Author Archives: डिजिटल दैनिक

नेपालीमुलका ह्यारी भेण्डारी अमेरिकी सांसदमा विजयी

harry bhandari
FacebookTwitterGoogle+PrintEmailShare

harry bhandariकाठमाडौं, कात्तिक २१ : अमेरिकाको मध्यावधि निर्वाचनमा नेपाली मुलका ह्यारी भण्डारी विजयी भएका छन् । भण्डारी मेरील्याण्ड राज्यको निर्वाचन क्षेत्रनम्बर ८ बाट राज्य सांसदमा विजयी भएका हुन् । उनी डेमोक्र्याटिक उम्मेदवार हुन् ।

अमेरिका आएका नेपाली समुदायको इतिहासमा सबैभन्दा पहिला मूलधारको राजनीतिमा राज्य सांसदको रुपमा खाता खोल्न भण्डारी सफल भएका छन् । मुलुक बाहिर मूलधारको राजनीतिमा प्रवेश पाउने र सभासद बन्ने सम्भवत भण्डारी पहिला नेपाली मूलका हुन् ।
नेपालको पर्वत जिल्लाबाट सन् २००५ मा उनी अमेरिका आएका थिए । भण्डारी नेपालमा अंग्रेजी भाषा पढाउँथे । अमेरिकामा पनि उनी प्राध्यापन पेशामा नै संलग्न छन् ।

गत २६ जुन २०१८ मा भएको प्राथमिक चरणको निर्वाचनमा डेमोक्र्याटिक दलका तर्फबाट उनी दोश्रो स्थान हासिल गरी बिजयी बनेका थिए । उक्त प्राथमिक निर्वाचनमा मैदाना उत्रिएका ४ जना प्रतिस्पर्धीहरुमा एरिक ब्रोम्वेल पहिलो, भण्डारी दोश्रो र तेश्रो स्थानमा कार्लज्याक्स विजयी भएका थिए ।

गत प्राथमिक निर्वाचनमा खसेको २० हजार ७ सय २६ मतमध्ये भण्डारीले २८ दशमलव १ प्रतिशत अर्थात् ५ हजार ९ सय ४१ मत ल्याएर दोस्रो भएका थिए । उक्त चुनाव क्षेत्र जिल्ला ८ मा रिपब्लिकन दलका उम्मेदवारले पाएको मत हेर्ने हो भने डेमोक्र्याटिक उम्मेदवारको तुलनामा प्राथमिक निर्वाचनमा कम मत पाएको आँकडाले देखाएको थियो ।

यसैगरी न्यूह्याम्पशायरबाट प्रतिनिधि सभाका लागि उम्मेदवारी दिएकी राज्य डेमोक्र्याटिक दलकी उम्मेदवार मदलसा गुरुङ उपबिजेता बनेकी छन् । उनले २ हजार २ सय ९२ मत प्राप्त गरिन् । उनले बिजयी उम्मेदवारलाई बधाई पनि दिएकी छन् ।

कर्मचारीले नेतालाई पनि आफु जस्तै बनाए : प्रचण्ड

prachanda

prachandaकाठमाडौं, कात्तिक २१ : नेपाल कम्युनिष्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले प्रदेश सरकार असफल भए देश अँध्यारोमा फस्ने चेतावनी दिएका छन् ।

प्रेस सेन्टर र प्रेस चौतारी गण्डकी प्रदेशले बुधबार पोखरामा आयोजना गरेको पत्रकार भेटघाटमा बोल्दै उनले प्रदेश सरकार प्रभावकारी नहुँदा सबै परिवर्तन असफल हुने र देश अँध्यारोमा फस्ने बताएका हुन् ।

संघीयतालाई जसरी पनि असफल हुन नदिई प्रभावकारी बनाउने पर्ने बताउँदै उनले भने, ‘प्रदेश असफल भयो भने गणतन्त्र, संघीयता, धर्मनिरपेक्षतालगायत सबै परिवर्तनहरु असफल हुन्छ, त्यसैले प्रदेश सरकारलाई जसरी पनि प्रभावकारी बनाउनुपर्छ, नत्र देशै अँध्यारोमा फस्छ ।’ प्रचण्डले संविधानले प्रदेशलाई प्रभावकारी रुपमा रहने भनेर स्पष्ट भनेको भन्दै त्यसमा आशंका नगर्न आग्रह गरे ।
‘ब्यूरोक्रेसीले नेतालाई आफूजस्तै बनायो’

