Author Archives: डिजिटल दैनिक

काठमाडौं कति घर छन भन्ने तथ्यांकमै बेखवर छ महानगर

kathmandu
FacebookTwitterGoogle+PrintEmailShare

kathmanduकाठमाडौं, भदौ २२ : एउटा टेलिभिजन कार्यक्रममा काठमाडौं महानगरपालिकाका मेयर विद्यासुन्दर शाक्यलाई महानगरभित्र कति घर छन्रु भनेर सोध्दा अनविज्ञता प्रकट गरे । मेयरलाई समेत यस्तो महत्वपूर्ण तथ्यांकको जानकारी नभएको भन्दै सामाजिक सञ्जालमा शाक्यको आलोचना भयो । तर, वास्तवमै यसबारे महानगरसँग अहिलेसम्म पनि यकिन विवरण भने छैन ।

महानगरपालिकाले महानगरभित्रका सम्पूर्ण घरको लगत संकलनको काम भने गरिरहेको छ । काठमाडौं महानगरपालिकाको निर्माण इजाजत विभागका प्रमुख रविन्द्र पौडेलका अनुसार करिब डेढ लाख विवरण महानगरको अनलाइन रेकर्डमा आइसकेको छ ।

यकिन विवरण नभए पनि उनले महानगरभित्र करिब ३ लाख घर रहेको अनुमानित तथ्याकं सुनाए । धेरै सरकारी कार्यालयमा अहिले पनि कागजात राख्ने पद्दति राणाकालको जस्तै नै छ । अहिले पनि कागजपत्र कपडामा पोको पारेर स्टोरमा राख्ने गरिन्छ ।

यसरी कागजपत्र राख्दा त्यो खोजेको समयमा नभेटिने मात्रै होइन, मुसा, धमिराले खाने, ओस्सिएर वा मक्किएर जाने तथा च्यातिएर कामै नलाग्ने हुनेसम्मका समस्या बिद्यमान छ ।

विभागका प्रमुख पौडेल यसै आर्थिक वर्षभित्र डिजिटलाइज्ड गर्ने काम सकिने बताउँछन् । कानुन मन्त्रालय अन्तर्गतको मिसिल शाखा टेकुबाट अनलाइनमा दर्ज गर्ने काम भइरहेको उनले बताए । पास भएका पुराना नक्सा महानगरले त्यहाँ पठाइरहेको छ ।

डिजिटलाइज्ड गर्ने काम सकिएपछि महानगरभित्र कति घर छन भन्ने यकिन विवरण आउने उनको दाबी छ । ऐतिहासिक तथा पुराना सम्पदा, आवासीय घर, सामुदायीक घर, व्यवसायीक भवन, सरकारी कार्यालय, मठ, पार्टीपौवा लगायतको लगत डिजिटलाइज्ड गर्ने काम भइरहेको उनले बताए ।

तर कतिपय सरकारी कार्यालयहरु समेत नक्सा पासको दायरामा नआएकाले स्थलगतरुपमा पूर्ण लगत संकलन नभएसम्म सबै तथ्यांक भने महानगरपालिकासँग हुनेछैन ।

नक्सा पास नै नगरी बनाइएका वर्षौ पुराना घर, टहराको विवरण महानगरसँग छैन । त्यसैले वडा कार्यालयमार्फत घर घर गएर पनि लगत संकलनको काम भइरहेको विभागका प्रमुख पौडेल बताउँछन ।

वर्षेनी थपिँदैछन हजारभन्दा बढी नयाँ घर

काठमाडौंमा घर बन्नेक्रम रोकिएको छैन । भूकम्पपछि एकखालको त्रास सिर्जना भएपनि बाहिरबाट काठमाडौं बसाइँ सर्ने होड भने हटेन । धुँवा धुलो, सडक, खानेपानी, ट्राफिक जाम इत्यादि विद्यमान समस्याका बीच पनि काठमाडौंमा बास बसाउने रहर धेरैको छ ।

घर निर्माणका लागि महानगरबाट नक्सा पास गरेका र घर बनाइसकेपछि निर्माण सम्पनताको प्रमाणपत्र लिनेको विवरण हेर्दा बर्षेनी एक हजारभन्दा बढी घर निर्माण सम्पन्न भएको देखिन्छ ।

