरकारले भूकम्पबाट ध्वस्त भएको संरचना निर्माण गर्न २ सय अर्बको पुर्ननिर्माण कोष खडा गरेको छ । विहिबार राष्ट्रिय सुचना प्रविधि केन्द्रमा बसेको मन्त्रिपरिषद बैठकले दशभर ध्वस्त भएको भौतिक संरचनाको पुर्न निर्माणको लागि यस्तो कोष बनाउने निर्णय गरेको हो ।

उक्त कोषमा सरकारले २० अर्ब रुपैया राख्ने पनि बैठकले निर्णय गरेको छ । ‘२ सय अर्ब रुपैयाका राहत कोष बनाउने निर्णय भएको छ’ सरकारका प्रवक्ता एवं संचार मन्त्री मिनेन्द्र रिजालले भने, ‘उक्त कोषमा सरकारले तत्काल २० अर्ब रुपैया राख्ने छ ।’
२ अर्बको पुर्न निर्माणको कोषमा सरकारले लगानी गर्ने २० करोड बाहेकको रकम भने बैदेशिक सहयोग मागिने भएको छ ।
त्यस्तै सरकारले भूकम्पबाट मृत्यु भएका प्रत्येक परिवारलाई एक लाख रुपैया तत्काल राहत दिने पनि निर्णय गरेको छ । प्रत्येक मृतकलाई क्रिरिया खर्चको लागि ४० हजार रुपैया दिने पनि सरकारले निर्णय गरेको छ । त्यस्तै भत्किएका घरलाई पुर्ननिर्माणका लागि सकारले २५ हजार रुपैया दिने निर्णय गरेको छ ।

सर्वोच्च अदालत दुई फ्याक, अर्को व्यवस्था नभएसम्म अदालत बन्द हुने (फोटोफिचर सहित)

baid
काठमाडौं, बैशाख १७ : भूकम्पका कारण सर्वोच्च अदालतको भवनमा असर परेपछि अनिश्चित समयसम्मका लागि अदालत बन्द हुने भएको छ ।
भूकम्प गएको पाँचै दिन प्रविधिक टोलीले सर्वोच्चको भवन अवलोकन गरेपछि तत्काल बस्न नहुने निष्कर्ष निकालेको हो । सर्वोच्च अदालतको भवनको चारैतिर भुकम्पले क्षति पु-याएको छ ।surp
विनाशकारी महाभूकम्पले भवन क्षतविक्षत भएपछि सर्वोच्च अदालत अनिश्चितकालका लागि बन्द हुने भएको छ । सिंहदरबारसँगै जोडिएको सर्वोच्च अदालत बीचबाट चिरिएर दुई फ्याक भएको छ। न्यायधीशहरुले बैकल्पिक व्यवस्था नगरेसम्म उक्त सर्वोच्च अदालत खुला गर्न नसकिने धारणा सरकारलाई गराई सकेका छन् । ‘हामीले सर्वोच्चको भवनमा बसेर काम गर्न नसकिने अवस्था भएको जानकारी सरकारलाई गराएका छौ’ एक न्यायधीशले भने, ‘अर्को ठाउँ व्यवस्था नभएसम्म अदालत खुला गर्न सकिदैन ।’suprem
भवनको जगैदेखि वरिपरि धाँजा फाटेको छ भने इजलासका भित्ता तलैदेखि फुटेका छन्। उक्त भवन २०१३ सालमा ‘वाल सिस्टम’ बाट निर्माण गरिएको थियो। भवनको सुर पनि ठूलठूला भ्वाङ परेर बांगिएको छ। भवन जुनसुकै बेला ढल्न सक्ने जोखिम रहेकाले अनिश्चितकालका लागि बन्द गर्नुपर्ने अवस्था उत्पन्न भएको हो।supbai

भूकम्पले ध्वस्त धरहराको पुर्ननिर्माण गर्ने भारतको प्रस्ताव

DSC_6764a

काठमाडौं, बैशाख १७ : भारतीय प्रधानमन्त्री नरेन्द्र मोदीले काठमाडौंको ‘आईकन’ मानिने धरहराको पुर्ननिर्माण गर्न प्रस्ताव गरेको छ ।

गत शनिबार गएको भूकम्पका कारण उपत्यकाको अधिकांश ऐतिहासिक महत्वका भवनहरु ध्वस्त भएका छन् । शनिबारकै भूकम्पले सुन्धारामा रहेको नौ तले धरहरा पूर्णरुपमा ध्वस्त भएको छ । उच्चस्रोतका अनुसार भारतीय प्रधानमन्त्री मोदीले धरहरा पुर्ननिर्माणमो इच्छा देखाएर अनौपचारिक प्रस्ताव समेत गरेका छन् ।DSC_6892a