पूर्वप्रधानमन्त्री समेत रहेका प्रचण्डले कर्मचारीका कारण नेपालमा राजनीतिक नेतृत्व र सरकार असफल हुने गरेको आरोप लगाए । राजनीतिक नेतृत्व र कर्मचारी नेतृत्व बीचको बुझाइमा एकरुपता नहुँदा नयाँ प्रणाली स्थापित हुन समय लागेको उनको भनाइ थियो ।

उनले भने, ‘अन्तर्राष्ट्रिय जगतमा राजनीतिक परिवर्तन भएपछि पुराना कर्मचारीको नेतृत्व तहलाई पूरै हटाइन्छ र नयाँ प्रणालीलाई आत्मसाथ गर्ने कर्मचारी ल्याइन्छ, तर नेपालमा त्यस्तो छैन, बरु नेपालमा त ब्यूरोक्रेसीले राजनीतिक नेतृत्वलाई बिस्तारै आफूजस्तै बनाउँछ र नयाँ प्रणाली असफल बनाउँछ ।’

कर्मचारीकै कारण वर्तमान सरकारले प्रभावकारी काम गर्न नसकेको पनि उनले तर्क गरे । अब संघ सरकारदेखि सबै सरकारलाई प्रभावकारी बनाउनेबारे छलफल चलिरहेको र चाँडै त्यसको रिजल्ट आउने उनले बताए ।

कांग्रेस उपसभापतिमा गच्छदार मनोनित, महासमिति मंसिर २८ देखि

congress_forum_bijay_gachhadhar_4_wJc3sVo4hN

congress_forum_bijay_gachhadhar_4_wJc3sVo4hNकाठमाडौं, कात्तिक २० : नेपाली कांग्रेसले महासमिति बैठकको मिति सारेको छ । अब महासमिति बैठक आगामी मंसिर २८ गतेदेखि पुस ३ गतेसम्म बस्ने छ ।

मंगलबार पार्टी कार्यालय सानेपामा बसेको केन्द्रीय कार्यसमिति बैठकले महासमिति बैठकको नयाँ मिति तय गरेको हो । यसअघि कांग्रेस महासमितिको बैठक आगामी मंसिर ५ देखि ९ सम्मका लागि तोकिएको थियो ।
तिहार, छठलगायतका चाडपर्वहरू संघारमा आएकोले महासमिति बैठकको मिति सारिएको कांग्रेसले जनाएको छ ।

यस्तै, मंगलबार बसेको बैठकले लोकतान्त्रिक फोरमबाट एकताबाट आएका विजयकुमार गच्छदारलाई उपसभापतिमा मनोनित गरेको छ । बैठकले गच्छदारलार्इ उपसभापतिमा मनोनित गर्दै तत्कालीन लोकतान्त्रिक फोरम नेपाल र कांग्रेस औपचारिक रूपमा एकता भएको घोषणा गरेको छ ।

जिल्लागत रूपमा पार्टी संगठन र भातृ संगठनको एकताका लागि पार्टी सभापति विमलेन्द्र निधिको संयोकत्वमा समिति गठन गरिएको कांग्रेसले जानकारी दिएको छ ।

आज तिहारको दोस्रो दिन, कुकुर तिहार मनाईदै

kukar tihar

kukar tiharकाठमाडौं, कात्तिक २० : आज तिहारको दोस्रो दिन, कुकुरको पूजा गरेर कुकुर तिहार मनाइँदैछ ।