गत आर्थिक वर्ष २०७४र७५ मा काठमाडौं महानगरपालिकाबाट २ हजार ७३२ घर निर्माणका लागि नक्सा पास भयो ।

गत आर्थिक वर्ष नै १ हजार १३४ घरलाई निर्माण सम्पन्नताको प्रमाण पत्र दिइयो । निर्माण सम्पन्नताको प्रमाण पत्र लिनेको तथ्याकं हेर्दा मात्रै पनि एक हजार घर वर्षेनी थपिएको देखिन्छ ।

महानगरपालिकाले नक्सा पास गरेको मितिले २ देखि ४ वर्षभित्र निर्माण सम्पन्न गर्न भनेको हुन्छ तर, यो प्रावधान बाध्यकारी भने छैन । नक्सा पास गरेको दुई वर्षमा बनाइ नसक्नेले फेरि म्याद थप गर्छन ।

कतिले नक्सा पास गरेको एकै वर्षमा घर निर्माण सम्पन्न गर्छन तर, महानगरबाट घर निर्माण सम्पन्नताको प्रमाणपत्र लिन भने जाँदैनन् । त्यसैले यो नै यकिन विवरण भने होइन ।

४ वर्षपछि घर निर्माण सम्पन्नताको प्रमाणपत्र लिन जानेसँग महानगरपालिकाले प्रति स्क्वायर फिट दुई रुपैयाँ जरिवाना लिने गरेको निर्माण ईजाजत विभागका प्रमुख पौडेलले बताए ।

४ वर्षभित्रै घर निर्माण सम्पन्नताको प्रमाणपत्र लिन जानेले भने प्रति स्क्वायर फिट एक रुपैयाँ तिर्नुपर्ने हुन्छ । निर्माण ईजाजत विभागका प्रमुख पौडेलका अनुसार आर्थिक वर्ष ०७१र७२ देखि नक्सा पासको विवरण अनलाइनमा अद्यावधिक गर्न थालिएको छ ।

०७१र७२ मा महानगरपालिकाले ७ वटा वडाबाट समेत अनलाइनबाटै नक्सा पास गर्न मिल्ने व्यवस्था गरेको थियो । ७२र७३ मा २१ वटा वडा र ७३र७४ मा साविकका ३५ वटै वडाबाट अनलाइनबाटै नक्सा पास गर्न मिल्ने बनाइएको थियो ।

सबै वडामा अनलाइन प्रणाली लागु गरेपछि ७३र७४ मा तीन हजार २ सय ९१ नक्सा पास भयो । उक्त आर्थिक वर्षमा २ हजार ५ सय ४२ ले घर निर्माण सम्पन्नताको प्रमाणपत्र लिए ।

२०७२ बैशाखको भूकम्पले ढलेका घरहरु पुनः निर्माण हुँदा नक्सा पास गर्नेको संंख्या थपिएको उनले बताए । ७१र७२ भन्दा अघिको यकिन विवरण भने महानगरसँग छैन । डिजिटलाइज्ड गरेपछि सबै विवरण थाहा हुने विभाग प्रमुख पौडेल बताउँछन् ।

निजामति दिवशमा ५५ कर्मचारीले पाए सम्मान

Ministry-of-General-Administration

Ministry-of-General-Administrationकाठमाडौं, भदौ २२ : १५ औं निजामति सेवा दिवसका अवसरमा देशभरका ५५ जना कर्मचारी सम्मानित भएका छन् ।

दिवसका अवसरमा शुक्रबार सिंहदरबार परिसरमा आयोजित कार्यक्रममा उत्कृष्ट कर्मचारीहरुलाई सम्मा गरिएको हो ।
‘नतिजामुखी प्रशासनः समृद्धि र सुशासन’ भन्ने मूल नाराकासाथ आयोजना गरिएको कार्यक्रममा २५ जनालाई उत्कृष्ट निजामति सेवा पुरस्कार र ३० जनालाई निजामति सेवा पुरस्कारको घोषणा गरिएको हो ।

नेपाललाई चीनको बन्दरगाहसम्म पहुँच दिने प्रोटोकलमा सहमति

bandargaha

bandargahaकाठमाडौं, भदौ २२ : नेपाल र चीन पारवाहन सम्झौताको ‘प्रोटोकल’मा लगभग सहमति जुटेको छ । बुधबारदेखि काठमाडौंमा भएको पारवहन सम्झौता प्रोटोकलको तेस्रो परामर्श बैठकले मस्यौदालाई अन्तिम रुप दिएको हो । यससँगै तेस्रो मुलुकबाट आयातका लागि भारतीय बन्दरगाहसँगको परनिर्भरता अन्त्य हुने भएको छ ।