मोदीको उक्त प्रस्ताव लिएर शुक्रबार मोदीका राष्ट्रिय सुरक्षा सल्लाहकार अजित डोभाल र विदेश सचिव एस जयशंकर नेपाल आउदैछन् ।
उच्चस्रोतका अनुसार मोदीले काठमाडौंको धरहराका साथै पौराणिक महत्वको वसन्तपुर दरबार स्क्वार र भक्तपुर दरबारस्क्वार पनि पुर्ननिर्माणको प्रस्ताव गर्ने भएका छन् । DSC_6886a

भूकम्पको उद्दारमा चिनियाँ टोलीले रोवर्ट क्यामरा प्रयोग गर्दै

chines camera

काठमाडौं, बैशाख १६ : विनाशकारी भूकम्पमा परेकाको उद्धार गर्न छिमेकी र अन्य मुलुकबाट आएकामध्ये चीनको ‘सर्च एन्ड रेस्क्यु टिम’ को उपकरण अत्याधुनिक र उद्धार तुलनात्मक रुपमा सावधानीपूर्ण देखिएको छ ।

चीन सरकारबाट आएको सो टोलीको मुख्य जिम्मेवारी नेपाली सेनाको उपत्यका पृतनासँगको समन्वय हो । टोलीले आज बालाजु, गोँगबु, डल्लु, काठमाडौं स्क्वायर र कपनमा उद्धार गरेको थियो । कठिन स्थितिका ध्वस्त संरचनामाभित्र उद्धार टोली प्रवेश गर्नु आफैँमा जोखिम र पीडादायी हुन्छ । कतिपय भत्किएका संरचना र पुरिएका ठाउँमा डोजर र स्काभेटरले खन्दै गर्दा घाइते बनेकाहरु थप थिचिएर मारिएका घटना पनि देखिएका थिए ।

चिनियाँ टोलीले चाहिँ मानवीयभन्दा उपकरणको सहायताबाट उद्धार गरेको थियो। रोबोट क्यामेरालाई प्राविधिक निर्देशन दिएपछि पुरिएका ठाउँमा यसले आफ्नो सूचना शक्तिलाई केन्द्रित गर्छ। त्यसस्थलबाट प्राविधिज्ञको क्यामेरा फर्केर आउँछ, त्यहाँ रहेका सूचना र दृष्यका आधारमा टोलीले थप काम गर्छ । जीवितै रहेका वा मारिएका मानिस वा महत्वपूर्ण वस्तुका बारेमा प्राप्त सूचनाका आधारमा टोलीले त्यस स्थानमा ग्यास मेसिनले आवाजसमेत ननिकाली प्वाल पार्छ।

प्वाल बनाइसकेपछि त्यहाँभित्र कोही जीवित छन् भने अर्को चरणमा सोही क्यामेराबाट पानी, बिस्कुटजस्ता खाद्य सामग्री पठाइन्छ । यही क्रममा चिनियाँ तालिमप्राप्त कुकुरले पनि काम गरिरहेको हुन्छ । कुकुर र क्यामराबाट पाएका सूचना र स्थितिको स्पष्टतापछि मात्रै एक, दुई जना गरेर प्राविधिक टोली भग्नावशेमा जाने गर्दा उद्धारकर्ताको पनि कम जोखिम हुने र जीवितै घाइतेलाई पनि थप असर नपर्ने सम्भावना रहने एक चिनियाँ प्राविधिज्ञले बताए ।

सुन्धरास्थित क्षतिग्रस्त धरहरास्थलमा पनि मङ्गलबार चिनियाँ टोलीले अत्याधुनिक उपकरणसहित उद्धार गरेको थियो। यसअघि नेपाली सेनाको टोलीले त्यहाँका अधिकांश मृतक र घाइतेको उद्धार गरिसकेको भए पनि थप केही मानिस झिक्न बाँकी रहेको अनुमानका आधारमा चिनियाँ टोली खटिएको थियो । यो समाचार तयार पार्दासम्म टोलीले आफ्नो काम गरिरहेको थियो । चिनियाँ टोलीको अत्याधुनिक उद्धार हेर्ने र त्यसको दृष्य खिंच्न सर्वसाधारणको त्यस क्षेत्र वरपर भिड लागेको थियो । रासस