कात्तिक कृष्ण चतुर्दशीका दिन कुकुरलाई मीठामीठा परिकार खान दिए यमराजको ढोकामा द्वारपालका रुपमा बस्ने श्याम र सबल नामका कुकुरले यमलोक जाँदा बाटो छोडिदिने धार्मिक विश्वास छ ।
बैवस्वत मन्वन्तरको कुलमा जन्मिएको कुकुरले धर्मराज युधिष्ठिरलाई स्वर्ग यात्रामा समेत साथ दिएको धार्मिक विश्वास छ । कुकुरलाई आज्ञापालक र सुरक्षामा भरपर्दो घरपालुवा जनावरका रुपमा लिइन्छ । घरमा कुकुर पाल्नाले मुटु र मधुमेह रोग लाग्दैन भनी विश्वास गर्नेको संख्यासमेत बढ्न थालेको छ ।

आज बिहानै अरुणोदय कालमा नदी वा तलाउमा गई स्नान, तर्पण गरेर यमदीप दक्षिण फर्काएर बाली बगाउनाले मृत्युपश्चात् नरकको दर्शन गर्नु नपर्ने धार्मिक विश्वासका कारण नरक चतुर्दशीमा नुहाउने विधिसमेत रहेको गौतमले बताए । यसरी बत्ती बालेर बगाउनुलाई नरके बगाउने भनिन्छ ।

यमपञ्चक अर्थात् तिहारका पाँचै दिन तिलको तेल लगाएर स्नान गर्ने प्रचलन छ । यसो गरेमा शरीर स्वस्थ हुने आयुर्वेदिक मत छ ।

चालु गाडी थन्काएर नयाँ गाडी किन्दै संसद सचिवालय

sanghiya-samsad

sanghiya-samsadकाठमाडौं, कात्तिक २० : संघीय संसद सचिवालयले चलिरहेका गाडी हुँदाहुँदै संसदका पदाधिकारी र संसदीय समितिका सभापतिहरूको रहर पूरा गर्न नयाँ गाडी खरिद प्रक्रिया अघि बढाएको छ।

सचिवालयले राष्ट्रियसभा अध्यक्ष, उपाध्यक्ष, उपसभामुख, दलका नेता, सचेतक र १६ वटा संसदीय समितिका सभापतिका लागि २३ वटा नयाँ गाडी किन्न अर्थ मन्त्रालयमा प्रस्ताव पठाएको हो।
समिति सभापतिहरूले सभामुख कृष्णबहादुर महरासँग आफूहरूले चढेको गाडी पुरानो भएको गुनासो गरेका थिए। सभापति भएलगत्तैको बैठकमा उनीहरूले ‘गाडी बारम्बार बिग्रने गरेको र पुरानो भएकोु भन्दै सभामुख महरालाई नयाँ उपलब्ध गराउन माग गरेका थिए। त्यसपछि संघीय संसद व्यवस्थापन समितिको बैठकले गाडी माग गर्दै अर्थमा पत्राचार गरेको हो।

‘सभापतिहरूका लागि २० वटा स्कर्पिओ र राष्ट्रियसभा अध्यक्ष, उपाध्यक्ष र उपसभामुखका लागि एक(एक वटा गाडी किन्न अर्थ मन्त्रालयमा प्रस्ताव पठाएका छौं,’ संघीय संसद सचिवालयका प्रवक्ता रोजनाथ पाण्डेले भने, ‘पत्र पठाएको दुई साता भए पनि प्रतिक्रिया पाएका छैनौं।’

खरिद प्रक्रिया अघि बढाएको संघीय संसद सचिवालयसँग गाडी हुँदै नभएको होइन। सचिवालयसँग हाल ९३ गाडी छन्। तीमध्ये चारवटा बस छन्। तीनवटा सञ्चालनमा छन् भने एउटा मर्मतमा। बिहान कर्मचारी ओसार्न र दिउँसो सिंहदरबारबाट बानेश्वरस्थित संसद भवनमा कर्मचारी लैजान सचिवालयले बस प्रयोग गर्दै आएको छ।

संघीय संसदमा गाडी व्यवस्थापन गर्न छुट्टै सवारी शाखा छ। सवारी शाखाका अनुसार हाल सचिवालयमा ४२ वटा स्कर्पिओ छन्। तीमध्ये ९ वटा मर्मतमा छन् भने ३३ वटा सञ्चालनमा छन्। यी गाडी सभापतिहरूले प्रयोग गर्ने गरेका छन्।