सम्झौता अनुसार चीनले नेपाललाई आफ्ना ठूला बन्दरगाहरुमा पहुँच दिनेछ । यससँगै नेपालले अब तेस्रो मुलुकबाट सामान ढुवानी गर्दा तियान्जिन, सेन्जेन, लियान्ग्याङ, झान्जियाङ लगायतका खुला सामुन्द्रीक बन्दरगाह तथा ल्यान्झोउ, ल्हासा, सिगात्से लगायतका सुख्खा बन्दरगाह प्रयोग गर्न पाउनेछ ।
यी बन्दरगाहबाट नेपालसम्म आउन उपयुक्त भन्सारसँग सम्बन्धित प्रक्रिया, यातायातको माध्यम, डुवानी प्रक्रिया लगायतका पारवहनका अन्य विषयमा छलफल भएको र प्रोटोकलको मस्यौदालाई अन्तिम दिइएको उद्योग वाणिज्य तथा आपूर्ति मन्त्रालयलका प्रवक्ता नवराज ढकालले जानकारी दिए ।

चीनले बन्दरगाह प्रयोग गर्न दिनेबारे यसअघिनै सहमति जनाएको थियो तर, ती बन्दरगाहबाट नेपालसम्म आउने सडकमार्गका विषयमा भने अझै अन्यौल देखिएको छ । प्रोटोकलको मस्यौदालाई अन्तिम रुप दिइएको भनिएपनि बन्दरगाहबाट आयातका लागि नेपाललाई चीनले कुन रुट दिन्छ भन्ने खुलाइएको छैन ।

तीन दिनसम्म चलेको बैठकको नेतृत्व नेपालका तर्फबाट उद्योग, वाणिज्य तथा आपूर्ति मन्त्रालयका सहसचिव रविशंकर सैँजु र चीनका तर्फबाट यातायात सेवा विभाग, यातायात मन्त्रालयका महानिर्देशक वाङ सिपिङले गरेका थिए ।

नेपाल र चीनबीच ०७२ मा भएको ब्यापार तथा पारवाहनसम्बम्बधी सम्झौता कार्यान्वयन गर्ने गरी प्रोटकलमा हस्ताक्षर भएपछि नेपालको सामुन्द्रिक बन्दरगाह प्रयोगमा भारतीय एकाधिकार हट्ने छ ।

मन्त्री हेरफेर गर्ने विषयमा ओली–प्रचण्ड छलफल

oli prachanda

oli prachandaकाठमाडौं, भदौ २० : प्रधानमन्त्री केपी शर्मा ओली र नेकपा अध्यक्ष पुष्पकमल दाहाल प्रचण्डबीच मन्त्री हेरफेर गर्ने विषयमा छलफल सुरु भएको छ ।

पार्टीका तल्लो तह एकीकरण तथा सरकारमा मन्त्रीहरुको कार्यक्षमता हेरेर परिवर्तन गर्ने विषयमा दुई नेताबीच छलफल भइरहेको स्रोतले जनाएको छ।

सरकारको कामकारबाहीबारे आलोचना बढेपछि मन्त्री हेरफेरका विषयमा समेत दुई नेताबीच छलफल भइरहेको प्रधानमन्त्री निकट स्रोतले जानकारी दिएको छ। ओली र दाहालबीच मंगलबार पनि छलफल भएको थियो।

प्रचण्डले मंगलबार पत्रकारहरूसँग सरकार र मन्त्रीहरूका विषयमा दुई अध्यक्षबीच गम्भीर छलफलसँगै समीक्षा सुरु भएको बताएका थिए। काठमाडौंको खुमलटारस्थित निवासमा पत्रकारहरूसँग कुरा गर्दै प्रचण्डले मन्त्रीहरू हेरफेर हुन सक्ने बताएका थिए।

उनले आफ्नो(अर्को नभनी केही मन्त्रीको कामका आधारमा जिम्मेवारी हेरफेर हुन सक्ने बताएका थिए।