उद्दारमा सरकार निस्प्रभावि, सयौ लाशको दुर्गन्ध फैलदै

earth q1

काठमाडौं, बैशाख १६ : महाभुकम्प गएको पाँच दिनसम्म पनि सरकारले प्रभावकारी रुपमा उद्दारको काम गर्न नसक्दा अझै सयौको लाश भत्किएका भवनहरुमा थिचिएर बसेको छन् ।
काठमाडौं उपत्यकाको भक्तपुर र गंगवु क्षेत्रमा अझै भुकम्पले ध्वस्त भएका घरबाट लाशहरु निकालिएको छैन् । सरकारले चुस्त र प्रभावकारी रुपमा उद्दार टोली खटाउन नसक्दा झण्डै एक साता पुग्न लाग्दा पनि उद्दार हुन नसकेको हो । गंगवुको नयाँ बसपार्कमा ध्वस्त भएका दर्जन घरबाट अझै पीडितहरुको खोजविन हुन सकेको छैन । ‘अहिलेसम्म उद्दारका लागि सरकारले कुनै चासो दिएको छैन’ आफ्नो घर अगाडी ढलेको घरमा उद्दार हुन नसकेको गुनासो गर्दै स्थानीय विकास श्रेष्ठले डिजिटल दैनिकसँग भने, ‘नेपाली सेना, प्रहरी र अन्य कोही पनि उद्दारका लागि यहाँ सामान्य अध्ययन गर्न समेत आएका छैनन् ।’
गंगवुमा प्रभावकारी रुपमा उद्दार हुन नसक्दा भवमा थिचिएर बसेका लाशहरुबाट दुगन्र्ध आउन थालेको छ । अझै केही दिन लाश निकाल्न नसक्ने हो भने यो क्षेत्रमा सरुवा रोगको महामारी फैलन सक्ने अनुमान विज्ञहरुले गरेका छन् ।
भक्तपुर क्षेत्रमा पनि अझै पूर्णरुपमा उद्दार कार्य हुन सकेको छैन । त्यहाँका पनि लाशहरु गनाउन थालेको बताइएको छ ।
सरकारले उद्दारमा कुनै कसर बाँकी नरहेको बताउदै आए पनि व्यवहारमा त्यो कार्यन्वयन भएको छैन । मंगलबारमात्रै आफन्तको लाश निकालेका गंगबुका एक स्थानीयले मन्त्री र प्रधानमन्त्रीसम्मलाई ‘सोर्सफोर्स’ लगाएपछि मात्रै उद्दारका लागि सेना आएको बताए । ‘मैले उद्दारका लागि सरकारलेनै उपलव्ध गराएका सबै टोलिफोनमा सम्पर्क गरेर आउन आग्रह गरे’ उनले भने, ‘तर कोही नआएपछि मन्त्री र प्रधानमन्त्रीसम्मलाई भनसुन गरेपछि मात्रै बल्ल सेना आएर लाश निकाल्यो ।’
सरकारको यस्तो प्रवृत्तिले महाभुकम्पबाट ज्यान गुमाएकाहरुको लाश निकाल्न पनि पहुँचवालाले मात्रै पाउने देखिएको छ । उद्दारको जिम्मेवारी पाएको गृह मन्त्रालय प्रभावकारी हुन सकेको छैन । गृह मन्त्री बामदेव गौतम मौखिक रुपमा सबै ठिक भएको मात्रै दावी गर्दै आएका छन् । सेना र प्रहरीका निकै कम मात्रै उद्दारमा खटिएका छन् । विभिन्न देशबाट उद्दारका लागि आएकाहरु पनि निश्चित समय मात्रै काम गर्ने भएकाले उद्दार कार्य झन ढिलो भएको हो ।
यो महाविपत्तीका बेला समेत सरकारको सुस्तता र पहुँचवालालाई मात्रै उद्दार गर्ने कार्यको चारैतिर आलोचना हुन थालेको छ ।

महाभुकम्पबाट एक करोड नेपाली प्रभावित भएको राष्ट्रसंघको प्ररम्भीक अनुमान, एक अर्ब पचास करोड सहयोगको घोषणा

undp

काठमाडौं , वैशाख १५ : संयुक्त राष्ट्रसंघले महाभूकम्पमा परेर एक करोडभन्दा बढी नेपाली प्रत्यक्ष तथा अप्रत्यक्ष रुपमा प्रभावित भएको बताएको छ । राष्ट्रसंघले आफ्नो आन्तरिक र सरकारसँगको संयोजनमा गरेको प्रारम्भिक अध्ययनमा त्यस्तो अवस्था रहेको जानकारी दिएको हो ।