पछिल्लोपटक २०७४ जेठमा संघीय संसद सचिवालयले १८ वटा गाडी भित्र्याएको थियो। त्यसमा १२ वटा स्कर्पिओ थियो भने ६ वटा टाटा इन्डिका कार थियो। त्यस्तै, दुई वर्षअघि मात्र चीनले संघीय संसद सचिवालयलाई नौवटा किया कार उपलब्ध गराएको थियो।

२०६४ सालमा अनमिन फर्किएपछि उसले प्रयोग गरेको ३० वटा स्कर्पिओ संघीय संसद सचिवालयले पाएको थियो। संघीय संसदका कर्मचारीले ११ वटा साना गाडी प्रयोग गर्ने गरेका छन्। अधिकांक हुण्डाई कम्पनीका स्यान्ट्रो छन्। सचिवालयसँग केही पुराना इसिजु जीप पनि छन्।

गाडी पर्याप्त भएकाले कुनै बिग्रिए प्रयोगका लागि भन्दै केही गाडी स्ट्याण्डबाइ राख्ने गरेको सवारी शाखाका एक उच्च अधिकारीले जानकारी दिए। ‘सभापतिहरूको गाडीमा समस्या आए प्रयोगमा ल्याउन दुईवटा गाडी छन्,’ एक कर्मचारीले भने, ‘सभापतिहरूले भने नयाँ गाडी चढ्ने सोख पूरा गर्न चाहेका देखिन्छन्।’

सचिवालयका एक अर्का कर्मचारीले भने खरिद गर्दा कमिसन आउने भएकाले यो प्रक्रिया अघि बढेको बताए।

‘साथीहरू दोहोरो फाइदा हेर्छन्,’ ती कर्मचारीले भने, ‘नयाँ किन्दा कमिसन आउँछ। पुराना गाडी लिलामीमा लैजाँदा पनि तिनीहरूका पार्टपूर्जा निकाल्छन्। सिंहदरबारबाट गाडीको टायर हराएको त्यसै होइन।’

सचिवालय प्रवक्ता पाण्डेले भने केही गाडी पुराना भएकाले नयाँ आवश्यक भएको बताए। उनले मर्मतमा ठूलो खर्च हुने गरेको सेतोपाटीलाई जानकारी दिए। सवारी शाखाका कर्मचारीले भने दुई लाख खर्च गरेर मर्मत गर्दा सञ्चालन गर्न सकिने गाडी सचिवालयसँग रहेको बताए।

‘केही सभापतिले गाडी रोल्पादेखि झापासम्म दौडाउनुहुन्छ,’ सवारी शखाका ती कर्मचारीले भने, ‘बर्दिबासबाट आउजाउ गर्दा कुनै गाडी धेरै बिग्रिएका छन्।’

सभामुख महरा अहिले ल्याण्डक्रुजर गाडी चढिरहेका छन्। सुवास नेम्वाङ सभामुख भएका बेला उक्त गाडी किनिएको हो। त्यस्तै राष्ट्रियसभा अध्यक्ष पनि ल्याण्डक्रुजर नै चढ्दै आएका छन्।

शेयर कारोबार अनलाईन मार्फत

nepse

nepseकाठमाडौं, कात्तिक २० : नेपाल स्टक एक्सचेञ्जले आजबाट पूर्ण रुपमा अनलाइन कारोबार प्रणाली शुरु गरेको छ । मंगलबार होटल याक एण्ड यतिमा आयोजित विशेष समारोहकाबीच अर्थमन्त्री डा। युवराज खतिवडाले अनलाइन कारोबारको उदघाटन गरे ।

नेप्सेले चालु आर्थिक वर्षको पहिलो दिनदेखि नै अनलाइन प्रणाली शुरु गर्ने भने पनि पूर्ण रुपमा सञ्चालन गर्न भने सकेको थिएन । यो प्रणाली शुरु भएसँगै अब सेयर लगानीकर्ताहरुलाई ब्रोकर कार्यालय धाइरहनु पर्ने बाध्यता हटेको छ ।
प्रविधिको प्रयोग बढेसँगै अनलाइन कारोबार शुरु गरिएको नेप्सेले जनाएको छ । दिनदिनै ब्रोकर अफिस धाइराख्नु पर्ने बाध्यता हटाउन तथा स्वदेश तथा विदेशमा छरिएर रहेका सबै नेपालीले सहज तरिकाले सेयर कारोबार गर्न पाउन भन्ने उद्देश्यले नेप्सेले अनलाइन प्रणाली शुरु गरेको बताएको छ ।