सरकार र पार्टी एकताका विषयमा ठोस प्रस्ताव तयार गरी सचिवालयबाट अन्तिम रूप दिएर स्थायी कमिटीमा छलफलपछि निर्णय गराउने तयारी भएको पनि उनले जानकारी दिएका थिए।

जापानमा शक्तिशाली आँधी, ७ जनाको मृत्यु

Powerful typhoon approaches Japan High waves triggered by Typhoon Jebi batter a fishing port in Aki

Powerful typhoon approaches Japan High waves triggered by Typhoon Jebi batter a fishing port in Akiकाठमाडौं, भदौ २० : जापानमा २५ वर्ष यताकै शक्तिशाली आँधी जाँदा ७ जनाको ज्यान गएको छ भने २ सय जना घाइते भएका छन् ।

मंगलबार ठूलो वर्षातपछि शिकाकु टापुबाट उठेको आँधी जापानको सबैभन्दा ठूलो टापु होङ्शुतर्फ प्रतिघण्टा २१६ किलोमिटरको गतिमा बहेको थियो । जेबी नाम दिइएको आँधीले रेल्वे स्टेशनको छत खसाल्नुका साथै ट्यांकरसमेत उडाएर पुलमा ठोक्काइदिएको छ ।
आँधीले उत्तर दिशा समातेकाले यो कमजोर हुने अनुमान गरिएको छ ।

अन्तर्राष्ट्रिय सञ्चार माध्यमहरुका अनुसार ठूलो वर्षातका कारण कतिपय ठाउँमा पहिरोसमेत गएको छ ।

आँधी र पहिरोबाट दश लाख प्रभावित भएका छन् । आँधी, बाढी र भू–क्षयको खतरा बढेपछि सरकारी अधिकारीहरुले घर छाड्न मानिसहरुलाई निर्देशन दिएका छन् ।

बीबीसीका अनुसार दशौं हजारले भने यसअघि नै घर छाडेर सुरक्षित स्थान रोजिसकेका छन् ।

जापानी प्रधानमन्त्री सिन्जो आबेले उद्धार कार्यमा खट्न सबैलाई आग्रह गरेका छन् । उनले सतर्कता अपनाउन नागरिकलाई अपिल गरेको जापानी सरकारी टेलिभिजन एनएचकेले जनाएको छ ।

आँधी र बाढीपछि सयौ हवाई सेवा, रेल तथा डुंगाहरुको सेवा रद्द गरिएको छ ।

बीबीसीका अनुसार ओसाकाको कान्सै अन्तर्राष्ट्रिय विमानस्थल बाढीले घेरिएको छ ।

जापान यस्ता आँधी तथा तुफानहरुको मारमा विगतदेखि नै पर्दै आएको छ । गत जुलाइमा मात्रै जापानमा गएको पहिरो तथा बाढीका कारण २ सय जनाले ज्यान गुमाएका थिए ।

सन् १९९३ मा जापानमा गएको आँधीमा परी ४८ जनाको ज्यान गएको थियो । मंगलबार गएको आँधीलाई त्यसपछिकै शक्तिशाली भनिएको छ ।

नेपाल–चीन व्यापार तथा पारवहन सम्झौताको प्रोटकलमा आजदेखि छलफल

china_nepal_flag_20130425061048

china_nepal_flag_20130425061048काठमाडौं, भदौ २० : नेपाल र चीनबीच भएको व्यापार तथा पारवहन सम्झौताको प्रोटोकल (कार्यविधि) टुंग्याउन दुई देशका अधिकारीबीच आजदेखि र भोलि छलफल हुने भएको छ।

काठमाडौंको होटल सोल्टीमा हुने छलफलका लागि चिनियाँ प्रतिनिधि मण्डल मंगलबार राजधानी आइपुगेको छ। चिनियाँ टोलीसँग उद्योग वाणिज्य तथा आपूर्ति मन्त्रालयका सहसचिव रविशंकर सैंजु नेतृत्वको नेपाली टोलीले दुई दिन छलफल गर्नेछ।

‘प्रोटोकलका सम्बन्धमा यसअघि ल्हासा र बेइजिङमा पनि छलफल भइसकेको छ। यो तेस्रो छलफल हो। धेरै कुरामा दुबै पक्ष खुला छन्। आशा गरौं यसपालि नै प्रोटोकल टुंगिन्छ कि,’ सहसचिव सैंजुले भने।