यति धेरै नेपाली प्रभावित भएकोमा दुख ब्यक्त गर्दै उनीहरुको जीवनस्तरलाई तत्काल साधारण अवस्थामा ल्याउनको लागि राष्ट्रसंघले राष्ट्रसंघिय राहात कोषबाटे तत्कालकालागि १५ मिलियन अमेरिकी डलर (एक अरब ५० करोड) रुपैयाँ छुट्याएको छ । सरकारसंगको समन्वयमा यस्ता रकमहरु अत्यावश्यक स्थानमा खर्चने पनि उनले बताए ।

नेपालका लागि राष्ट्रसंघको आवासिय संयोजक जेमीमेक गोल्डरिकले सञ्चारकर्मीहरुलाई राष्ट्रसंघिय कार्यालयमा नै बोलाएर यस्तो जानकारी दिएका हुन् । उनले यस्तो घटना प्रति गहिरो दुख ब्यक्त गर्दै सबै प्रभावित क्षेत्रमा राष्ट्रसंले आफ्नो तर्फबाट सरकारको समन्वयमा काम गर्ने पनि बताए ।

उनले आफू धुलिखेल पुगेको र त्यहाको अवस्था हेर्दा निकै दर्दानक पाएको बताए । उनले नेपालमा भुकम्प आउछ भन्ने जानकारी सबैलाई भएको तर यस्तो विनासकारी हुन्छ भन्नेमा कसैलाई पनि थाहा नभएको बताए । उनले संयुक्त राष्ट्रसंघको प्रणाली र सरकरको समन्वयमा मृत्यु भएको र घाइतको अवस्थाको बारेमा समेत जानकारी लिइरहेको बताएको छ ।

राष्ट्रसंघले नेपालको वर्तमान प्राथमिकता भनेको उनीहरुलाई उद्धार गर्नु र घाइतको उपचार गर्नु नै हो । घर विहिन भएकाहरुलाई तत्काल राहात नै पछिल्लो प्राथमिकता हो । यसमा पनि खास गरि पानी, बस्ने स्थानको ब्यवस्था, सुरक्षा र खानामा बढिजोड दिनुपर्नेमा पनि उनले जानकारी दिए । उनका अनुसार १४ लाख नेपाली खाद्य अभावमा रहेका छन् ।

राष्ट्रसंघले विश्वका दातृ निकायलाई पनि तत्काल सहयोगको लागि आह्वान समेत गरेको छ । राष्ट्रसंघका आवासिय प्रतिनिधी गोल्डरिकले काठमाडौंको विभिन्न प्रभावित क्षेत्रमा पुगेका थिए । त्यसैबीच युरोपेली यूनियनले पनि तत्कालको लागि ३० लाख यूरो (साढे ३३ करोड रुपैयाँ) तत्काल ख र्च गर्न सक्ने गरि घोषणा गरेको यूरोपेली युनियनले जनाएको छ । उक्त सहयोग प्राथमिकता अनुरुप सबै भन्दा बढि प्रभावित क्षेत्रमा पुगेको हेर्न युरोपेली युनियनले चाहेको समेत बताए । यस्तो महाभुकम्पमा परेर समस्या परेको विषयमा पनि आएको हो ।

हाम्रो क्षमयाचना

गत शनिबार काठमाडौं उपत्यका लगायतका विभिन्न क्षेत्रमा सयौको ज्यान लिनेगरी गएको महाभुकम्पका कारण हामी पछिल्लो तीन दिनसम्म डिजिटल दैनिकबाट महत्वपूर्ण सुचनाहरु प्रवाह गर्न सकेनौ ।

उपत्यकाका महत्वपूर्ण संरचना ध्वस्त हुने गरी गएको भुकम्पले डिजिटल दैनिकको इन्टरनेट कनेक्सनमा समेत गम्भीर क्षति पुगेकाले हामीले हाम्रा हजारौ प्रिय पाठकहरुलाई सुचना प्रवाह गर्न सकेनौ । डिजिटल दैनिक सयौको ज्यान जानेगरी र अर्बोको भौतिक संरचना नष्ट हुनेगरी गएको भुकम्पपछिका तीन दिनसम्म नियमित सुचना प्रवाह गर्न नसकेकोमा क्षम माग्न चाहन्छ ।

आगामी दिनहरुमा हाम्रो सुचना, समाचार, मनोरञ्ज लगायतका विविध क्षेत्रमा सुचना प्रवाह नियमित गर्ने वाचाका साथ महाभुकम्पको असर डिजिटल दैनिकमा समेत परेको हाम्रा पाठकहरुलाई जानकारी गराउदै भुकम्पका कारण ज्यान गुमाएका दाजुभाई, दिदि बहिनी लगायत सबैप्रति हार्दिक श्रदाञ्जली अर्पण गर्दै उनीहरुको परिवार, नातागोता र प्रियजनप्रति समवेदना व्यक्त गर्दछ ।