आजदेखि आम लगानीकर्ताले इण्टरनेटको पहुँच भएको कुनै पनि स्थानमा रहेर आफैंले कारोबार गर्न सक्नेछन् । अनलाइन कारोबार शुरु भएसँगै सेयर बजार सकारात्मक दिशामा अघि बढ्ने लगानीकर्ताहरुले प्रतिक्रिया दिएका छन् ।

डोल्पाको ठूलोभेरीमा जिप दुर्घटना, १० जनाको मृत्यु

dolpa_district

dolpa_districtकाठमाडौं, कासत्तक १९ : डोल्पामा जीप दुर्घटना हुँदा १० जनाको मृत्यु भएको छ । दुर्इ जनाको जीवितै उद्दार गरिएको छ ।

सदरमुकाम दुनैबाट जुफालतर्फ जाँदै गरेको भे १ च १६१० नम्बरको जीप ठूलीभेरी नगरपालिका ९ कालागौडाबाट भेरी नदीमा खस्दा १० जनाको मृत्यु भएको डोल्पाका प्रहरी प्रमुख डीएसपी अवदेश विष्टले पुष्टि गरे ।
घटनामा उद्दार गरिएकाहरूको दुनै अस्पतालमा उपचार भइरहेको विष्टले अनलाइनखबरलार्इ बताए । कसरी दुर्घटना भयो भन्ने बारे अनुसन्धान भइरहेको छ ।

विधान संशोधनका विषयमा छलफल गर्न कांग्रेस बैठक भोली बस्ने

nc office

nc officeकाठमाडौं, कात्तिक १९ : नेपाली कांग्रेसले पार्टी केन्द्रीय कार्यसमितिको बैठक मंगलबारका लागि बोलाएको छ ।

मंसिर ५ देखि ९ गतेसम्मका लागि तय महासमिति बैठक दुई हप्ताका लागि सार्ने चर्चा चलिरहेका बेला कांग्रेसले बैठक आह्वान गरेको हो ।
कांग्रेस प्रवक्ता विश्वप्रकाश शर्माले मंगलबार मध्याह्न १ बजे सानेपास्थित पार्टी केन्द्रीय कार्यालयमा बैठक बोलाइएको अनलाइनखबरलाई जानकारी दिए ।

विधान संशोधनको मस्यौदामा छलफल गर्ने समय अपुग भएकाले मंसिर २० पछि बैठक बोलाउनु पर्ने मत कतिपय नेताले राखेका छन् । मंगलबारको बैठकले यसबारे निर्णय गर्ने नेताहरुले बताएका छन् ।

तिहारका सामानमा कालो बजारी, मुल्य दोब्बर

tihar kinmel

tihar kinmelकाठमाडौं, कात्तिक १९ : आजदेखि तिहार सुरु भएको छ । तिहार सुरु भएसँगै काठमाडौंको असन, इन्द्रचोक लगायतका ठाउँहरुमा अत्यधिक घुइँचो बढेको छ । तिहारको मौका छोपेर व्यापारीहरुले हरेक सामानको मूल्य बढाएका छन् । कतिपय सामानको मूल्य दुई सय प्रतिशतसम्म बढेको छ । तर, बजारमा सरकारको कुनै अनुगमन छैन ।