उनका अनुसार दुई देशबीच व्यापारका लागि प्रयोग हुने बन्दरगाह, रूट र मोडालिटीमा छलफल हुनेछ।

‘यसअघिका छलफलमा बन्दरगाह र रूटमा चिनियाँ पक्षले जुन सजिलो हुन्छ त्यही प्रयोग गर्न सकिने बताएको छ। मोडालिटीमा भने थप छलफल गर्नुपर्ने देखिएको छ,’ सैंजुले भने।

दुई वर्षअघि केपी शर्मा ओली पहिलो पटक प्रधानमन्त्री हुँदा चीनसँग व्यापार तथा पारवहन सम्झौता भएको थियो। तर अहिलेसम्म त्यसको प्रोटोकलमा हस्ताक्षर हुन सकेको छैन।

गत असारमा प्रधानमन्त्री ओलीको चीन जाँदा प्रोटोकलमा हस्ताक्षर हुने अपेक्षा गरिए पनि थप छलफल गर्नुपर्ने भएकाले हस्ताक्षर हुन नसकेको बताइएको थियो।

त्यसपछि प्रोटोकलका विषयमा छलफल गर्न नेपाली टोली चीन गएको थियो।

प्रोटोकलमा टुंगिएसँगै नेपाललाई चीनबाट सामान निर्यात गर्न थप सहजता हुनेछ।

धनुषामा गोली चल्दा एक जना घाईते

goli

goliजनकपुर, भदौ २० : धनुषामा अज्ञात समूहको गोली प्रहारबाट एक जना गम्भीर घाइते भएका छन् । गोली प्रहारबाट लक्ष्मीनिया ६ का ३४ वर्षीय सञ्जय शर्मा घाइते भएका हुन् ।

उनलाई जनकपुर अञ्चल अस्पतालमा उपचारपछि काठमाडौं पठाइएको जिल्ला प्रहरी कार्यालय धनुषाले जनाएको छ । शर्माको पेटमा गोली लागेको छ ।
जनकपुर(ढल्केबर सडक खण्डअन्तर्गत धनुषाको लक्ष्मीनिया गाउँपालिका( ७ मा उनलाई गोली प्रहार भएको थियो ।

ज ५ प ७९८८ नम्बरको मोटरसाइकल चढेर घर जाँदै गर्दा मोटरसाइकल नै चढेर आएका दुई जनाले गोली हानेर भागेको शर्माले बताए ।

सोमबारदेखि बैदेशिक रोजगारका सबै विवरण एउटै पोर्टलमा

labour url

labour urlकाठमाडौं, भदौ २० : सरकारले वैदेशिक रोजगारीका सबै तथ्यांकलाई एउटै प्रणालीमा राख्ने गरी अनलाइन सिस्टम तयार गरेको छ । यो सिस्टम आगामी सोमबार सार्वजनिक गर्ने तयारी छ ।

यसले वैदेशिक रोजगार विभागमा फाइल अड्काएर राख्ने कर्मचारीको प्रवृत्ति र म्यानपावरले गर्ने ठगीलाई पनि केही हदसम्म नियन्त्रण गर्ने अपेक्षा लिइएको छ ।
श्रम मन्त्रालयल र मातहतका विभाग तथा श्रम कार्यालय, राहदानी विभाग, कन्सुलर विभाग, अध्यागमन, विदेशस्थित नियोग, म्यानपावर कम्पनी, स्वास्थ्य परिक्षण संस्था, अभिमुखीकरण केन्द्र सबै एउटै सिस्टममा हुनेछ । कामदारको सम्पुर्ण विवरण पासपोर्ट नम्वर हानेकै भरमा भेटिनेछ । कुनै पनि व्यक्तिको उजुरी गुनासो समेत अनलाइन सिस्टममा आवद्ध हुनेछ ।

सिस्टममा कुन संस्थाका फाइल कुन कर्मचारीको टेबलमा पुगेर अड्एिको छ भनेर हेर्न सकिन्छ । चित्तबुझ्दो कारण विना फाइल अड्काइएमा मन्त्रालयलार्इ ‘एक्सन’ लिन सजिलो हुनेछ ।

सोमाबारबाट विदेशमा रोजगारी गरेर फर्किएकाहरुको पनि तथ्यांक राख्न सुरु हुनेछ । अहिलेसम्म यसको थालनी भएको छैन ।