महाभुकम्पपछि उपत्यकाको जनजीवन कठिन

earth q

काठमाडौं, बैशाख १५ : गत शनिबार विनासकारी रुपमा गएको महाभुकम्पका कारण उपत्यका लगायतका प्रभावित क्षेत्रको जनजीवन कठिन भएको छ ।

शनीबार ११ : ५६ वजे गएको ७.९ रेक्टर स्केलको महाभुकम्पका कारण अहिलेसम्म ४ हजार ४ सयको ज्यान गैसकेको छ भने दश हजारभन्दा बढि घाईते भएका छन् । अधिकांश क्षेत्रमा उद्दार कार्यसम्पन्न हुन नसक्दा अझै भत्कीएका घरहरुबाट लाश निकाल्न सकिएको छैन ।images (3)
काठमाडौं उपत्यकामा खाद्यन्न, पिउने पानी लगायत दैनिक उपभोग्य वस्तुको अभाव समेत सुरु भएको छ । उपत्यकावासीहरु अझै सहजरुपमा आफ्नो घरमा बस्न सकेका छैनन् । शनिबारदेखि आएको भुकम्प आज विहानसम्म पनि साना साना कम्पन नियमित भएकाले पनि सर्वसाधरण ढुक्क भएर आफ्नो घर बस्न नसकेका हुन् । अझै भुकम्पको त्रासदीमा उपत्यका लगायतका क्षेत्रका बासिन्दाहरु वाच्न विवश छन् ।IMG_0295

भुकम्पले उपत्यकाका महत्वपूर्ण भौतिक, पौराणिक र सास्कृतिक संम्पदाहरुको पनि विनाश गरेको छ । लामो इतिहास रहेको सुन्दरास्थित धरहरा ध्वस्त भएको छ भने बसन्तपुर दरवार क्षेत्रमा रहेका सम्पदा, पाटन र भक्तपुरमा रहेको सम्पदाको पनि विनाश भएको छ ।11182026_542362752568969_7888109256974027202_n
विज्ञहरुले उपत्यकाका महत्वपूर्ण र एतिहासिक महत्वका ध्वस्त भएका भौतिक पुर्वाधारहरुको पुर्ननिर्माण गर्न कम्तिमा पनि दश बर्ष लाग्ने बताएका छन् ।earth qearth q1

us

 

us2

अमेरिकन विपत सहयता तथा रेस्पोन्स टिमलाई स्वागत गर्दै अमेरिकी राजदुत पिटर वोडे

महाभुकम्पले कुन जिल्लामा कतिको मृत्यु
काठमाडौंलगायत बिभिन्न जिल्लामा पनि महाभूकम्पका कारण मृत्यु हुनेको संख्या बढ्दै गएको छ भने सयौं मानिस वेपत्ता रहेको सम्बन्धित जिल्ला प्रशासन कार्यालयले जानकारी दिएको छ । मृतकमध्ये काठमाडौंमा १०३९, ललितपुर १५८, भक्तपुर २४३ रहेका छन् ।

सिन्धुपाल्चोकमा ११७६, नुवाकोटमा ४७८, धादिङमा ३०३, रसुवा २५०, काभ्रेमा २४८, दोलखामा ५०, मकवानपुरमा ३३, रामेछापमा २४ , सिन्धुलीमा ९, धनुषामा १ , सर्लाहीमा १, चितवनमा ६ जनाको मृत्यु भएको छ । त्यस्तै पश्चिमाञ्चलमा मृतकको संख्या २६४ पुगेको छ भने ३२१ जना घाइते छन् ।

गोरखाामा २५६, कास्कीमा २ , नवलपरासीमा १ तनहुँमा १ लमजुङमा ४ जनाको मृत्यु भएको छ । त्यस्तै पुर्वमा मृतकको संख्या ५३ पुगेको छ भने घाइतेहरु २३० जना छन् । भोजपुरमा २ , सुनसरीमा ७, सोलुखुमबुमा २२ , ओखलढुंगामा १७ , ताप्लेजुङमा १ , मोरङमा २ , सप्तरीमा १ र उदयपुरमा १ जनाको मृत्यु भएको छ । मध्यपश्चिममा मृतको संख्या २ छ भने २० जना घाइते भएका छन् । रोल्पामा १ जना र रुकुममा १ जनाको मृत्यु भएको छ ।

 

 

1 282 283 284 285 286 313