अघिल्लो वर्षको तुलनामा यस वर्षको तिहारमा धेरै भाइमसलाहरुको मूल्यवृद्धि भएको नेपाल खुद्रा व्यापार संघका महासचिव राजकुमार श्रेष्ठले बताए । संघका महासचिवले भने, ‘धेरै मसलाहरुको मूल्य बढेको छ, तर सबै वस्तुको मूल्य बढेको चाहिँ छैन ।’
श्रेष्ठले किसमिस ३ सय देखि ३ सय ५० रुपैयाँमा बेच्दै आएकोमा ६ सय रुपैयाँ पुगेको बताए । उनका अनुसार १ हजार २ सय रुपैयाँमा गत वर्ष बिक्री गरेको बदाम १ हजार ४ सय ५० रुपैयाँसम्म पुगेको छ भने गत वर्ष २ सय देखि १३ सय रुपैयाँसम्म रहेको पेस्ता अहिले १ हजार ७ सय ५० रुपैयाँसम्म पुगेको छ ।

तिहारको मौका छोपेर व्यापारीहरुले हरेक सामानको मूल्य बढाएका छन् । कतिपय सामानको मूल्य दुई प्रतिशतसम्म बढेको छ । तर, बजारमा सरकारको कुनै अनुगमन छैन
यस वर्ष मखनाको मूल्य भने अत्यधिक बढेको छ । २ सय प्रतिशत भन्दा बढीले मखनाको मूल्य बढेको उनले बताए । अघिल्लो वर्ष ३ सय रुपैयाँमा बिक्री भएको मखना यस वर्ष मूल्य बढेर १ हजार रुपैयाँसम्म पुगेको उनले जानकारी दिए ।अघिल्लो वर्षको तुलनामा नरिवल र ओखरमा पनि मूल्यवृद्धि भएको छ । गत वर्ष ३ सय ७५ रुपैयाँमा बिक्री भएको नरिवल यसवर्ष ५ सय रुपैयाँ पुगेको छ भने ३ सय ८५ रुपैयाँमा बिक्री भएको ओखर यस वर्ष ७ सय रुपैयाँसम्म पुगेको महासचिव श्रेष्ठले बताए ।

विप्लव माओवादी काठमाडौंमा सभा गरेर सार्वजनिक हुने

Netra-bikram-chand_biplav_788789185

Netra-bikram-chand_biplav_788789185काठमाडौं, कात्तिक १९ : आउँदो मंसिर ८ गते नेपाल कम्युनिस्ट पार्टी नेत्रविक्रम चन्द ‘विप्लव’ समूहले काठमाडौंमा जनसभा गर्दैछ । उक्त जनसभामा विप्लवले सम्बोधन गर्ने बताइएको छ । अर्थात, केही समयदेखि भूमिगत रहेका विप्लव सोही दिन सार्वजनिक हुँदैछन् ।

त्योभन्दा अगावै विप्लव समूहसँग औपचारिक वार्ता गरी उनीहरुका माग सम्वोधन गर्ने प्रयत्न सरकारले थालेको छ । यसका लागि सोमप्रसाद पाण्डे नेतृत्वको राजनीतिक वार्ता समितिले पहल गरिरहेको छ । तर, विप्लवले सरकारी वार्ता समितिको अधिकार क्षेत्र कहाँसम्म हो भन्नेखालका शंका व्यक्त गरेका छन् ।
‘सम्बन्धित व्यक्तिसँगै कुरा भइरहेको छ । तर, यो वार्ता समितिको अधिकारक्षेत्र कहाँसम्म हो भन्नेखालका जिज्ञासा उहाँहरुले राख्नुभएको छ’, पाण्डेले भने, ‘कुरा सकारात्मक छ ।’

आफूहरुसँग अनौपचारिक कुराकानी भएपछि विप्लव समुहमा आवद्ध नेताहरुका अभिव्यक्ति सकारात्मक रहेको र अब सकारात्मक वार्ता हुने सरकारको अपेक्षा रहेको उनले बताए ।

यसअघि विप्लव नेतृत्वको नेकपाका प्रवक्ता खड्गबहादुर विश्वकर्मा ‘प्रकाण्ड’ पटक–पटक पक्राउ पर्दै छुटेका छन् । स्वयं विप्लवविद्ध पनि पक्राउपूर्जी जारी भएको छ । अहिले पनि विप्लव, प्रकाण्ड लगायतका नेताहरुविरुद्ध विभिन्न अदालतमा मुद्दा छन् ।

1 2 3 4 5 339