रोजगारीका लागि विदेशी जाने नेपालीहरुको रेकर्ड सरकारसँग हुन्छ । तर, विदेशबाट फर्किनेहरुको बारेमा सरकारी निकायहरु कुनै खोजखबर गर्दैनन् । विदेशमा श्रम गरेर वर्षेनी कति नेपाली स्वदेश फर्किन्छन् भन्ने प्रश्नमा उत्तर दिन नसक्ने सरकारले अब भने एकीन तथ्यांक नै लिने तयारी गरेको हो ।

श्रम तथा रोजगार मन्त्रालयले फर्किएका कामदारको पनि सम्पूर्ण रेकर्ड राख्ने तयारी गरेको छ । यो व्यवस्थासहित वैदेशिक रोजगारीमा जाने युवाको विवरण र तथ्यांक व्यवस्थित गर्ने गरी श्रम तथा रोजगार मन्त्रालयले अनलाइन सिस्टम विकास गरेको छ ।

चीनले भन्यो, ‘केरुङ–गल्छि प्रसारण लाईन हामी एक्लैले बनाउन सक्दैनौ’

electric-line

electric-lineकाठमाडौं, भदौ २० : चीनले उच्च क्षमताको गल्छी–केरुङ अन्तरदेशीय प्रसारण लाइन अनुदानमा बनाउन नसकिने स्पष्ट गरेको छ । योसँगै नेपालले प्रसारणलाइन निर्माण गर्न चीनसँगै मिलेर लगानीसमेत गर्नुपर्ने भएको छ ।

चीनले नेपालसँग यो प्रसारणलाइन निर्माणपछि सन् २०३० सम्म कति बिजुली किनबेच गर्न सकिन्छ भन्ने विवरण पनि मागेको छ । हालै अन्तरदेशीय प्रसारणलाइनका लागि चीन पुगेको नेपाल विद्युत प्राधिकरणको टोलीसँग चिनियाँ पक्षले यस्तो विवरण मागेको हो ।

अब अर्को चरणमा नेपालमै बस्ने दुईपक्षीय बैठकमा यसबारे नेपालले आफ्नो धारणा राख्नेछ । चीन गएर फर्किएको टोलीले विद्युत प्राधिकरणसमक्ष चिनियाँ पक्षले उठाएका विषयहरु अवगत गराएको छ ।

सन् २०१६ मा प्रधानमन्त्री केपी शर्मा ओलीको चीन भ्रमणको क्रममा चीनसँग अन्तरदेशीय प्रसारणलाइन निर्माण गर्ने समझदारी भएको थियो । त्यसअनुसार दुईपक्ष अहिलेसम्म नेगोसियसनमै छन् ।

चिनियाँ पक्षले प्रसारणलाइनलाई रेलमार्ग सँग–सँगै बनाउनुपर्ने बताएको छ । त्यसो हुँदा केरुङ–काठमाडौं रेलमार्गको विद्युतीय रेलका लागि पनि यसैको बिजुली प्रयोग गर्न सकिने तर्क उसको छ
यसैक्रममा प्राधिकरणका प्रसारण निर्देशनालयका निमित्त प्रमुख बज्रभुषण चौधरीको नेतृत्वमा ५ सदस्यीय टोली हालै चीन गएको थियो । प्राधिकरणका एक उच्च अधिकारीका अनुसार प्रसारणलाइन निर्माणका लागि सम्भाब्यता अध्ययन गर्नुअघि नै लगानी मोडालिटी टुंग्याउन चीनले प्रस्ताव गरेको छ । नेपालले चीनबाट वार्षिक कति बिजुली किन्छ भन्नेमा पनि चीनको गम्भीर चासो छ ।

बैठकमा चिनियाँ पक्षले प्रसारणलाइनलाई रेलमार्ग सँग–सँगै बनाउनुपर्ने बताएको छ । त्यसो हुँदा केरुङ–काठमाडौं रेलमार्गको विद्युतीय रेलका लागि पनि यसैको बिजुली प्रयोग गर्न सकिने तर्क उसको छ ।

नुवाकोटको रातोमाटेबाट केरुङसम्म ४ सय केभीको प्रसारणलाइन जोड्न लागिएको छ । नेपालतर्फ कुल ७० किलोमिटर प्रसारणलाइन निर्माण गर्नुपर्छ । यसअघि गल्छीबाट निर्माण गर्ने भनिएपनि प्राधिकरणले रातोमाटसम्म मात्रै बनाउने प्रारम्भिक गृहकार्य गरेको छ ।

सो स्थानमा अमेरिकी सहयोगमा बन्ने ४ सय केभीकै अर्को प्रसारणलाइनको सब स्टेशन तयार गरिँदैछ ।

‘चीनले तिब्बतबाट कति बिजुली किन्न सक्छौं भनेर सोधेको छ । उसले सन् २०३० सम्म नेपालले कति बिजुली चीनलाई बेच्न सक्छ भन्नेबारे पनि तथ्यपरक विवरण प्रस्तुत गर्न आग्रह गरेको छ,’ ती अधिकारीले भने, ‘तर, चीनसँग अन्तरदेशीय प्रसारणलाइन बनिसक्दासम्म विजुली आयात नै गर्नु नपर्ने अवस्था हुन सक्छ ।’

उनका अनुसार चीनले यो प्रसारणलाइनमार्फत आफूले बिजुली किन्न भन्दा पनि नेपालले बिजुली बेच्न बढी आवश्यक रहेको पुष्टि गर्न यस्तो विवरण मागेको हो ।

प्रसारणलाइनको जरुरत चीनलाई भन्दा बढी नेपाललाई छ भन्ने देखाएर लगानी मोडालिटी टुंग्याउन चीनले यस्तो विवरण मागेको हुन सक्ने उनको अनुमान छ ।

‘हामीले चीनबाट बिजुली ल्याउन कति सम्भव हुन्छ हेर्नुपर्छ । तर, अहिले नै कति बिजुली किन्छौं भनेर सोध्दा हामीलाई केही अप्ठेरो पर्छ,’ प्राधिकरण स्रोत भन्छ,‘हामी केही समयपछि बिजुली चीन निर्यात गर्न चाहान्छौं । आयात हाम्रो प्राथमिकता होइन ।’

चिकित्सक आन्दोलन: देशभरका अस्पतालमा आकस्मिक बाहेकका सबै सेवा बन्द

doctor-rally-1

doctor-rally-1काठमाडौं, भदौ १७ : नेपाल चिकित्सक संघले आज देशभरका अस्पतालहरुमा आकस्मिक बाहेकका सबै सेवा बन्द गरेको छ । मुलुकी अपराध संहिता संशोधनको माग गर्दै उनीहरू आन्दोलनमा उत्रिएका हुन् ।

यस्तै आजै नेपाल मेडिकल काउन्सिल गइ लाइसेन्स फिर्ता गर्ने कार्यक्रम पनि राखिएको छ।

संघले मुलुकी अपराध संहिता संशोधनको माग गर्दै आइतबार बिहान १० बजे माइतीघर मण्डलामा प्रदर्शन गर्ने र १२ बजेपछि काउन्सिललाई आ(आफ्नो लाइसेन्स फिर्ता गर्ने कार्यक्रम तय गरेको छ ।

संघ करिब ५ हजार लाइसेन्स काउन्सिललाई बुझाउने तयारीमा छ।

भदौ एक गतेदेखि कार्यान्वयनमा आएको मुलुकी अपराध संहितामा उपचारका क्रममा डाक्टरको लापरवाहीले बिरामीको मृत्यु भएमा वा अंगभंग भएमा पाँच वर्षसम्म कैद र ५० हजार रूपैयाँसम्म जरिवानाको व्यवस्था गरेको छ। चिकित्सकहरूले यसमा असहमति जनाउँदै संशोधनको माग राख्दै आएका छन् ।

यसैगरी संघले देशभरका जिल्ला शाखाहरुले समेत प्रशासन कार्यालय अगाडि प्रदर्शन गर्ने बताएको छ।

‘काठमाडौं उपत्यकाको हकमा अपरान्ह १० बजे माइतीघर मण्डलामा तथा शाखाहरुको हकमा सम्बन्धित जिल्लाको जिल्ला प्रशासन कार्यालयमा एप्रोन सहित अनिवार्य उपस्थित भई विरोध कार्यक्रम सञ्चालन गर्नु हुन समेत सम्पूर्ण स्वाथ्यकर्मी तथा चिकित्सकहरुमा हार्दिक अनुरोध गरिन्छ’ संघले जारी गरेको विज्ञप्तिमा उल्लेख छ।

1 2 3 4 5 329